Home ព័ត៌មានជាតិ សន្តិសុខ ​ជនសង្ស័យ វាយ...

​ជនសង្ស័យ វាយ​ស្ត្រី​អនាម័យ​ម្នាក់ ប្លន់​យក​ទូរស័ព្ទ ក្នុង​បង្គន់ នៃ​ផ្សារ​ទំនើប ស៊ី​ធីម៉​ល

​ដោយៈ ស​រិ​ទ្ធ / ភ្នំពេញៈ ជនសង្ស័យ​ម្នាក់ បាន​លាក់ខ្លួន​ពួន​អាត្មា សម្ងំ​ក្នុង​បង្គន់ ក្នុង​ផ្សារ​ទំនើប ស៊ី​ធី ម៉​ល ច្របាច់​.​ក និង វាយ​ស្ត្រី​អនាម័យ​ម្នាក់ ប្លន់​យក​ទូរស័ព្ទ​។ ក្រោយ​ធ្វើ​សកម្មភាព​បានសម្រេច ជនសង្ស័យ បាន​រត់គេចខ្លួន តែ​ត្រូវបាន​សន្តិសុខ​ផ្សារ តាម​ចាប់ខ្លួនបាន​មកវិញ ភ្លាមៗ​។ ហេតុការណ៍​នេះ បានកើត​ឡើង កាលពី​ល្ងាច ថ្ងៃទី​១៧ ខែកុម្ភៈ ឆ្នាំ​២០២១ នៅ​ចំណុច​ផ្សារ​ទំនើប ស៊ី​ធី ម៉​ល សង្កាត់​វាលវង់ ខណ្ឌ​៧​មករា ។​

​សមត្ថកិច្ច បាន​ថ្លែងថាៈ ជនរងគ្រោះ ឈ្មោះ វ៉ាន់ លក្ខិណា ភេទ​ស្រី អាយុ​៣១​ឆ្នាំ មុខរបរ ជា​កម្មករ​អនាម័យ នៅ​ផ្សារ​ស៊ី​ធី​ម៉​ល បាន​ចូលក្នុង​បន្ទប់ទឹក បត់ជើង ស្រាប់​តែមាន​ជនសង្ស័យ ឈ្មោះ សុខ តូ​លី អាយុ ២៧ ឆ្នាំ មុខរបរ រត់​តុ នៅ​ច្បារអំពៅ បាន​លោត​មក​ច្របាច់​.​ក និង វាយយក​ទូរស័ព្ទ ពី​ជនរងគ្រោះ រួច​រត់គេចខ្លួន តែ​ត្រូវបាន​សន្តិសុខ​ផ្សារ ចាប់ខ្លួនបាន​មកវិញ ។​

​ជនសង្ស័យ ត្រូវបាន​ធ្វើតេស្ត​រកសា​រ​ធាតុ​ញៀន ដោយ​លទ្ធផល គឺ វិជ្ជមាន ដែល​ពេលនេះ សមត្ថកិច្ច​កំពុង​សាកសួរ​តាម​នីតិវិធី ៕/V​

ទីតាំងផ្សាយពាណិជ្ជកម្ម

- Advertisment -

Most Popular