Home ព័ត៌មានជាតិ សេដ្ឋកិច្ច សមត្ថកិច្ច​ចុ...

សមត្ថកិច្ច​ចុះ​រាប់​ដល់​គល់ឈើ​ក្នុងករណី​ឈ្មួញ​កាប់​ឈើ​នៅ​ខេត្តស្ទឹងត្រែង​

ដោយ​: សុខុម / ស្ទឹងត្រែង​: កម្លាំង​កង​រាជ​អាវុធ​ហ្ថ​ខេត្តស្ទឹងត្រែង អាវុធ​ហ្ថ លើ​ផ្ទៃ​ប្រទេស និង​កម្លាំង​បរិស្ថាន បាន​ចុះ​ស្រាវជ្រាវ​ករណី​ឈ្មួញ​ឈើ​កាប់​ផ្តួលរំលំ នៅ​ព្រំប្រទល់​ខេត្តស្ទឹងត្រែង​-​ក្រចេះ​។​

​តាម​ប្រភពព័ត៌មាន​បាន​ឲ្យ​ដឹងថា កម្លាំង​សមត្ថកិច្ច​បាន​ចុះទៅ​ដល់ទី​តាំង​ដើមឈើ​នៅសល់តែ​គល់ ក្រោយពី​មានការ​លើកឡើងថា មាន​ឈ្មួញ​កាប់​ឈើ​នៅ​ព្រំប្រទល់​ទឹកដី​ស្រុក​សៀម​បូក ខេត្តស្ទឹងត្រែង​ជាប់​ខេត្តក្រចេះ​។​

​ការចុះ​ស្រាវជ្រាវ​នេះ ធ្វើឡើង​កាលពី​កន្លងទៅ​ថ្មីៗ​នេះ ដោយ​ប្រើ​មធ្យោបាយ​ជិះ​ម៉ូតូ​នៅ​ថ្ងៃទី​១៥-១៦ ខែកុម្ភៈ ឆ្នាំ​២០២១​។​

​ប្រភពពី​សមត្ថកិច្ច​បា​ន​ប្រាប់​ឲ្យ​ដឹងថា អស់​រយៈពេល​ជាច្រើន​ថ្ងៃ​បាន​ចុះទៅ​ស្រាវជ្រាវ​ឃើញថា មាន​ជា​រណ្ដៅ​(​ឈើ​ច្បោះ​) ដែល​ត្រូវបាន​កាប់រំលំ​នៅ​ចំណុច​អូរ​ឈ្លី​កលើ (590652-1456894) អូរ​ខ្សាច់​ស្វា​( 590590-1459185) អូរ​តា​ពណ៌ (590537-1454189) ផ្លូវបំបែក​ជា​បី​ចូល​ក្រុមហ៊ុន​ស៊ី​បាយ​អូ​តិក​ចូលទៅ​អូរ​គ្រាក់​, ចូលទៅ​បុសខ្នុរ (595423-1451578) ផ្លូវបែក​អូរ​ឡង់​ចូលទៅ​ក្រុមហ៊ុន​(595836-1451783) ភ្នំ​ក្រហម​(591293-1460268) មាន​ចំការ និង​ប្រជាពលរដ្ឋ​រស់នៅ​ទីនោះ​ប្រហែល​២០​នាក់ (​ធ្វើ​ចំការ និង​កាប់​ឈើ​)​។ ការស្រាវជ្រាវ​រកឃើញ​គល់ឈើ​កាប់​ចំនួន​១៧៨​គល់​។

​ប្រជាពលរដ្ឋ​បាន​ប្រាប់ថា ពួកគាត់​កាប់​ឈើ​លក់​ឱ្យឈ្មោះ​តា​ហៃ​នៅ​ក្រុមហ៊ុន​នៅ​ចំណុច​អូរ​គ្រាក់​ជាប់​ក្រុមហ៊ុន​ស៊ី​បាយ​អូ​តិក ក្នុង​មួយ​ម៉ែត្រគូប​តម្លៃ​៦០០.០០០​រៀល​៕​

ទីតាំងផ្សាយពាណិជ្ជកម្ម

- Advertisment -

Most Popular