Home ហោរាសាស្ត្រ ហោរាសាស្រ្ត ប...

ហោរាសាស្រ្ត ប្រចាំថ្ងៃ ព្រហស្បតិ៍ ទី ១៨ ខែ កុម្ភៈ ឆ្នាំ ២០២១

ឆ្នាំជូត​

​រាសី​ស្រុតចុះ​។​នៅថ្ងៃនេះ​លោកអ្នក​គប្បី​ប្រយ័ត្នប្រយែង​បន្តិច ពីព្រោះថា​ងាយ​ជួប​នូវ​ឧបទ្រពចង្រៃ​យាយី​នាំ​ជួប​ផល​លំបាក​ច្រើន​ត្រូវ​ឆ្លងកាត់​។​ក្រៅពីនេះ​លោកអ្នក​មិនត្រូវ​ដាក់​ក្តី​សង្ឃឹមលើ​អ្វីមួយ​ពេក​ដែរ​ពីព្រោះថា​តែង​មិន​សម្រេច​ដូច​គាប់​បំណង​នោះឡើយ​។​ចំពោះ​ការប្រកប​ការងារ​វិញ​លោកអ្នក​មិនត្រូវ​ស្រ​វ៉ា​ការងារ​ធំដុំ​ពេក​ឡើយ​ពីព្រោះថា​ផល​តែង​ឆ្លើយតប​មិន​ដូច​គាប់​បំណង​នោះ​មាន​ខ្ពស់​គួរសម​។​អ្នក​ប្រកប​របរ​រកស៊ី​ជួញដូរ បើសិន​ចង់ លេង​ហ៊ុន ឬ បណ្តាក់ទុន​រយៈពេល​វែង​ត្រូវ​ចេះ​ពិចារណា​ឱ្យបាន​លម្អិតលម្អន់​ទើប​គ្មាន​ជួប​នូវ​ពាក្យ​ថា​សោកស្តាយ​។​
​ចំណែក​សេចក្តីស្នេហា​កំលោះ​ក្រមុំ​ម្តង​ផ្អែម ម្តង​ជូរចត់​មិនសូវ​ចុះសម្រុង​គ្នា​ប៉ុន្មាន​ដែរ​ទេ​៕

​ឆ្នាំឆ្លូវ​

រាសី​ខ្ពស់ត្រដែត​។​នៅថ្ងៃនេះ​ការរស់នៅ​ឃើញថា​មាន​ភាពរលូន​ល្អ ហើយ​បើ​ចង់​ពឹងពាក់​អ្នកដទៃ​ក្នុង​រឿង​អ្វីមួយ​ក៏​តែងមាន​ក្រុមមនុស្ស​ស្រឡាញ់​ពេញចិត្ត​ច្រើន​ដែរ​។​ក្រៅពីនេះ​ចំពោះ​បញ្ហា​ប្រាក់កាស​ឬ​ការងារ​ឃើញថា​មានការ​ចម្រើន​លូតលាស់​និង​តែង​ហុច​ផល​ល្អ​មកវិញ​។​អ្នក​ប្រកប​របរ​រកស៊ី​ជួញដូរ​មានដំណើរ​ការ​ទៅមុខ​ល្អ ហើយ​បើ​ចង់​បើក​ជំនួញ​ថ្មីៗ​ក៏​ល្អ​ណាស់​ផង​។
​រីឯ​បញ្ហា​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​ក្នុងថ្ងៃនេះ​មិនមាន​អ្វី​លេចធ្លោ​ទេ​តែបើ​លោក​អ្នកមាន​ជម្លោះ​វិវាទ ហើយ​ចង់​ធ្វើការ​ដោះស្រាយ​តែង​សម្រេច​ដូច​គាប់​បំណង​៕

