Home ព័ត៌មានអន្តរជាតិ ម៉ិក​ស៊ិច អំព...

ម៉ិក​ស៊ិច អំពាវនាវ​អោយ​ប្រទេស​អ្នកមាន​ឈប់​គរ​ទុក​វ៉ាក់សាំង​កូវី​ដ​១៩​សំរាប់​ប្រើ​ខ្លួនឯង​

​ប្រែ​សម្រួលៈ​វាសនា​/​ម៉ិក​ស៊ី​កូ ស៊ី​ធី​៖ ប្រទេស​ម៉ិក​ស៊ិច​កាលពី​ថ្ងៃ​ពុធ បានធ្វើការ​សុំ​អង្វរ​នៅ​ក្រុមប្រឹក្សា​សន្តិសុខ​អង្គការសហប្រជាជាតិ​អោយ​ប្រទេស​អ្នក​មាន​ឈប់​ប្រមូល​ទុក​វ៉ាក់សាំង​កូវី​ដ​១៩​នៅពេល​​ប្រទេស​ក្រីក្រ​ជាង​ស្ថិតនៅ​ពីក្រោយ​ក្នុង​ការ​ប្រណាំងប្រជែង​គ្នា​មួយ​ដើម្បី​ទទួលបាន​វ៉ាក់សាំង​សំរាប់​ពលរដ្ឋ​របស់​គេ​។​

​បើ​តាម​រដ្ឋមន្ត្រីការបរទេស​ម៉ិក​ស៊ិ​ចលោក ម៉ា​សេ​ឡូ អេ​ប្រាត ៣​ភាគ​៤​នៃ​ការចាក់​វ៉ាក់សាំង​ដំបូងៗ​មាន​តែ​នៅក្នុង​ប្រទេស​ចំនួន​១០​ដែល​មាន​ផលិតផល​សរុប​ក្នុងស្រុក​សកល​(GDP)៦០​ភាគរយ នៅពេល​​ប្រទេស​ជាង​១០០​ទៀត​មិន​ទាន់​ចាក់​វ៉ាក់សាំង​មួយ​ម្ជុល​សោះ​។​

​លោក ម៉ា​សេ​ឡូ អេ​ប្រាត បាន​និយាយ​នៅ​ចំពោះមុខ​អង្គប្រជុំ​របស់​ក្រុមប្រឹក្សាសន្តិសុខ​អង្គការសហប្រជាជាតិ​ថា​«​យើង​ទទូច​អោយ​ប្រទេស​អ្នក​មាន​ឈប់​គរ​ទុក​វ៉ាក់សាំង​និង​បង្កើន​ល្បឿន​ការប្រគល់​វ៉ាក់​​សាំង​ក្នុង​កម្មវិធី​COVAX នៅ​ដំណាក់កាល​ដំបូង ដើម្បី​ផ្តល់​អាទិភាព​ដល់​ប្រទេស​មាន​ទ្រព្យធន​តិចជាង​»​។​

​លោក អេ​ប្រាត បាន​និយាយថា តាំងពី​មុន​មក​មិន​មាន​វ៉ាក់សាំង​ត្រូវបាន​ចែកចាយ​នៅក្រោម​គំរោង​ផែនការ​នេះ​នៅឡើយ​ទេ​។​សរុប​ប្រទេស​១៩០​ចូលរួម​ក្នុង​គំរោង​COVAX​ដើម្បី​ទទួលបាន​វ៉ាក់សាំង​​ស្មើភាព ដូច្នេះ​«​វា​ចាំបាច់​ត្រូវធ្វើ​សកម្មភាព ទប់ស្កាត់​ភាពអយុត្តិធម៌​នេះ ពីព្រោះ​សន្តិសុខ​របស់​មនុស្ស​លោក​ទាំងអស់​អាស្រ័យ​លើ​វា​»​។​

​តាមពិត​ម៉ិក​ស៊ិច​បាន​ចុះហត្ថលេខា​ជាមួយ​ក្រុមហ៊ុនឳ​សថ​អន្តរ​ជាតិ​ជាច្រើន ដើម្បី​ទិញ​វ៉ាក់សាំង​រាប់​លាន​ដូស​សំរាប់​ប្រជាជន​១២៦​លាន​នាក់​របស់​ខ្លួន ចំ​ពេល​ពិភពលោក​ជួប​ការពន្យារពេល​ប្រគល់​និង​​កង្វះ​វ៉ាក់សាំង​៕

​រដ្ឋមន្ត្រីការបរទេស​ម៉ិក​ស៊ិ​ចលោក ម៉ា​សេ​ឡូ អេ​ប្រាត ក្នុងពេល​ទទួល​វ៉ាក់សាំង​កូវី​ដ​១៩​មក​ពី​ក្រុមហ៊ុន​មួយ​កាលពី​ថ្ងៃ​១៤​កុម្ភៈ​

ទីតាំងផ្សាយពាណិជ្ជកម្ម

- Advertisment -

Most Popular