Home ព័ត៌មានជាតិ សេដ្ឋកិច្ច ​ស្ថានីយទូរទស...

​ស្ថានីយទូរទស្សន៍​ចំនួន ៣ រួមគ្នា បង្កើត​ថ្នាល​ទូរទស្សន៍ ឌីជីថល ធំជាងគេ នៅ​កម្ពុជា​

​ដោយៈ មេសា / ភ្នំពេញៈ តំណាង​ស្ថាប័ន​ទូរទស្សន៍ ចំនួន ៣ គឺ បាយ័ន , ស៊ី​ប៊ី​អេស (CBS) និង ហង្ស​មាស ដែល​ធ្លាប់បាន​បំពេញការងារ ក្នុង​វិស័យ​ផ្សព្វផ្សាយ ជាង ២០ ឆ្នាំ រៀងៗ​ខ្លួន​មកហើយ បាន​ចុះហត្ថលេខា លើ​អនុស្សរណៈ​យោគយល់​គ្នា ( MOU ) នៅ​ព្រឹក​ថ្ងៃទី​១៨ ខែកុម្ភៈ ឆ្នាំ​២០២១ នៅឯ​សណ្ឋាគារ កាំបូឌីយ៉ាណា ដើម្បី រួមគ្នា​បង្កើត​ថ្នាល​ទូរទស្សន៍ ឌីជីថល ធំជាងគេ នៅ​កម្ពុជា​។​

​តាមពិតទៅ ថ្នាល​ទូរទស្សន៍ ឌីជីថល ដែល​ត្រូវបាន​ស្ថាប័ន​ទាំង ៣ ខាងលើ​រួមគ្នា បង្កើតឡើង​នៅពេលនេះ មិនមែនជា​ទូរទស្សន៍ ឌីជីថល លើកដំបូង នៅ​កម្ពុជា ទេ ពោលគឺ កម្ពុជា មាន​ទូរទស្សន៍ ឌីជីថល ប៉ុន្មាន​ឆ្នាំ​មកហើយ ហើយ​ទូរទស្សន៍ ឌីជីថល​ទាំងនោះ មាន​ទូរទស្សន៍​ខ្លះ ផ្សព្វផ្សាយ​តាម​ប្រព័ន្ធ ផ្កាយរណប និង តាម​ប្រព័ន្ធ​ទូរស័ព្ទដៃ ជាដើម ។​

– ចំណងជើង​រូបៈ ពិធី​ចុះហត្ថលេខា រវាង​តំណាង បាយ័ន CBS និង ហង្ស​មាស ដើម្បី រួមគ្នា​បង្កើត​ថ្នាល​ទូរទស្សន៍​ឌីជីថល ថ្មី​មួយ​នៅ កម្ពុជា ( ចុះហត្ថលេខា ១, ចុះហត្ថលេខា ២, ចុះហត្ថលេខា ៣)

​ទោះបីជា​យ៉ាងណា អ្នកឧកញ៉ា គិត ម៉េង តំណាង CBS បានលើកឡើង ពី​គោលបំណង នៃ​ការរួម​គ្នា​របស់ ស្ថាប័ន​ផ្សព្វផ្សាយ​ទាំង ៣ រួមគ្នា​បង្កើត​ថ្នាល ទូរទស្សន៍ ឌីជីថល នេះ​ថាៈ “ នេះ​គឺជា​ផ្នែក​មួយ នៃ​ចក្ខុវិស័យ​របស់​យើង ដើម្បី​ធ្វើឱ្យ​ប្រទេស​កម្ពុជា មាន​ឌីជីថល ពេញលេញ និង​ស្របតាម​គោលនយោបាយ របស់​រាជ​រដ្ឋា​ភិ បាល ក្នុងការ​សម្រេច​ឱ្យបាន ឧស្សាហកម្ម​ជំនាន់ ៤.០ ហើយ​ដែល​នឹង​រួមចំណែក​ជួយ ដល់​ការអនុវត្ត​របស់ រាជរដ្ឋាភិបាល​កម្ពុជា ក្នុង​ការជំរុញឱ្យ​រាល់ បណ្តាញ​ផ្សព្វផ្សាយ របស់​ឯកជន និង​រដ្ឋ ប្តូរ​ពី​ការផ្សព្វផ្សាយ តាម​ប្រព័ន្ធ​អាណា​ឡូ​ក ទៅជា​ការផ្សព្វផ្សាយ​លើ​ថ្នាល​ទូរទស្សន៍​ឌីជីថល​វិញ​“​។​

