មន្ត្រី ក​.​ប​.​ប ខេត្តកោះកុង កោតសរសើរ​ចំពោះ​អាជីវករ​លក់ដូរ​ទំនិញ​ដែលមាន​គុណភាព​ល្អ​នៅ​ផ្សារ​ដងទង់​

ដោយ​: សុ​ផានី​តា / កោះកុង​: ក្រុមមន្ត្រី​សាខា​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ​នៅ​ខេត្តកោះកុង បានបង្ហាញ​ការសរសើរ​ចំពោះ​ស្មារតី​របស់​ក្រុមអាជីវករ​លក់ដូរ​ចំណីអាហារ និង​ទំនិញ​គ្រប់​ប្រភេទ​ដែល​បាន​ចូលរួម​ដាក់តាំង​លក់​ផលិតផល​ដែលមាន​គុណភាព​អនាម័យ​ល្អ​នៅក្នុង​បរិវេន​ផ្សារ​ដងទង់ ក្រុង​ខេមរភូមិន្ទ​។​

​ដូច​តាម​ការគ្រោងទុក​នៃ​ការកំណត់​ផែនការ​ពិនិត្យ​គុណភាព​ទំនិញ​តាម​ទីផ្សារ មន្ត្រី​សាខា​កប​ប​ខេត្ត កាលពី​ព្រឹក​ថ្ងៃទី​១៨​ខែកុម្ភៈ ២០២១ សហការ​មន្ទីរ​ពាណិជ្ជ​កម្មបាន​ចុះ​ស្រាវជ្រាវ​ត្រួតពិនិត្យ​រាល់​ចំណីអាហារ​ទំនិញ​ដែល​ខូចគុណភាព​នៅ​ផ្សារ​ដងទង់​។​

​តាម​លោក តាន់ វិ​ជិត​ស​ដ្ឋា អនុប្រធាន​សាខា​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ​ខេត្តកោះកុង លើកឡើងថា ការប្រតិបត្តិ​ការ​ស្វែង​ស្រាវជ្រាវ​រក​ទំនិញ​ក្លែងបន្លំ និង​ខូចគុណភាព​ប្រើប្រាស់​ផ្តោត​សំខាន់​ទៅ​ការវិភាគ​បឋម​លើ​គំរូ​ម្ហូបអាហារ​ចំនួន​៦​ប្រភេទ គឺ​អាហារ​សមុទ្រ បង្ការ មឹក ត្រី រីឯ​បន្លែស្រស់ៗ ស្ពៃ ខ្ញី​ហាន់ និង​ទំនិញ​ជា​កញ្ចប់​កំប៉ុង ។​

​លោក​អនុប្រធាន​សាខា ក​.​ប​.​ប​ខេត្តកោះកុង ដដែល បន្ថែមថា ប្រតិបត្តិ​ការពិនិត្យ​ទៅលើ​គុណភាព និង​អនាម័យ​សុវត្ថិភាព​ផលិតផល​ម្ហូបអាហារ​នៅ​ផ្សារ​ដងទង់ ក្រុង​ខេមរភូមិន្ទ ក្នុង​គោលដៅ​សំខាន់​នៃ​ការត្រួតពិនិត្យ​គឺ​ដើម្បី​ស្រាវជ្រាវ​ទប់ស្កាត់​ការ​ចរាចរណ៍​ទំនិញ​ខូចគុណភាព ក្លែងបន្លំ​ស្លាក​សញ្ញា ផុតកំណត់​កាលបរិច្ឆេទ​ប្រើប្រាស់ និង​មាន​សារធាតុ​គីមី​ហាមឃាត់ ។

​លទ្ធផល​ក្រោយ​ចំណាយពេល​អស់​ជិត​១​ម៉ោង ក្រុមការងារ​ជំនាញ​របស់លោក​ពុំបាន​រកឃើញ​នូវ​ទំនិញ​ក្លែងបន្លំ ឬ​ផ្ទុក​សារធាតុ​គីមី​អ្វី​ដ​ទេ ដោយ​អាជីវ​កម្មបាន​ចូលរួម​គោរព​ច្បាប់​ត្រឹមត្រូវ គ្រា​មានការ​យល់ដឹង​ច្រើន​ពី​ការ​ដាក់តាំង​លក់ទំនិញ​ជូន​អតិថិជន​។​

​ទោះ​បែបនេះ​ក្តី ក៏​លោក​នៅតែ​បន្ត​ណែនាំ និង​ហាមប្រាម​ដល់​ក្រុម​អា​ជីករ​មិនត្រូវ​លួចលាក់​ផលិត ឬ​ដាក់តាំង​លក់ទំនិញ​ណា​ដែល​គ្មាន​ស្លាក​សញ្ញា​ចុះបញ្ជី​ពាណិជ្ជកម្ម​ត្រឹមត្រូវ​នោះឡើយ ព្រោះ​ការប្រព្រឹត្ត​បែបនេះ​បង្ក​ឱ្យ​គ្រោះថ្នាក់​ដល់​សុខភាព​សាធារណជន ព្រមទាំង​ប្រឈម​នឹង​ការ​មានទោស​ទាន់​ចំពោះមុខ​ច្បាប់​ទៀតផង​។

​កាលពី​ថ្ងៃទី​៨ ខែកុម្ភៈ ឆ្នាំ​២០២១ កន្លងទៅ មន្ត្រី​សាខា ក​.​ប​.​ប​. ខេត្តកោះកុង រកឃើញ​ទំនិញ​ខូចគុណភាព និង​ហួស​កាលបរិច្ឆេទ​ប្រើប្រាស់ ទឹកក្រូច​ចំណុះ ១.៥​លីត្រ ចំនួន​៤​ដប និង​ទឹកដោះគោ​ចំនួន​៦​ដប​តូច​។ ដោយ​ធ្វើ​កំណត់ហេតុ​ដកហូត ទំនិញ​ទាំងនោះ​យកទៅ​រក្សាទុក ដើម្បី​ធ្វើ​ការដុត​កម្ទេចចោល​នៅពេល​ក្រោយ​៕​

ទីតាំងផ្សាយពាណិជ្ជកម្ម

Previous articleលោក​បណ្ឌិតសភា​ចា​រ្យ អ៊ុក រ៉ាប៊ុន រដ្ឋមន្ត្រីក្រសួង​អភិវឌ្ឍន៍ជនបទ នៅ​ព្រឹក​ថ្ងៃទី​១៨ ខែកុម្ភៈ ឆ្នាំ​២០២១​នេះ បាន​អញ្ជើញ​ចុះ​ពិនិត្យ​ការស្ថាបនា​ផ្លូវ​ជនបទ​ក្រាល​កៅស៊ូ​ពីរ​ជាន់ dbst ចំនួន ២​ខ្សែ នៅ​ភូមិសាស្ត្រ​ស្រុក​កំពង់​រោទ៍ ខេត្តស្វាយរៀង​។​
Next articleក្រុមមន្ត្រី​សាខា​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ​នៅ​ខេត្តកោះកុង បានបង្ហាញ​ការសរសើរ​ចំពោះ​ស្មារតី​របស់​ក្រុមអាជីវករ​លក់ដូរ​ចំណីអាហារ និង​ទំនិញ​គ្រប់​ប្រភេទ​ដែល​បាន​ចូលរួម​ដាក់តាំង​លក់​ផលិតផល​ដែលមាន​គុណភាព​អនាម័យ​ល្អ​នៅក្នុង​បរិវេន​ផ្សារ​ដងទង់ ក្រុង​ខេមរភូមិន្ទ​។​
- Advertisment -

Most Popular