Home ព័ត៌មានអន្តរជាតិ បាតុករ​មី​យ៉ា...

បាតុករ​មី​យ៉ាន់​ម៉ា​ដែល​ត្រូវ​គ្រាប់​ចំ​ក្បាល​បាន​ស្លាប់​

​ប្រែ​សម្រួលៈ​វាសនា​/​យ៉ាងហ្គោន​៖​និស្សិត​អាយុ​២០​ឆ្នាំ​ដែល​ត្រូវ​គ្រាប់​ចំ​ក្បាល​ក្នុងអំឡុងពេល​តវ៉ា​ប្រឆាំង​នឹង​រដ្ឋប្រហារ​កាលពី​សប្តាហ៍​មុន​នៅក្នុង​រដ្ឋធានី​ណៃ​ពីដោរ​បានស្លាប់ នេះ​បើ​យោង​តាម​មិត្ត​ម្នាក់​របស់​​គ្រួសារ​ជនរងគ្រោះ​។​វា​ជា​ការបាត់បង់​អាយុជីវិត​មនុស្ស​លើកដំបូង​ពាក់ព័ន្ធ​នឹង​ការតវ៉ា​ប្រឆាំង​របប​សឹក​ចាប់តាំងពី​យោធា​ធ្វើ​រដ្ឋប្រហារ​កាលពី​ថ្ងៃ​០១​កុម្ភៈ​ដែល​បង្ក​អោយមាន​ការតវ៉ា​ប្រឆាំង​នៅ​ទូទាំង​​ប្រទេស​។​

​នាង មី​យ៉ា ថ្វេ​ថ្វេ ឃី​ន ជា​មនុស្ស​ម្នាក់​ក្នុងចំណោម​មនុស្ស​២​នាក់​ដែល​រងរបួស​ធ្ងន់​កាលពី​ថ្ងៃ​០៩​កុម្ភៈ​បន្ទាប់ពី​ប៉ូលិស​បាញ់​កាំភ្លើង ឧស្ម័ន​ហៀរ​ទឹកភ្នែក​និង​ទឹក​ដើម្បី​បំបែកហ្វូង​បាតុកម្ម​នៅ​ទូទាំង​ប្រទេស​​ដែល​បណ្តាលអោយ​របួស​អ្នក​ប្រឆាំង​តវ៉ា​យ៉ាងតិច​២០​នាក់​។​

​រំលឹកថា បាតុកម្ម​នៅ​ក្រុង​ណៃ​ពីដោរ​បាន​ប្រែជា​ហិង្សា​នៅពេល​កងកម្លាំង​សន្តិសុខ​បាញ់​គ្រាប់កាំភ្លើង​ជ័រ​ទៅលើ​បាតុករ តែ​ពួក​វេជ្ជបណ្ឌិត​ក្រោយមក​បាន​ប្រាប់​ទីភ្នាក់ងារ​សារព័ត៌មាន​បារាំង​ថា យ៉ាងហោច​​ណា​ស់មនុស្ស​២​នាក់​រងរបួស​ធ្ងន់​ដោយ​ត្រូវ​គ្រាប់កាំភ្លើង​ពិត​។​

​កាលពី​ថ្ងៃ​សុក្រ មន្ត្រី​ពេទ្យ​ម្នាក់​បាន​អះអាង​ការស្លាប់​របស់​នាង​នៅ​ម៉ោង​១១​ព្រឹក និង​ថា​បុគ្គលិក​ពេទ្យ​ស្ថិតក្រោម​ការគាបសង្កត់​ជា​ខ្លាំង​ចាប់តាំងពី​ជនរងគ្រោះ​ចូល​ដេកពេទ្យ​។​

​នៅ​សប្តាហ៍​នេះដែរ អ្នកនាំពាក្យ​យោធា បានបញ្ជាក់​អះអាងថា​នាង​មី​យ៉ា ថ្វេ​ថ្វេ ឃី​ន បាន​ត្រូវ​គ្រាប់ និង​អាជ្ញាធរ​នឹង​ធ្វើ​ការស៊ើបអង្កេត​។​

​ការស្លាប់​របស់​និស្សិត​ស្រី​នេះ​កើតឡើង​ចំពេល​ចំនួន​អ្នក​ប្រឆាំង​តវ៉ា​នៅ​ទូ​ទាំង​មី​យ៉ាន់​ម៉ា បាន​កើន​ដល់​រាប់សែន​នាក់​ចាប់​តាំងពី​យោធា​ដណ្តើម​អំណាច​ពី​រដ្ឋាភិបាល​ស៊ីវិល​កាលពី​ថ្ងៃ​១​កុម្ភៈ​៕

​សព​ស្ត្រី​ត្រូវ​គ្រាប់​ចំ​ក្បាល​ត្រូវបាន​នាំ​ចេញ​ពី​មន្ទីរពេទ្យ​នៅ​ក្រុង​ណៃ​ពីដោរ​កាលពី​ថ្ងៃ​១៩​កុម្ភៈ​

ពួកនិស្សិតកាន់រូបនាងមី​យ៉ា ថ្វេ​ថ្វេ ឃី​ន

ទីតាំងផ្សាយពាណិជ្ជកម្ម

Previous articleមន្ត្រីជាន់ខ្ពស់​ក្រសួង​សាធារណការ​៖«​ការយល់ដឹង​ពី​ច្បាប់​ចរាចរណ៍​និង​សីលធម៌​ក្នុងការ​បើកបរ​ពិតជា​សំខាន់​ក្នុងការ​ទប់ស្កាត់​គ្រោះថ្នាក់​ចរាចរណ៍​នៅ​កម្ពុជា​»
Next articleនិស្សិត​អាយុ​២០​ឆ្នាំ​ដែល​ត្រូវ​គ្រាប់​ចំ​ក្បាល​ក្នុងអំឡុងពេល​តវ៉ា​ប្រឆាំង​នឹង​រដ្ឋប្រហារ​កាលពី​សប្តាហ៍​មុន​នៅក្នុង​រដ្ឋធានី​ណៃ​ពីដោរ​បានស្លាប់។​នាង មី​យ៉ា ថ្វេ​ថ្វេ ឃី​ន ជា​មនុស្ស​ម្នាក់​ក្នុងចំណោម​មនុស្ស​២​នាក់​ដែល​រងរបួស​ធ្ងន់​កាលពី​ថ្ងៃ​០៩​កុម្ភៈ​បន្ទាប់ពី​ប៉ូលិស​បាញ់​កាំភ្លើង ឧស្ម័ន​ហៀរ​ទឹកភ្នែក​និង​ទឹក​ដើម្បី​បំបែកហ្វូង​បាតុកម្ម​នៅ​ទូទាំង​ប្រទេស​​ដែល​បណ្តាលអោយ​របួស​អ្នក​ប្រឆាំង​តវ៉ា​យ៉ាងតិច​២០​នាក់​។​
- Advertisment -

Most Popular