អភិបាលរង​ខេត្តបាត់ដំបង ចុះ​ត្រួតពិនិត្យ​ការអនុវត្ត របស់​គណៈកម្មការ ធ្វើតេស្ត​រកសារ​ធាតុ​ញៀន ចំពោះ​អ្នកបើកបរ យានយន្ត​គ្រប់​ប្រភេទ នៅ​ក្រុង​បាត់ដំបង​

​ដោយៈ គ្រញូង / បាត់ដំបងៈ លោក ណុប ដា​រ៉ា អភិបាលរង​ខេត្ត តំណាង​លោក ងួន រតនៈ អភិបាលខេត្ត និង​មន្ត្រី​ពាក់ព័ន្ធ​មួយចំនួន បាន​ចុះ​ត្រួតពិនិត្យ ការអនុវត្ត​ធ្វើតេស្ត ស្វែងរក​សារធាតុ​ញៀន ចំពោះ​អ្នកបើកបរ យានយន្ត​គ្រប់​ប្រភេទ ដែល​ឆ្លងកាត់​តាមផ្លូវ ក្នុងភូមិ​សាស្ត្រ​ខេត្តបាត់ដំបង​។​

​មន្ត្រី​ម្នាក់ ដែល​ស្ថិតនៅក្នុង គណៈកម្មការ ធ្វើតេស្ត​រកសារ​ធាតុ​ញៀន ចំពោះ​អ្នកបើកបរ យានយន្ត​គ្រប់​ប្រភេទ​នោះ បាន​ប្រាប់​ឱ្យដឹងថាៈ កាលពី​ម៉ោង ១០​និង​១៥​នាទី យប់​ថ្ងៃទី​១៧ ខែកុម្ភៈ ឆ្នាំ​២០២១ នេះ គណៈកម្មការ​ចម្រុះ បានធ្វើ​តេស្ត​រកសារ​ធាតុ​ញៀន ចំពោះ​អ្នកបើកបរ យានយន្ត​គ្រប់​ប្រភេទ ដែល​បើកបរ​ឆ្លងកាត់ ក្នុងភូមិ​សាស្ត្រ​ខេត្តបាត់ដំបង ដោយ​រកឃើញ​មាន​អ្នក​ផ្ទុក​សារធាតុ​ញៀន ចំនួន ៨ នាក់ ហើយ​ពួកគេ ត្រូវបាន​ឃាត់ខ្លួន និង​រថយន្ត បញ្ជូនមក​ការិយាល័យ​ចរាចរណ៍​ផ្លូវគោក នៃ​ស្នងការដ្ឋាន​នគរបាល ខេត្តបាត់ដំបង ដើម្បី​ចាត់ការ​បន្ត តាម​នីតិវិធី​ច្បាប់​៕/V

ទីតាំងផ្សាយពាណិជ្ជកម្ម

- Advertisment -

Most Popular