​នាយ​ឧ​ត្ត​ម​សេនីយ៍ ខេង សុមេធ ចុះ​ពិនិត្យ​ស្ថានការណ៍ នៅ​ព្រំដែន​ស្រុក​ម៉ាឡៃ ខេត្តបន្ទាយមានជ័យ​

​ដោយៈ បាយ័ន / បន្ទាយ​មាន​ជ័​យៈ នៅ​ថ្ងៃទី​១៨ ខែកុម្ភៈ ឆ្នាំ​២០២១ នេះ នាយ​ឧ​ត្ត​ម​សេនីយ៍ ខេង សុមេធ អគ្គ​ស្នងការរង នគរបាលជាតិ និង​ជា​មេបញ្ជាការ នគរបាលជាតិ ប្រចាំ​ទិស​ភូមិភាគ​ទី​៤ និង​ទី​៥ បាន​ចុះ​ពិនិត្យមើល​ស្ថានការណ៍ ពលករ​ដែល​លួច​ឆ្លងដែន​ខុសច្បាប់ នៅតាម​បន្ទាត់​ព្រំដែន កម្ពុជា​-​ថៃ ក្នុង​ព្រំដែន​ស្រុក​ម៉ាឡៃ ខេត្តបន្ទាយមានជ័យ​។​

​នាយ​ឧ​ត្ត​ម​សេនីយ៍ ខេង សុមេធ បានបញ្ជាក់​ថាៈ ការចុះពិនិត្យ ខាងលើនេះ ក្នុង​គោលបំណង​រឹតបន្តឹង ការចេញចូល​របស់​ព​លករ និង​ត្រូវតែ​នាំ​ពលករ ទៅធ្វើ​ច​ត្តា​ឡី​ស័ក ឲ្យ​បាន​ត្រឹមត្រូវ ដើម្បី​បង្ការ​នូវ​ជំងឺ​កូ​វិដ​-១៩ ។ រូបលោក​នៅតែ​បន្ត​ចុះ​ត្រួតពិនិត្យ ស្ថានការណ៍​ជាក់ស្ដែង​នានា ក្នុងភូមិ​សាស្ត្រ​ទទួលខុសត្រូវ (​បន្ទាត់​ព្រំដែន​កម្ពុជា​-​ថៃ​) តាម​ការដឹកនាំ​របស់ នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ និង​តាម​បទបញ្ជា របស់​សម្តេច​តេ​ជោ ហ៊ុន សែន ដើម្បី​ធានា​ឲ្យ​ខាន​តែ​បាន នូវ​ប្រជាពលរដ្ឋ​ណា ដែល​លួច​ឆ្លងដែន​ចូល ដោយ​មិនបាន​ធើ្វ​ច​ត្តា​ឡី​ស័ក​។​

​នាយ​ឧ​ត្ត​ម​សេនីយ៍ ខេង សុមេធ បាន​ក្រើនរំលឹក ដល់​កងកម្លាំង​នគរបាល និង​ទាហាន ដែល​ឈរជើង នៅតាម​បន្ទាត់​ព្រំដែន​ទាំងអស់ ត្រូវអនុវត្ត​បទបញ្ជា​ថ្នាក់លើ ឱ្យបាន​ម៉ឺងម៉ាត់​បំផុត ដើម្បី​ធានា​ឲ្យ​ខាន​តែ​បាន នូវ​ប្រជាពលរដ្ឋ​ណា ដែល​លួច​ឆ្លងដែន​ចូល ដោយ​មិនបាន​ធើ្វ​ច​ត្តា​ឡី​ស័ក​។ គ្រប់​បណ្តា​គោលដៅ ត្រូវយក​ចិ​ត្ដ​ទុកដាក់ រឹតបន្តឹង និង​ពិនិត្យ ២៤​ម៉ោង​លើ​២៤​ម៉ោង ដាច់ខាត​គ្រប់​បណ្តា​គោលដៅ ដែល​បានកំណត់ ពិសេស​រក​ឲ្យ​ឃើញ​នូវ មេខ្យល់​លួច​នាំ ប្រជាពលរដ្ឋ​ខ្មែរ ចូល​តាម​គ្រប់​រូបភាព ដើម្បី​មាន​វិធានការ តាមផ្លូវ​ច្បាប់​៕/V​.mara

ទីតាំងផ្សាយពាណិជ្ជកម្ម

- Advertisment -

Most Popular