​ឆ្នាំខាល​

រាសី​ល្អជា​មធ្យម​។​ដំណើរ​ជីវិត​របស់លោក​អ្នក​នៅ​ថ្ងៃនេះ​មាន​ភាព​ស្រស់ស្រាយ ហើយ​បើ​ចង់​ទំនាក់ទំនង​អ្វី​ក៏​តែង​ផ្តល់​ផល​ល្អៗ​មកវិញ​ផង​។​ការប្រកប​ការងារ​តែង​មិនសូវ​ចុះសម្រុង​ជាមួយ​អ្នក​នៅក្បែរ​ខ្លួន​ឬ​ពី​ចម្ងាយ​ច្រើន​បន្តិច ហេតុនេះ​គប្បី​អត់ធ្មត់​ទើប​ប្រសើរ​។​សម្រាប់​អ្នក​ប្រកប​របរ​រកស៊ី​ជួញដូរ​វិញ​មិនសូវមាន​ការរីកលូតលាស់​ទៅមុខ​ទេ ដូចនេះ មិន​ផ្តល់​ផល​ល្អ​សម្រាប់​ការផ្លាស់ប្តូរ​មុខរបរ​ថ្មី ឬ បើក​ធ្វើ​ជំនួញ​អ្វី​ថ្មី​ប៉ុន្មាន​ឡើយ​។​ការរស់នៅ​ងាយ​ជួប​បញ្ហា​រោគ​ជំងឺ​ណាស់​ចូរ​ប្រយ័ត្ន​រោគ​ចាស់​យាយី​ពិសេស​បញ្ហា​ចំណីចំណុក​តែម្តង​។​
​រីឯ​បញ្ហា​ស្នេហា​កំលោះ​ក្រមុំ​មានការ​ថ្នាំងថ្នាក់ និង ចាប់កំហុស​គ្នា​មិនតិច​ឡើយ​៕

​ឆ្នាំថោះ

រាសី​ស្រុតចុះ​។​នៅថ្ងៃនេះ​ការរស់នៅ​លោកអ្នក​មិនអាច​ប្រមាថ​បានទេ ហើយ​ត្រូវ​យកចិត្តទុកដាក់​ថែទាំ​គ្រួសារ​បន្តិច​កាន់តែ​ប្រសើរ​។​ចំពោះ​ការប្រកប​ការងារ​វិញ​មិនត្រូវ​មើលរំលង​ចៅហ្វាយនាយ​ឡើយ ត្រូវ​សម្តែង​ការ​រាក់ទាក់ និង​ជួយ​កិច្ចការ​ខ្លះ​នឹង​ជួយ​ឱ្យ​ជួប​បញ្ហា​ល្អ​នា​ថ្ងៃ​ខាងមុខ​ខ្លះ​វិញ​។​សម្រាប់​អ្នក​ប្រកប​របរ​រកស៊ី​ជួញដូរ​មានការ​រកាំចិត្ត​ព្រោះតែ​ការ​ជួញ​ទីជិត​ឆ្ងាយ​ផល​កម្រៃ​មិន​ឆ្លើយតប​ដូច​សេចក្តីប្រាថ្នា​ទេ​ហើយ​ទោះ​ខិតខំ​ប៉ុនណា​ក៏បាន​ត្រឹម​មួយ​ទប់ទល់​ដែរ​។​
​រីឯ​បញ្ហា​ស្នេហា​ប្រុស​ស្រី​មាន​ការប្រទាំងប្រទើស និង ចាប់កំហុស​គ្នាច្រើន​ព្រោះតែ​ភាព​ប្រចែប្រច័ណ្ឌ​កំពុង​លុកលុយ​៕

​ឆ្នាំរោង​

រាសី​ខ្ពស់ត្រដែត​។​នៅថ្ងៃនេះ​ដួង​រាសី​គាប់ប្រសើរ​គួរសម ដូចនេះ​ធ្វើឱ្យ​រឿង​រាវ​អាក្រក់​បាន​រលត់រលាយ​ទៅ​ឆ្ងាយ ហើយ​ផល​ល្អៗ​បាន​រត់​ចូលមក​ជំនួស​វិញ​។​ចំពោះ​ការប្រកប​ការងារ​វិញ​ឃើញ​ថាបើ​លោកអ្នក​ចង់​ធ្វើ​អ្វី​ក៏​តែង​មានការ​ជឿនលឿន​ទៅមុខ​ជានិច្ច​។​បើជា​អ្នក​ប្រកប​របរ​រកស៊ី​ជួញដូរ ទោះ​មានការ​ជួញ​ទីជិត​ឆ្ងាយ​តែង​អាច​ប្រមូល​ផល​កម្រៃ​ចូល​ផ្ទះ​វិញ​គ្រាន់​កាក់កប និង មាន​ភាព​សុខដុម​ល្អ​។​ការធ្វើដំណើរ​ទីជិត​ឆ្ងាយ​ជួប​សេចក្តីសុខក្សេមក្សាន្ត​ទាំង​ពេល​ទៅ​និង​ត្រឡប់មកវិញ​។
​សម្ព័ន្ធ​ស្នេហា​កំលោះ​ក្រមុំ​បើ​មានការ​ផ្សំផ្គុំ​ជា​គ្រួសារ​ល្អ​ប្រពៃ​ព្រោះថា​អាច​រួម​រស់នៅ​ជាមួយគ្នា​សុខដុម​៕

