Home ព័ត៌មានជាតិ សន្តិសុខ ​កម្មករ​ម្នាក...

​កម្មករ​ម្នាក់ បាន​ស្លាប់​ភ្លាមៗ ខណៈ​កំពុង​លើក​ក្ដារ​កុង​ផ្លា​កេ ហើយ​រអិល​រលំ​សង្កត់ពីលើ​

ដោយៈ ស​រិ​ទ្ធ / ភ្នំពេញៈ កម្មករ​ម្នាក់ ក្នុងចំណោម ៤​នាក់ បាន​ស្លាប់​ភ្លាមៗ ខណ​:​កំពុង​លើក​ក្ដារ​កុង​ផ្លា​កេ ហើយ​រអិល​រលំ​សង្កត់ពីលើ កាលពី​រំលងអធ្រាត្រ ឈានចូល​ថ្ងៃទី​១៨ ខែ កុម្ភ​: ឆ្នាំ​២០២១ នៅ​ចំណុច​ការដ្ឋាន​សាងសង់ តាមផ្លូវ​សបិត ក្រុម​៧៨ ស្ថិតនៅ​ភូមិ​១៤ សង្កាត់ ទន្លេបាសាក់ ខណ្ឌចំការមន​។​

​ជនរងគ្រោះ ឈ្មោះ កេស កូ​ស ភេទ​ប្រុស អាយុ ៣២ ឆ្នាំ មុខរបរ កម្មករ ស្នាក់នៅ​ផ្ទះជួល ផ្លូវ​លេខ​១០៣ សង្កាត់​ទួល​សង្កែ​ទី​១ ខណ្ឌ​ឬ​ស្សី​កែវ រាជធានី​ភ្នំពេញ និង​មាន​ស្រុកកំណើត នៅ​ស្រុក​កំពង់សៀម ខេត្តកំពង់ចាម ។​

​ប្រភពព័ត៌មាន ពី​បុរស​ឈ្មោះ វី មុខរបរ រត់​ឡំ​ប្រឺ​តា ស្នាក់នៅ​ផ្ទះជួល ផ្លូវ​លេខ​103 សង្កាត់​ទួល​សង្កែ​១ ខណ្ឌ​ឬ​ស្សី​កែវ រាជធានី​ភ្នំពេញ បាន​បំភ្លឺ​ប្រាប់​សមត្ថកិច្ច​ថាៈ មុន​កើតហេតុ ខ្លួន​និង​ជនរងគ្រោះ រួមទាំង​កម្មករ​ចំនួន ២​នាក់​ទៀត បានមក​ស៊ីឈ្នួល​ទម្លាក់​ក្ដារ​កុង​ផ្លា​កេ (​ក្ដារបន្ទះ​) លើក​ចេញពី​ទូ​កុងតឺន័រ នៅ​ចំណុច​កើត ហេតុ​ខាងលើ ដោយបាន​ប្រាក់​ឈ្នួល ចំនួន ២០ ដុល្លារ ក្នុងការ​ទំលាក់​មួយ​ទូ​កុងតឺន័រ​។ លុះ​ពេល​កំពុង​រើ​ក្ដារបន្ទះ ទម្លាក់​ពី​ទូ​កុងតឺន័រ បាន​ពាក់កណ្ដាល​ទៅហើយ ស្រាប់តែ​ចៃដន្យ ក្ដារ​ដែល​មិនទាន់បាន​រើ ចំនួន ១​ដុំ​ធំ ទម្ងន់​ជាង ១០០ គីឡូក្រាម បាន​ដួល​សង្កត់ ពីលើ​ជនរងគ្រោះ​ម្នាក់ ក្នុងចំណោម ៤​នាក់ (៣​នាក់ រត់ចេញ រួច​)​។ ពេល​ឃើញ​ដូច្នេះ ពួកគេ​នាំគ្នា​លើក​ក្ដារ​ចេញពី​លើ​ខ្លួន​ជនរងគ្រោះ រួច​បាន​យក​ម៉ូតូ​កង់​បី ដឹក​ទៅ​គ្លីនិក​ឯកជន តែ​គ្រូពេទ្យ​ថា ធ្ងន់​ធ្ងន់​ពេក មិន​ហ៊ាន​ទទួល ព្យាបាល ក៏​ប្រញាប់​ដឹក​ទៅកាន់​មន្ទីរពេទ្យ​មិត្តភាព​ខ្មែរ​.​សូ​វៀត​។ ទៅដល់​ទីនោះ គេ​បញ្ជូន​ជនរងគ្រោះ ដាក់​បន្ទប់សង្គ្រោះបន្ទាន់ ហើយ​បានតែ​ចំនួន ១០​នាទី គ្រូពេទ្យ​ថា ជនរងគ្រោះ​ស្លាប់​ហើយ​។ ក្រោយមក ក៏បាន​ទូរស័ព្ទ​ប្ដឹង​សមត្ថកិច្ច ចុះទៅ​ធ្វើ​កោសល្យវិច័យ និង​សុំ​យក​សព ទៅធ្វើ​បុណ្យ​តាម​ប្រពៃណី នៅ​ស្រុកកំណើត​វិញ​៕/V

ទីតាំងផ្សាយពាណិជ្ជកម្ម

- Advertisment -

Most Popular