– ចំណងជើង​រូបៈ ពិធី​ចុះហត្ថលេខា រវាង​តំណាង បាយ័ន CBS និង ហង្ស​មាស ដើម្បី រួមគ្នា​បង្កើត​ថ្នាល​ទូរទស្សន៍​ឌីជីថល ថ្មី​មួយ​នៅ កម្ពុជា ( ចុះហត្ថលេខា ១, ចុះហត្ថលេខា ២, ចុះហត្ថលេខា ៣)

​លោក មាស រិទ្ធី ពិធីករ​ព័ត៌មាន នៃ​ទូរទស្សន៍ ហង្ស​មាស បាន​ថ្លែង​ក្នុងនាម​តំណាង នៃ​ស្ថាប័ន​ទាំង ៣ ខាងលើ នៅក្នុង​ពិធី​ចុះហត្ថលេខា​នេះ បានលើកឡើង​ថាៈ ការបង្កើត​ថ្នាល ទូរទស្សន៍​ឌីជីថល​នេះ មិនមាន​គោលបំណង ប្រកួតប្រជែង ជាមួយ​ស្ថាប័ន​ដទៃ ហើយ​តាមរយៈ​ការបង្កើត​ថ្នាល ទូរទស្សន៍​ឌីជីថល​នេះ ក៏​នឹង​អាច​នាំឱ្យ​មានការ​រិត​ត្បិត ដល់​ការផ្សព្វផ្សាយ ឬ​ការបញ្ចេញមតិ​នានា នៅ​កម្ពុជា​ឡើយ​។​
​ការលើកឡើង​របស់លោក មាស រិទ្ធី ស្របទៅនឹង​សេចក្តីប្រកាស​ព័ត៌មាន ដែល​ត្រូវបាន​ផ្តល់ជូន ដល់​ក្រុម​អ្នកសារព័ត៌មាន នៅក្នុង​ពិធី​ចុះហត្ថលេខា​ខាងលើនេះ ដែល​បាន​លើ​ឡើង​ថា ថ្នាល​ទូរទស្សន៍​ឌីជីថល ថ្មី​នេះ​មាន​ភារកិច្ច​ត្រួតពិនិត្យ​គុណភាព ត្រួតពិនិត្យ​រូបភាព វិ​ដេ​អូ សំឡេង និង​កម្មវិធី​ផ្សាយ នៅលើ​ប្រព័ន្ធ ផ្សព្វផ្សាយ តាមរយៈ​ច្រកចេញចូល​តែមួយ ហើយក៏​ចូលរួម​ធានាបាន នូវ​ការផ្លាស់ប្តូរ ការផ្សាយ​ពី​ប្រព័ន្ធ អាណា​ឡូ​ក ទៅជា​ប្រព័ន្ធ​ឌីជីថល ដោយ​រលូន ឱ្យបាន​ទាន់ពេល​កំណត់ មុន​ឆ្នាំ​២០២៣៕/V.mara

– ចំណងជើង​រូបៈ ពិធី​ចុះហត្ថលេខា រវាង​តំណាង បាយ័ន CBS និង ហង្ស​មាស ដើម្បី រួមគ្នា​បង្កើត​ថ្នាល​ទូរទស្សន៍​ឌីជីថល ថ្មី​មួយ​នៅ កម្ពុជា ( ចុះហត្ថលេខា ១, ចុះហត្ថលេខា ២, ចុះហត្ថលេខា ៣)


– អ្នកចូលរួម​ក្នុង​ពិធី​ចុះហត្ថលេខា រវាង​តំណាង បាយ័ន CBS និង ហង្ស​មាស ដើម្បី រួមគ្នា​បង្កើត​ថ្នាល​ទូរទស្សន៍​ឌីជីថល ថ្មី​មួយ​នៅ កម្ពុជា ( អ្នកចូលរួម ១, អ្នកចូលរួម ២, អ្នកចូលរួម ៣, អ្នកចូលរួម ៤)

ទីតាំងផ្សាយពាណិជ្ជកម្ម

- Advertisment -

Most Popular