​ឆ្នាំម្សាញ់​

​រាសី​ខ្ពស់ត្រដែត​។​នៅថ្ងៃនេះ​ដំណើរ​ជីវិត​របស់លោក​អ្នក​នៅ​តែ​ល្អប្រសើរ​ទេ ហើយ​ធ្វើ​អ្វី​ក៏​តែង​ជឿនលឿន​ទៅមុខ​ច្រើន​រឿង​ផង​។​ការប្រកប​ការងារ​មានការ​ជឿនលឿន​គួរសម ហើយ​បើ​ចង់​ទំនាក់ទំនង​ការងារ​តែង​ទទួលជោគជ័យ​ត្រឡប់មកវិញ ។​អ្នក​ប្រកប​របរ​រកស៊ី​ជួញដូរ​វិញ​បើ​លោកអ្នក​ចង់​បោះទុន​តូចធំ ឬ​ចង់​រកស៊ី​ចូល​ហ៊ុន​ជាមួយ អ្នកដទៃ​ត្រូវ​ចេះ ត្រួតពិនិត្យ ឱ្យបាន​គ្រប់​ជ្រុងជ្រោយ​បើ​ពុំ​នោះទេ​អាច​ជួប​ផល​អាក្រក់​ណាមួយ​នៅ​ថ្ងៃ​ខាងមុខ​។​ការធ្វើដំណើរ​ទីជិត​ឆ្ងាយ​ជួប​សេចក្តីសុខក្សេមក្សាន្ត​ដូច​សព្វមួយដង​។​
​សម្ព័ន្ធ​ស្នេហា​ប្រុស​ស្រី​មានការ​លូតលាស់​ទៅមុខ​ព្រោះតែ​មានការ​យកចិត្តទុកដាក់​គ្នា​ប្រសើរ​ឡើងវិញ​៕

​ឆ្នាំមមី

រាសី​ស្រុតចុះ​។​នៅថ្ងៃនេះ​លោកអ្នក​ធ្វើ​អ្វី​ក៏ដោយ តោង​តែ ពិនិត្យពិច័យ និង មើល​ឱ្យបាន​គ្រប់​ជ្រុងជ្រោយ​ទើប​ពុំមាន​បញ្ហា​អាក្រក់​ណាមួយ​ចូល​យាយី​កើត​។​ក្រៅពីនេះ​លោកអ្នក​ត្រូវ​រក្សា​សុខភាព និង​មានការ​សន្សំ​ប្រាក់កាស​មិនត្រូវ​ខ្ជះខ្ជាយ​ទើប​ប្រសើរ​។​ការប្រកប​ការងារ​មានការ​អន់ថយ​ពិសេស​ងាយ​ប្រទាំង​ប្រទើស​ជាមួយ​អ្នកដទៃ​ផង​។​អ្នក​ប្រកប​របរ​រកស៊ី​ជួញដូរ​ថ្ងៃ​នេះដែរ​មានការ​ខ្សត់ខ្សោយ​ក្នុង​ការរក​ផល​ចំណូល​ណាស់ដែរ ដូច្នេះ​ទាល់តែ​ខិតខំ​ខ្លាំង​ទើប​អាច​រក​ផល​កម្រៃ​គ្រាន់​ចិញ្ចឹម​គ្រួសារ​រស់​ទៅរួច​។​
​រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ប្រែប្រួល​ប្តូរផ្លាស់​ព្រោះ​ជួន​ត្រូវរ៉ូវ​ជួន​ទាស់ទែង​គ្នា​៕

