Home ព័ត៌មានអន្តរជាតិ អាជ្ញាធរ​ក្រុ...

អាជ្ញាធរ​ក្រុង​ហ្សា​ការតាព្រ​មាន​ពិន័យ​ប្រាក់​ចំពោះ​អ្នកណា​ដែល​មិន​ព្រម​ចាក់​វ៉ាក់សាំង​កូវី​ដ​១៩

​ប្រែ​សម្រួលៈ​វាសនា​/​ហ្សា​ការតា​៖​អាជ្ញាធរ​ក្នុង​រដ្ឋធា​នីហ្សាការ​តា​គំរាម​ពិន័យ​ប្រាក់​ដល់​ទៅ​៥​លាន​រូពៀ​(៣៥៦​ដុល្លារ​)​ចំពោះ​អ្នក​ស្រុក​ណា​ដែល​មិន​ព្រម​ចាក់​វ៉ាក់សាំង​កូវី​ដ​១៩ ដើម្បី​អោយ​ប្រជាជន​អនុវត្តតាម​​ច្បាប់​ថ្មី​មួយ​ដែល​ចាត់ទុក​ការចាក់​វ៉ាក់សាំង​បង្ការ​ជំងឺ​កូវី​ដ​១៩​ជា ភារកិច្ច​ត្រូវបំពេញ​។​

​អភិបាលរង​ក្រុង​លោក អា​ម៉ា​ត រី​ហ្សា ប៉ា​ទ្រៀ បាន​និយាយថា អាជ្ញាធរ​ក្រុង​គ្រាន់​តែ​អនុវត្ត​ច្បាប់ ហើយ​ទណ្ឌកម្ម​ដូច្នេះ​ជា​ជំរើស​ចុងក្រោយ​មួយ​នៅ​ក្រុង​ហ្សា​ការតា ដែល​មាន​អ្នក​ឆ្លង​ប្រមាណ​១​ភាគ​៤​ក្នុង​​ចំណោម​អ្នក​ឆ្លង​សរុប​ជាង​១,២​លាន​នាក់​នៅ​ឥណ្ឌូនេស៊ី​។​

​លោក​រី​ហ្សា​បាន​និយាយថា​«​បើ​អ្នក​បដិសេធ​វ៉ាក់សាំង នោះ​មាន​បញ្ហា​២ អ្នក​មិន​ទទួលបាន​ជំនួយ​សង្គម និង​ពិន័យ​ប្រាក់​»​។​

​ឥណ្ឌូនេស៊ី​បាននិងកំពុង​ប្រយុទ្ធ​នឹង​ការឆ្លង​ជំងឺ​កូវី​ដ​១៩​ខ្លាំងក្លា​បំផុត​នៅ​អាស៊ី និង​មានបំណង​ចាក់​វ៉ាក់សាំង​អោយ​ដល់​ប្រជាជន​១៨១,៥​លាន​នាក់​ក្នុង​ចំណោម​ប្រជាពលរដ្ឋ​ខ្លួន​២៧០​លាន​នាក់​ក្នុង​​រយៈពេល​១៥​ខែ ក្រោម​កម្មវិធី​ចាក់​វ៉ាក់សាំង​មួយ​ដែល​បាន​ចាប់ផ្តើម​កាលពី​ខែ​មុន​។​ប្រជាជន​ឥណ្ឌូនេស៊ី​ប្រមាណ​៣៤.០០០​បាន​ស្លាប់​ដោយ​ជំងឺ​កូវី​ដ​១៩​។​

​ឥណ្ឌូនេស៊ី​បាន​ប្រកាស​បទបញ្ជា​ប្រធានាធិបតី​មួយ​នៅ​ខែ​នេះ ដោយ​ចាត់ទុក​អ្នក​មិន​ព្រម​ចាក់​វ៉ាក់សាំង​ថា​ជា​អ្នក​បាត់បង់​ជំនួយ​សង្គម ឬ​សេវា​រដ្ឋ ឬ​អាច​ត្រូវ​ពិន័យ​ប្រាក់​៕

​ការចាក់​វ៉ាក់សាំង​ដំណាក់កាល​ទី​២​នៅ​ឥណ្ឌូនេស៊ី បាន​ចាប់ផ្តើម​កាលពី​ថ្ងៃ​ពុធ​ទី​១៧​កុម្ភៈ នៅ​ផ្សារ​Tanah Abang​ដែល​ជា​ផ្សារ​វាយ​ន​ភណ្ឌ​ធំ​បំផុត​នៅ​អាស៊ី​អាគ្នេយ៍​នៅ​ដែល​មាន​អ្នកលក់ដូរ​ជាង​១​ម៉ឺន​នាក់​

ទីតាំងផ្សាយពាណិជ្ជកម្ម

- Advertisment -

Most Popular