សិល្បករ ជាច្រើន​នាក់​បង្ហាញខ្លួន ក្នុង​ព្រឹត្តិការណ៍​កម្រាលព្រំ​ក្រហម របស់ Sastra Film

ដោយៈ បញ្ញា​សា​ស្រ / ភ្នំពេញៈ សិល្បក​រិ​ល្ប​ការិនី ចាស់​ថ្មី យ៉ាងច្រើន​កុះករ ដែល​ភាគច្រើន សុទ្ធសឹងតែ​ជា​តួ​សម្ដែង នៅក្នុង​ភាពយន្ត​ល្បីៗ របស់​ផលិតកម្ម សាស្ត្រា បាន​ប្រមូល​ផ្ដុំគ្នា យ៉ាង​គួរឱ្យ​ចាប់អារម្មណ៍ នៅក្នុង​ពិធី​ប្រកាស​ដំណើរការ App Sastra Film ដែលជា App ចម្រុះ ដោយ​ភាពយន្ត ប្រមាណ ២០០ រឿង​របស់​ផលិតកម្ម​មួយ​នេះ​។ ជំនួប​ដ៏​ធំ​មួយ​នេះ​ត្រូវបាន​ធ្វើឡើង​កាលពី​ថ្ងៃទី​១៧ ខែកុម្ភៈ ឆ្នាំ ២០២១ មុននេះ នៅ​ផ្សារ​ទំនើប​អ៊ី​អន​២ ( Aeon2 ) ដោយ​អាច​ចាត់ទុកថា ជា​ជំនួប​ទ្រង់ទ្រាយ​ធំ នៅក្នុង​សង្គម​សិល្បៈ ផងដែរ​។​

​លោកស្រី ប៊ុន ចាន់​និមល ម្ចាស់​ផលិតកម្ម Sastra Film បាន​ថ្លែង​បញ្ជាក់ថាៈ ដោយសារតែ Sastra Film ផលិត​បាន​នូវ​ភាពយន្ត​ល្អៗ​ជាច្រើន ស្រប​ពេលដែល លោកស្រី ក៏​ចង់ឱ្យ​មហាជន​ខ្មែរ ជាពិសេស គឺ​ពិភព​លោក​ទាំងមូល បានឃើញ​ពី​ការរីកចម្រើន នៃ​វិស័យ​ភាពយន្ត​ខ្មែរ ទើប​លោកស្រី និង​ក្រុមការងារ សម្រេច​បង្កើត App មួយ​នេះ​ឡើង ដោយ App មួយ​នេះ នឹង​ដើរតួ​ជា​រោងកុន​ផ្ទាល់ខ្លួន របស់​អ្នកគាំទ្រ ដោយ​ទស្សនិកជន អាច​ទស្សនា​បាន គ្រប់​ស្នាដៃ​របស់ ផលិតកម្ម ដោយផ្ទាល់ នៅ​គ្រប់​ទីកន្លែង ហើយ​មិនចាំបាច់​ធុញទ្រាន់​នឹង​ពាណិជ្ជកម្ម​។ មកដល់ពេលនេះ App Sastra film មាន​ភាពយន្ត ប្រមាណ​ជា ២០០ រឿង ដោយ​ស្នាដៃ​ខ្លះ មិនមាន​ការដាក់​ផ្សាយ លើ​ផេ​ក ឬ​ក្នុង​រោងកុន នោះ​ផង​។

​លោកស្រី បង្ហាញ​នូវ​មោទនភាព ដែល​បានរួម​ចំណែក លើកកម្ពស់​វិស័យ​ភាពយន្ត​ខ្មែរ និង​បានរៀបចំ​ព្រឹត្តិការណ៍ សម្ភោ​ធ​នេះ​ឡើង ដោយមាន​សិល្បករ សិល្បការិនី យ៉ាងច្រើន​កុះករ ចូលរួម​។ លោកស្រី បាន​និយាយថាៈ អ្នក​ដែល​ចង់​ទស្សនា ស្នាដៃ​របស់ សាស្ត្រា គឺ​លែង​លំបាក​ទៀតហើយ ដោយ​គ្រាន់តែ Download app Sastra Film ហើយ​ចុះឈ្មោះ​បង់​សេវា ក្នុង​មួយខែ ៥ ដុល្លារ និង ១០ ដុល្លារ នោះ​គឺជា​ការ​ស្រេច ដោយ​មិន​ខុសពី មាន​រោងកុន​មួយ នៅក្នុង​ដៃ​ឡើយ​។​

​នៅក្នុង​ពិធី​ដែល​បាន​ធ្វើឡើង​នោះ ក៏មាន​ព្រឹត្តិការណ៍ ដើរ​លើ​កម្រាលព្រំ ពី​សំណាក់​សិល្បករ សិល្បការិនី ព្រឹត្តិការណ៍​សម្ដែង​ឈុត​ខ្លីៗ លើ​ឆាក ដើម្បី​បង្ហាញ នូវ​ភាពយន្ត មួយចំនួន និង​ពិធី​ចុច​ប៊ូ​តុង ប្រកាស​ដំណើរការ App ជា​ផ្លូវការ​ផងដែរ​។ អ្វីដែល​គួរឱ្យកត់សម្គាល់ គឺ​តារា​ម្នាក់ៗ លេងខ្លួន​ទាក់ទាញ​ខ្លាំង ដោយមាន​ហ្វេ​ន​យ៉ាងច្រើន​កុះករ ចោមរោម​ពេញ ក្នុង​ពិធី​ផងដែរ​៕/V​

ទីតាំងផ្សាយពាណិជ្ជកម្ម

- Advertisment -

Most Popular