Home ព័ត៌មានជាតិ សន្តិសុខ រកឃើញ​កម្មករ​...

រកឃើញ​កម្មករ​ស្ងោរត្រី​ម្នាក់​មកពី​ប្រទេស​ថៃ ឆ្លងដែន​តាម​ទូក​នេសាទ យកទៅ​ធ្វើ​ច​ត្តា​ឡី​ស័ក​

ដោយៈ​វ​ណ្ណះ​/​ព្រះសីហនុៈ សមត្ថកិច្ច​បាន​សហកា​រ​ជាមួយ​ក្រុមគ្រូពេទ្យ នាំយក​បុរស​ជនជាតិខ្មែរ​ជា​កម្មករ​ស្ងោរត្រី​នៅ​ប្រទេស​ថៃ​ម្នាក់ ដែល​ទើប​ត្រឡប់​ពី​ប្រទេស​ថៃ មក​ស្រុកកំណើត​ក្នុងស្រុក​ព្រៃនប់ នាំមក​ដាក់​ធ្វើ​ច​ត្តា​ឡី​ស​ក័​នៅ​សណ្ឋាគារ​មួយ​ក្នុង​ក្រុងព្រះសីហនុ កាលពី​យប់​ថ្ងៃទី​១៧ ខែកុម្ភៈ ឆ្នាំ​២០២១ ។

​របាយការណ៍​សមត្ថកិច្ច​បញ្ជាក់ថា បុរស​រូបនេះ ឈ្មោះ​កា យ៉ុ​ន អាយុ​៤១​ឆ្នាំ មាន​ទីលំនៅ​ភូមិ​តាអោ​ង​ធំ ឃុំ​សាមគ្គី ស្រុក​ព្រៃនប់ ខេត្ត​ព្រះសីហនុ បាន​ចាក​ចេញពី​ខេត្ត​ត្រាត ប្រទេស​ថៃ​ចូល​តាម​ខេត្តកោះកុង កាលពី​យប់​ទៀបភ្លឺ ថ្ងៃទី​១៧ ខែកុម្ភៈ ឆ្នាំ​២០២១ ដោយ​ធ្វើដំណើរ​តាម​ទូក​ឆ្លង​សមុទ្រ ពី​ខេត្ត​ត្រាត​ប្រទេស​ថៃ មកដល់​ព្រំប្រទល់​ខ្មែរ​-​ថៃ ក្នុង​ខេត្តកោះកុង នៅវេលា​ម៉ោង​៧ ព្រឹក ថ្ងៃ​ដដែល បន្ទាប់មក​បានធ្វើ​ដំណើ​រ​តាម​រថយន្ត​តាក់ស៊ី​មក​ចុះ​នៅ​ផ្សារ​វាលរេញ មុននឹង​ទៅកាន់​លំនៅដ្ឋាន ក្នុងភូមិ​តាអោ​ង​ធំ ឃុំ​សាមគ្គី ស្រុក​ព្រៃនប់ ខេត្ត​ព្រះសីហនុ ។​

​ពាក់​ព​ន្ធ័​ករណី​ខាងលើនេះ ពលរដ្ឋ​នៅ​ខេត្ត​ព្រះសីហនុ អបអរសាទរ ចំពោះ​ការខិតខំ​កា​ពារ​ទប់ស្កាត់ របស់​អាជ្ញាធរ និង​សមត្ថកិច្ច ជាពិសេស​ក្រសួងសុខាភិបាល​កម្ពុជា ហើយ​ពួកគាត់​ក៏​និង​រៀបចំខ្លួន​ចូលរួម រាយការណ៍ ចំពោះ​ជន​ណា​ដែល​ល្មើស និង​ការណែនាំ​របស់​ក្រសួងសុខាភិបាល​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular