Home ព័ត៌មានជាតិ សន្តិសុខ រថយន្ត​ដឹក​ឥដ...

រថយន្ត​ដឹក​ឥដ្ឋ ចុះ​ចំណោត ដាច់​ហ្វ្រាំង បណ្តាល​ឲ្យ​បុរស​ម្នាក់ ស្លាប់ និង​ម្នាក់ទៀត រងរបួស​ធ្ងន់​

​ដោយៈ ស​រិ​ទ្ធ / កោះកុងៈ រថយន្ត​ដឹក​ឥដ្ឋ​មួយគ្រឿង ខណ​:​ធ្វើដំណើរ​ចុះ​ចំណោត បាន​ដាច់​ហ្វ្រាំង ក្រឡាប់​ធ្លាក់​ផ្លូវ បណ្តាល​ឲ្យ​បុរស​ម្នាក់​ស្លាប់ និង​ម្នាក់ទៀត រងរបួស​ធ្ងន់ នៅ​ម៉ោង ៨​និង​១៥ នាទី ព្រឹក​ថ្ងៃទី​១៨ ខែកុម្ភៈ ឆ្នាំ​២០២១ នៅ​ចំណុច​ផ្លូវជាតិ​លេខ ៤៨ ចន្លោះ​បង្គោលគីឡូម៉ែត្រ​លេខ ១២៩ – ១៣០ ស្ថិតក្នុង ភូមិ​អន្លង់​វ៉ា​ក់ ឃុំ​តា​តៃ​ក្រោម ស្រុក​កោះកុង ។​

​សមត្ថកិច្ច​នគរបាល​ចរាចរណ៍ ស្រុក​កោះកុង បាន​ឲ្យ​ដឹងថាៈ អ្នកបើកបរ មាន ឈ្មោះ ស៊ឹម កប ភេទ​ប្រុស អាយុ ២៩ ឆ្នាំ ទីលំនៅ​ភូមិ​កោះ​ផ្តៅ ឃុំ​កំពង់ត្រាច​ខាងលិច ស្រុក​កំពង់ត្រាច ខេត្តកំពត (​រងរបួស​ធ្ងន់ ) និង​ថៅកែ​ឈ្មោះ ចៀន អាយុ ៤០ ឆ្នាំ មាន​ទីលំនៅ​ភូមិ​-​ឃុំ​ដូចគ្នា ( ស្លាប់ ) ។​
​រថយន្ត​នេះ ម៉ាក​ហ៊ីយ៉ាន់ដាយ ពណ៌ ស ពាក់​ស្លាក​លេខ ស្វាយរៀង 3A-3628 ដឹក​ឥដ្ឋ​ទម្ងន់ ០៥ តោន ធ្វើដំណើរ​មកពី​ភ្នំពេញ ទៅ​កោះកុង ។​

​បច្ចុប្បន្ន កម្លាំង​សមត្ថកិច្ច​ជំនាញ សហការ​ជាមួយ​កម្លាំងយោធា បាន​ជួយសង្គ្រោះ​បឋម និង​បាន​បញ្ជូន​អ្នករងរបួស មក​ព្យាបាល នៅ​មន្ទីរពេទ្យ​ខេត្ត​។ ចំណែក​សព​ជនរងគ្រោះ សមត្ថកិច្ច​បាន​ទំនាក់ទំនង រក​បងប្អូន ដើម្បី​យកទៅ​ធ្វើបុណ្យ តាម​ប្រពៃណី ៕/V.mara

ទីតាំងផ្សាយពាណិជ្ជកម្ម

- Advertisment -

Most Popular