​ឆ្នាំមមែ​

រាសី​ល្អជា​មធ្យម​។​នៅក្នុង​អំឡុង​ពេលនេះ​លោកអ្នក​អាចមាន​ក្រុមមនុស្ស​ទាំង​នៅក្បែរ​ខ្លួន​ឬ​ពី​ចម្ងាយ​ក្តី​បង្កបញ្ហា​ឱ្យ​ឈឺចិត្ត​ផង​គប្បី​មានការ​អត់ធ្មត់​បន្តិច​ទើប​ប្រសើរ​។​សម្រាប់​ថ្ងៃ​នេះដែរ​លោកអ្នក​អាច​ប្រកប​កិច្ចការងារ​អ្វី​ដោយមាន ចៅហ្វាយនាយ ឬ​កូនចៅ​ជួយ​ចូក​ជួយ​ចែវ ហើយ​មិនសូវមាន​ក្រុមមនុស្ស​ចាំតែ​រាទឹក​ដូច​កាលពីមុន​ទៀតឡើយ​។​សម្រាប់​អ្នក​ប្រកប​របរ​រកស៊ី​ជួញដូរ​វិញ​លោកអ្នក​គប្បី​រក្សា​ភាព​នឹងធឹង​កុំ​យក​សេចក្តី​ឈ្នានីស​ឬ​ការ​គុំ​គួ​ន​ដាក់ខ្លួន​នាំ​កើត​ឧបទ្រពចង្រៃ​ការលក់ដូរ​កាន់តែ​មិន​ដាច់​។​
រីឯ​បញ្ហា​គូគ្រង​ប្តី​ប្រពន្ធ​ឬ​គូស្នេហ៍​កំលោះ​ក្រមុំ​មានការ​ប្រែប្រួល​ច្រើន​ព្រោះ​ជួន​ផ្អែមល្ហែម​ជួន​ពាក់មុខយក្ស​ដាក់គ្នា​៕

​ឆ្នាំវក​

​រាសី​ល្អជា​មធ្យម​។​នៅថ្ងៃនេះ​បើទោះបី​ដួង​រាសី​មាន​ភាពល្អប្រសើរ​ប​ន្តិ​ច​ក្តី តែ​ផល​ប៉ះទង្គិច​តែង​កើតចេញ​មកពី​គំនិត និង​ការយល់​ខុស​ខ្លួនឯង​ច្រើនជាង​។​ការប្រកប​ការងារ​មានការ​ជឿនលឿន​តិចតួច ហើយ​ពិសេស​ងាយ​មាន​បញ្ហា​អ្នក​នៅក្បែរ​គ្នា​ផង​។​សម្រាប់​អ្នក​ប្រកប​របរ​រកស៊ី​ជួញដូរ​មាន​ភាព​នឹងធឹង​ល្អ​ពោលគឺ​មិនមាន​អ្វី​ប្រែប្រួល​ប្តូរផ្លាស់​ទេ​គឺ​ដូច​សព្វមួយដង​។​ការធ្វើដំណើរ​មាន​ភាព​ប្រទាំង​ប្រទើស​បន្តិច​តែ​ក៏មាន​ភាព​សុខដុម​ល្អ​ផងដែរ​។​
​រីឯ​បញ្ហា​គូស្នេហ៍​ប្រុស​ស្រី​មានការ​ទុក្ខ​ខ្វាយខ្វល់​ច្រើន​ដោយសារ​ការមិន​សូវ​ទុកចិត្ត​គ្នា​និង​មិន​ត្រូវយក​ភាព​ប្រកែប្រកាន់​ដាក់ខ្លួន​ទើប​ប្រសើរ​៕

