​អគ្គនាយក​ស៊ីម៉ាក​ជួប​ប្រធាន​ថ្មី​ចៃ​កា

ដោយៈ​ជា​សីហៈ​/​ភ្នំពេញៈកាលពី​ព្រឹក​មិញ​នេះ​នៅ​ទីបញ្ជាការ​ស៊ីម៉ាក់​ភ្នំពេញ​លោក​ហេង​រតនា​អគ្គនាយក​ស៊ីម៉ាក​បានទទួល​ជួបពិភាក្សា​ការងារ​ជាមួយ​លោកស្រី​កា​ម៉ី​ហា​រូ​កូ​(KAMEIHaruko)​ប្រធាន​ទីភ្នាក់ងារ​សហ​ប្រតិបត្តិការ​អន្តរជាតិ​ជប៉ុន​(JICA)​ប្រចាំ​ព្រះរាជាណាចក្រ​កម្ពុជា​។
លោកស្រី កា​ម៉ី ហា​រូ​កូ ទើបនឹង​មក​បំពេញ​តួនាទី​ថ្មី​ជា​ប្រធាន​ចៃ​កា ប្រចាំ​នៅ​ព្រះរាជាណាចក្រ​កម្ពុជា នាពេល​ថ្មីៗ​នេះ បន្ទាប់ពី​លោក ស៊ូ​ហ្គា​ណូ យូ​អ៊ី​ជី (SUGANO Yuichi) បានបញ្ចប់​អាណត្តិ​របស់លោក​កាលពី​ចុងឆ្នាំ​២០២០​កន្លងទៅ​។

​ថ្នាក់ដឹកនាំ​ទាំងពីរ​បាន​ពិភាក្សាគ្នា​លើ​ចំនុច​យុទ្ធសាស្ត្រ​មួយចំនួន​នៅក្នុង​ការបន្ត​ពង្រឹង​កិច្ចខិតខំ​ប្រឹងប្រែង​រប​ស់រាជ​រដ្ឋាភិបាល​ក្នុងការ​ដោះស្រាយ​វិបត្តិ​សំណល់​ជាតិ​ផ្ទុះ​ពី​សង្គ្រាម​នៅ​កម្ពុជា​ក្នុងន័យ​ធានា​សុខ​សុវត្ថិភាព​ប្រជាពលរដ្ឋ​គាំទ្រ​ដល់​គំរោង​អ​ភ​វឌ្ឍន៍​និង​ចែករំលែក​បទពិសោធន៍​ជាមួយ​ប្រទេស​ក្នុង​តំបន់​និង​ក្នុង​ពិភពលោក​។​លោកស្រី​កា​ម៉ី​ហា​រូ​កូ​បានបញ្ជាក់​ជាថ្មី​នូវ​ជំហរ​គាំទ្រ​របស់​រដ្ឋាភិបាល​និង​ប្រជាជន​ជប៉ុន ជាពិសេស​អង្គភាព​ចៃ​កា ចំពោះ​ប្រជាជន​និង​រាជរដ្ឋាភិបាល​កម្ពុជា ក្នុងនោះ​ក៏​បន្ត​គាំទ្រ​ដល់​សកម្មភាព​ស៊ីម៉ាក់​ផងដែរ​។

​ចៃ​ការ​បាន​សហការ​និង​គាំទ្រ​ដល់​ស៊ីម៉ាក់​ចាប់តាំងពី​ឆ្នាំ​១៩៩៨​លើ​ជំនួយ​សំភារ​:​បច្ចេកទេស​និង​បាន​គាំទ្រ​ឱ្យ​ស៊ីម៉ាក់​ផ្តល់​ការហ្វឹកហ្វឺន​ដល់​អន្តរជាតិ​ចាប់ពី​ឆ្នាំ​២០១០​ដូចនេះ​រយ​:​ពេល​ជាង​២០​ឆ្នាំ​មកនេះ​រដ្ឋាភិបាល​ជប៉ុន​តាមរយ​:​អង្គការ​នេះ​បានផ្តល់​លទ្ធផល​ដល់​កំលាំង​ស៊ីម៉ាក់​ទាំង​ស្មារតី​សំភារ​:​បច្ចេកទេស​ទីប្រឹក្សាបច្ចេកទេស​និង​ថវិកា​យ៉ាងច្រើន​សន្ធឹកសន្ធាប់​ដើម្បី​បុព្វហេតុ​មនុស្សធម៌​និង​សន្តិសុខ​សុវត្ថិភាព ប្រជាពលរដ្ឋ​កម្ពុជា ដោយ​ការ​កំចាត់​ចោល​សំណល់​គ្រាប់​យុទ្ធភណ្ឌ​ពី​សង្គ្រាម​នៅ​កម្ពុជា​៕​

ទីតាំងផ្សាយពាណិជ្ជកម្ម

- Advertisment -

Most Popular