នគរបាល​ជំនាញ​ខេត្ត និង​ស្រុក​ស្វាយចេក ឃាត់ខ្លួន​មេខ្ស​ល់ ២ នាក់ , អ្នក​ដឹកជញ្ជូន​១​នាក់ និង​ពលករ ៤​នាក់ ករណី​ប៉ុនប៉ង​ឆ្លងដែន ខុសច្បាប់​

ដោយៈ ប​.​ជ័យ / បន្ទាយ​មាន​ជ័​យៈ នគរបាល​ជំនាញ​ខេត្ត និង​ស្រុក​ស្វាយចេក បាន​ឃាត់ខ្លួន​មេខ្ស​ល់ ចំនួន ២ នាក់ , អ្នក​ដឹកជញ្ជូន ១​នាក់ និង​ពលករ ចំនួន ៤ នាក់​ទៀត នៅលើ​រថយន្ត ១​គ្រឿង ម៉ាក​តូយ៉ូតា កាមរី (​បា​ឡែ​ន​) កាលពី​ម៉ោង ៨​និង​១៥​នាទី យប់​ថ្ងៃទី​១៨ ខែកុម្ភៈ ឆ្នាំ​២០២១ នៅ​ចំណុច​មុខ​ខ្លោងទ្វារ​ផ្លូវ​ចូល ភូមិ​តេ​ជោ​ភ្នំ​ឆ័​ត្រ ស្ថិតក្នុង​ភូមិ​តេ​ជោ​ភ្នំ​ឆ័​ត្រ ឃុំ​ស្វាយចេក ស្រុក​ស្វាយចេក ខេត្តបន្ទាយមានជ័យ ពាក់ព័ន្ធ​នឹង​ករណី​រត់ពន្ធ​មនុស្ស ប៉ុនប៉ង​ឆ្លងដែន ខុសច្បាប់ ។​

​លោក​វរសេនីយ៍ឯក ជា ស្លូញ អធិការនគរបាល ស្រុក​ស្វាយចេក បាន​ឲ្យ​ដឹងថាៈ អនុវត្តតាម​បទបញ្ជា​របស់ លោកនាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ និង​មានការ​ដឹកនាំ​បញ្ជា​ផ្ទាល់ ពី​លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ​នោះ កម្លាំង​នគរបាល ប្រឆាំង​ការជួញដូរ​មនុស្ស និង​ការពារ​អ​និតិ​ជន នៃ​ស្នងការដ្ឋាន​ខេត្ត និង​នគរបាល នៃ​អធិការដ្ឋាន​ស្រុក​ស្វាយចេក បាន​ឈានដល់​ឃាត់ខ្លួន មុខសញ្ញា​ខាងលើ​។​

​លោក​បាន​បន្តថាៈ អ្នកបើកបរ​រថយន្ត ឈ្មោះ ហ៊ីង ពេជ្រ ភេទ​ប្រុស អាយុ ៤៣ ឆ្នាំ រស់នៅ​ភូមិ​ថ្នល់បំបែក ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ និង​រថយន្ត​ម៉ាក​តូយ៉ូតា កាមរី (​បា​ឡែ​ន​) ពណ៌​ឆ្លូញ សេរី ២០០២ ពាក់​ស្លាក​លេខ បាត់ដំបង 2A.8587 ។ នៅក្នុង​រថយន្ត មាន​ពលករ​ខ្មែរ ចំនួន​៤​នាក់ (​ស្រី​២​នាក់​) គឺៈ ១.​ឈ្មោះ ម៉ៃ រ៉ុង ភេទ​ប្រុស អាយុ ៤៣ ឆ្នាំ និង ២.​ឈ្មោះ កិន ឡា ភេទ​ស្រី អាយុ ៣៦ ឆ្នាំ​។ ទាំង​២​នាក់ រស់នៅ​ភូមិ​អំពៅ​ដៀប ឃុំ​ជ្រួយ​នាង​ងួន ស្រុក​ស្រីស្នំ ខេត្តសៀមរាប​។ ៣.​ឈ្មោះ ផុន ម៉េ​ត ភេទ​ប្រុស អាយុ ២០ ឆ្នាំ និង​៤.​ឈ្មោះ គង់ ចាន់​ណាត ភេទ​ស្រី អាយុ ២៣ ឆ្នាំ​។ ទាំង​២​នាក់​នេះ រស់នៅ​ភូមិ​ស្លែង​ស្ពាន ឃុំ​ស្លែង​ស្ពាន ស្រុក​ស្រីស្នំ ខេត្តសៀមរាប​។​

​លោក ជា ស្លូញ បាន​បន្តទៀតថាៈ ក្រោយពី​ឃាត់ និង​សួរនាំ​អ្នកបើករថយន្ត និង​ពលករ ទាំង​៤​នាក់​នោះ កម្លាំង​សមត្ថកិច្ច ក៏បាន​បន្ត​ឃាត់ខ្លួន មុខសញ្ញា​ជា​មេខ្ស​ល់​បាន​ចំនួន ២ នាក់ នៅលើ​ផ្លូវជាតិ​លេខ​៥៨ ខាងជើង​ភូមិ​ក្តឹប​ថ្ម ស្ថិតក្នុង​ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ ។​ ​មេខ្យល់ ២​នាក់​នោះ គឺៈ ១. ឈ្មោះ ចាំ ណុ​យ ភេទ​ប្រុស អាយុ ៣៤ ឆ្នាំ និង​២. ឈ្មោះ សរ វិត ភេទ​ប្រុស អាយុ ២២ ឆ្នាំ​។ ជនសង្ស័យ​ទាំង​២​នាក់ រស់នៅ​ភូមិ​ថ្នល់បំបែក ឃុំ​គោក​រមៀត ស្រុក​ថ្មពួក ខេត្តបន្ទាយមានជ័យ​។​

​ជនសង្ស័យ ជា​មេខ្ស​ល់ អ្នក​ដឹកជញ្ជូន និង​ពលករ​ខាងលើ ត្រូវបាន​កំពុងធ្វើការ​សាកសួរ នៅ​អធិការដ្ឋាន​នគរបាល ស្រុក​ស្វាយចេក និង​ការិយាល័យ​ជំនាញ នៃ​ស្នងការដ្ឋាន​នគរបាល​ខេត្ត រួច​ត្រូវបាន​កសាង​សំណុំរឿង បញ្ជូនទៅ​សាលាដំបូង​ខេត្ត នៅ​ថ្ងៃទី​២០ ខែកុម្ភៈ ឆ្នាំ​២០២១ ខាងមុខនេះ​៕/V​

ទីតាំងផ្សាយពាណិជ្ជកម្ម

- Advertisment -

Most Popular