​នៅ​រាជធានី​ភ្នំពេញ មាន​មណ្ឌល​ច​ត្តា​ឡី​ស័ក ជាង ៤០ កន្លែង ដើម្បី​បង្ការ​ទប់ស្កាត់​ជំងឺ​កូ​វីដ​-១៩ កុំឱ្យ​រីក​រាលដាល ចូល​ទៅដល់​សហគមន៍​

​ដោយៈ រ៉ា​ម៉ន / ភ្នំពេញៈ ដោយមាន​ការយកចិត្ត​ទុកដាក់ ខ្ពស់បំផុត​របស់លោក ឃួ​ង ស្រេង នៅ​រាជធានី​ភ្នំពេញ មាន​មណ្ឌល​សម្រាប់ធ្វើ​ច​ត្តា​ឡី​ស័ក ចំនួន​ជាង ៤០ កន្លែង ស្ថិតនៅក្នុង​ចំនួន ៨ ខណ្ឌ ចំណុះឱ្យ​រាជធានី​ភ្នំពេញ ដើម្បី​បង្ការ​ទប់ស្កាត់​ជំងឺ​កូ​វីដ​-១៩ កុំឱ្យ​រាលដាល​ចូលទៅក្នុង​សហគមន៍​។​

​នេះ​បើតាម​ការលើកឡើង របស់លោក ឧ​ត្ត​ម​សេនីយ៍ គិ​ន សុធី ស្នងការរង​នគរបាល រាជធានី​ភ្នំពេញ ក្នុង​កិច្ចប្រជុំ​បន្ទាន់​មួយ នៅ​រសៀល​ថ្ងៃទី​១៩ ខែកុម្ភៈ ឆ្នាំ​២០២១​នេះ ដោយមាន​ការចូលរួម ពី​អភិបាលខណ្ឌ​ទាំង​១៤ និង​មន្ត្រី​នៃ​មន្ទីរជំនាញ ដើម្បី​ដាក់ចេញ​ផែនការ ពង្រឹង​ទប់ស្កាត់ ការរីក​រាលដាល​ជំងឺ​កូ​វីដ​១៩ ក្រោម​វត្តមាន​លោក ឃួ​ង ស្រេង អភិបាល​រាជធានី​ភ្នំពេញ​។​

​លោក​ឧ​ត្ត​ម​សេនីយ៍ គិ​ន សុធី បានបញ្ជាក់​ឲ្យ​ដឹងថាៈ នៅ​រាជធានី​ភ្នំពេញ មាន​មណ្ឌល​ច​ត្តា​ឡី​ស័ក ចំនួន ៤១ កន្លែង ស្ថិតនៅក្នុង​ខណ្ឌ​ចំនួន ៨ ចំណុះឱ្យ រាជធានី​ភ្នំពេញ ក្នុងនោះ មាន​ទាំង​សណ្ឋាគារ​សុខា មណ្ឌល​ច​ត្តា​ឡី​ស័ក របស់​រាជធានី​ភ្នំពេញ ដែល​ស្ថិត​ជិត​មហាវិថី​ឈ្នះ​ឈ្នះ ក្នុង​ខណ្ឌ​ព្រែក​ព្នៅ មណ្ឌល​ច​ត្តា​ឡី​ស័ក ចាក់​អង្រែ​លើ មណ្ឌល​ច​ត្តា​ឡី​ស័ក នៅក្នុង​មន្ទីរ​ពេទ្យរុស្ស៊ី ហើយ​ក្នុងចំណោម មណ្ឌល​ច​ត្តា​ឡី​ស័ក​ទាំងនេះ យើង​បាន​ប្រើប្រាស់​កម្លាំង ចំនួន ៤០២ នាក់ ក្នុងនោះ​ប៉ូលិស​អន្តរាគមន៍ ចំនួន ៧០ នាក់ ក្រៅពីនោះ​គឺ ជា​សមត្ថកិច្ច នៅតាម​មូលដ្ឋាន ខណ្ឌ​នីមួយៗ​។​

​លោក ឃួ​ង ស្រេង អភិបាល​រាជធានី​ភ្នំពេញ ក្នុង​កិច្ចប្រជុំ​នោះ បានលើកឡើង​ថាៈ កិច្ចប្រជុំ​នេះ ធ្វើឡើង​ដើម្បី​រំលឹក​ឱ្យមាន ការប្រុងប្រយ័ត្ន​ឡើងវិញ ដោយសារ​ថា មកដល់ពេលនេះ ប្រជាពលរដ្ឋ ហាក់ដូចជា​លែង មាន​ការ​​ប្រុងប្រយ័ត្ន ចំពោះ​ជំងឺ​កូ​វីដ​-១៩​ហើយ​។ ដូច្នេះ​ក្នុងនាម​អាជ្ញាធរ​ដែនដី ទាំង​១៤ ខណ្ឌ កម្លាំង​មាន​សមត្ថកិច្ច ពាក់ព័ន្ធ​ទាំងអស់ ត្រូវ​បន្ត​ចុះ​ណែនាំ ផ្សព្វផ្សាយ​ជាប្រចាំ ដើម្បី​ឲ្យ​បងប្អូន​ប្រជាពលរដ្ឋ ចូលរួម​ការពារ​ទប់​ស្កាត់​ជំងឺ​កូ​វីដ​-១៩ ឡើងវិញ ខណៈ​ដែរ កាលពីមុន​យើង អនុវត្ត​បានល្អ ហើយ​ប្រជាពលរដ្ឋ ក៏បាន​ចូលរួម​យ៉ាង​សកម្ម ជាមួយ​យើង​ផងដែរ ដែល​ធ្វើឱ្យ​យើង អាច​គ្រប់គ្រង​បាន​នូវ ការឆ្លង​រាលដាល នៃ​ជំងឺ​កូ​វីដ​-១៩​នេះ​។​

​លោក ឃួ​ង ស្រេង ក៏បាន​បញ្ជាក់ដែរថាៈ កិច្ចប្រជុំ​នេះ យើង​នឹង​ពិភាក្សា​រក​ចំណុច​គន្លឹះ រក​ចំណុច​ចន្លោះ​ប្រហោង ដើម្បី​យើង​យក​ចំណុច​ទាំងនោះ មក​បំពេញបន្ថែម និង​អនុវត្ត​អោយចំ​គោលដៅ ក្នុង​កិច្ចការពារ នៃ​ការឆ្លង​រាលដាល នៃ​ជំងឺ​កូ​វីដ​-១៩​នេះ​៕/V​

ទីតាំងផ្សាយពាណិជ្ជកម្ម

- Advertisment -

Most Popular