​ឆ្នាំរកា​

រាសី​ខ្ពស់ត្រដែត​។​ការរស់នៅ​លោកអ្នក​ត្រូវ​ចងចាំ​ថា​ត្រូវ​រក្សា​សេចក្តីសុខ​កាន់តែច្រើន​កាលណា​គឺ​កាន់តែ​ល្អ​កាល​នោះដែរ​។​ក្រៅពីនេះ​លោកអ្នក​ត្រូវ​ចងចាំ​ពាក្យចាស់​ផង​ថា​”​បញ្ហា​ចិត្ត​ទន់ជ្រាយ​នាំឱ្យ​កើត​ប្រភព​បញ្ហា​ចោមរោម​”​ជាក់​ជាពុំខាន​។​ការប្រកប​ការងារ​បើ​ចង់​ទំនាក់ទំនង​ការងារ​ឬ​ចរចា​ក្នុង​រឿង​អ្វីមួយ​តែង​សម្រេច​ដូច​បំណង​ផង​។​ការប្រកបរ​រកស៊ី​ជួញដូរ​បើ​ចង់​ផ្លាស់ប្តូរ​មុខរបរ ឬ​ចង់​ទិញ​កន្លែង​លក់ដូរ​នៅថ្ងៃនេះ​ឃើញថា​ល្អប្រសើរ​គួរសម​ដែរ​។​
​រីឯ​បញ្ហា​សេចក្តីស្នេហា​កំលោះ​ក្រមុំ​ពុំ​ត្រូវយក​ភាព​ចង់​ចាញ់ឈ្នះ​គ្នា​ដាក់ខ្លួន​ច្រើន​នាំ​តែ​កើតរឿង​រាវ​ឡើង​ឥតឈប់ឈរ​ប៉ុណ្ណោះ​៕

​ឆ្នាំច​

រាសី​ស្រុតចុះ​។​ការរស់នៅ​លោកអ្នក​អាច​ទទួលដំណឹង​មិនល្អ​នាំឱ្យ​ទុក្ខព្រួយ​ផ្លូវចិត្ត​ផង​។​នៅថ្ងៃនេះ​ដែរ​បើទោះបី​ដួង​រាសី​ស្រុតចុះ​ពិតមែន ប៉ុន្តែ​បើ​លោកអ្នក​ខិតខំ​ធ្វើ​ដោយ​ចិត្ត​ត្រជាក់​តែង​សម្រេច​ជោគជ័យ​ដូចគ្នា​។ សម្រាប់​ថ្ងៃនេះ​ដែរ​ដោយសារ​ដួង​រាសី​ស្រុតចុះ ដូចនេះ​បើ​ចង់​ប្រកបការងារ​តូចធំ​ត្រូវ​មើល​ចៅហ្វាយនាយ​ខ្លះៗ​ផងដែរ​ពីព្រោះថា​ងាយ​ចាប់កំហុស និង​ថា​ស្តីបន្ទោស​ឱ្យ​ណាស់​។​
​រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ថ្នាំងថ្នាក់ ហើយ​ការចាប់​កំហុស​គ្នា​នោះ​ក៏មាន​ច្រើន​៕

​ឆ្នាំកុរ​

​រាសី​ល្អជា​មធ្យម​។​នៅថ្ងៃនេះ​ដួង​រាសី​របស់​លោកអ្នក​ស្ថិតនៅក្នុង​កម្រិត មធ្យម ហើយ​ការរស់នៅ​លោកអ្នក​ងាយ​ទទួលផល​ប៉ះទង្គិច​ផងដែរ ម្ល៉ោះហើយ​បើ​ចង់​ធ្វើ​អ្វី​គប្បី​ប្រយ័ត្នប្រយែង​បន្តិច​ទើប​គ្មាន​បញ្ហា​អាក្រក់​កើតឡើង​។​ការប្រកប​ការងារ​បើ​ទោះបី​ធ្វើ​អ្វី​ក៏ដោយ​តែងមាន​ការរីកលូតលាស់​សន្សឹមៗ​ទៅមុខ​ឥតមាន​ថយក្រោយ​ឡើយ​។ សម្រាប់​អ្នក​ប្រកប​របរ​រកស៊ី​ជួញដូរ​ពេលព្រឹក​មាន​ភាព​រកាំរកូស​ច្រើនតែ​ថ្ងៃ​បន្តិច​ពេល​ព្រះអាទិត្យ​រះ​ពេញ​អាកាស​វេហា​ឧបទ្រពចង្រៃ​ទាំងពួង​នឹង​វិនាស​ជា​អហោសិកម្ម​អស់​។​
​រីឯ​សម្ព័ន្ធ​ស្នេហា​ប្រុស​ស្រី​មានការ​ប្រែប្រួល​ប្តូរផ្លាស់​ព្រោះ​ជួន​ត្រូវរ៉ូវ​គ្នា​ជួន​ទាស់ទែង​គ្នា​៕

ទីតាំងផ្សាយពាណិជ្ជកម្ម

- Advertisment -

Most Popular