Home ព័ត៌មានអន្តរជាតិ តៃវ៉ាន់​ភិតភ័...

តៃវ៉ាន់​ភិតភ័យ​នៅពេល​យន្តហោះ​យោធា​ចិន​៨​គ្រឿង​ហោះចូល​កៀក​

​ប្រែ​សម្រួលៈ​វាសនា​/​តៃ​ប៉ិះ ៖ កងកម្លាំង​អាកាស​តៃវ៉ាន់​កាលពី​ថ្ងៃ​សុក្រ​ទី​១៩​កុម្ភៈ​បាន​ប្រញាប់ប្រញាល់​បញ្ជូន​សារ​ព្រមាន​និង​ត្រៀម​កាំជ្រួច​ការពារ​ដែនអាកាស​នៅពេល​យន្តហោះ​ប្រយុទ្ធ​ចិន​ចំនួន​៨​គ្រឿង​​បាន​ហោះចូល​ក្នុង​អ្វី​ដែល​អាជ្ញាធរ​តៃវ៉ាន់​អះអាងថា​តំបន់​ការពារ​ដែនអាកាស​ប៉ែក​និរតី​របស់ខ្លួន​នៅក្នុង​ការបង្ហាញ​សកម្មភាព​យោធា​មួយទៀត​នៅ​ជុំវិញ​កោះ​សេរីនិយម​នេះ​។​

​ចិន​ប៉េកាំង ដែល​ចាត់ទុក​តៃវ៉ាន់​ជា​ទឹកដី​របស់​ខ្លួន កន្លងមក​បាន​និយាយថា​ខ្លួន​ឆ្លើយតប​ទៅ​នឹង​អ្វី​ដែល​ខ្លួន​ហៅ​ថា «​ការ​គប់គិត​សមគំនិត​គ្នា​»​រវាង​រដ្ឋាភិបាល​ក្រុងតៃ​ប៉ិះ​និង​រដ្ឋាភិបាល​ក្រុង​វ៉ាស៊ីនតោន ​ដែល​ជា​ខ្នងបង្អែក​អន្តរជាតិ និង​ជា​អ្នកផ្គត់ផ្គង់​សព្វាវុធ​ដ៏​ធំ​របស់​តៃវ៉ាន់​។​

​ក្រសួង​យោធា​តៃវ៉ាន់ បាន​និយាយថា យន្តហោះ J-16​ចំនួន​៤​គ្រឿង និង JH-7​ចំនួន​៤​គ្រឿង ព្រមទាំង​យន្តហោះ​សង្គ្រាម​អេឡិចត្រូនិច​មួយ​គ្រឿង​បាន​ហោះ​ជិត​កោះ​ប្រា​តាស អ៊ី​ស្លង់ ដែល​កាន់កាប់​ដោយ​​តៃវ៉ាន់ នៅ​ចុង​សមុទ្រ​ចិន​ខាងត្បូង​។​«​កងទ័ពអាកាស​បាន​បញ្ជូន​សារព្រមាន ដូចជា​ព្រមាន​តាម​វិទ្យុទាក់ទង និង​បញ្ជូន​ប្រព័ន្ធ​កាំជ្រួច​ការពារ​អាកាស ទៅ​តាមដាន​ចលនា​របស់​ពួកវា​»​។​

​តាមពិត​យន្តហោះ​ចិន​បាន​ហោះចូល​ជ្រុង​ភាគ​និរតី​នៃ​តំបន់​នេះ​ស្ទើរ​រាល់ថ្ងៃ តែ​ការបង្ហាញ​កម្លាំង​ក្នុង​ចំនួន​ច្រើន​មាន​តែ​កាលពី​ថ្ងៃ​២៤​មករា​នៅ​ពេល​យន្តហោះ​ចិន​១២​គ្រឿង​បាន​បង្ហាញខ្លួន​នៅ​តំបន់​​នេះ​។​

​នៅមុន​ការប្រកាស​អំពី​សកម្មភាព​នៃ​យន្តហោះ​ចិន​បន្តិច តៃវ៉ាន់​បានធ្វើការ​រុះរើ​មន្ត្រី​សន្តិសុខ​ជាន់ខ្ពស់​មួយចំនួន រួម​មាន​រដ្ឋមន្ត្រី​យោធា​ដើម្បី​ជួយ​ជំរុញ​ការធ្វើ​ទំនើបកម្ម​យោធា​និង​កិច្ចខិតខំ​ខាង​​ចារ​កម្ម​។​

​ប្រធានាធិបតី​កោះ​តៃវ៉ាន់ បាន​សន្យា​ការពា​រកោះ​នេះ និង​បាន​ដាក់​ការធ្វើ​ទំនើបកម្ម​កងកម្លាំងប្រដាប់អាវុធ​ជា​អាទិភាព​មួយ រួម​មាន​ការបង្កើត​ក​ង​នាវាមុជទឹក​ថ្មី​មួយ ទិញ​យន្តហោះ​F-16​ថ្មី​ពី​អាម៉េរិក​​និង​ធ្វើអោយ​ប្រសើរឡើង​នាវាចម្បាំង​របស់​តៃវ៉ាន់​៕

​យន្តហោះ​ចិន​ធុន J-16 និង​JH-7​ព្រមទាំង​យន្តហោះ​សង្គ្រាម​អេឡិចត្រូនិ​ចបាន​ហោះ​ជិត​កោះ​ប្រាតាស អ៊ី​ស្លង់ ដែល​កាន់កាប់​ដោយ​តៃវ៉ាន់​កាលពី​ថ្ងៃ​សុក្រ​

ទីតាំងផ្សាយពាណិជ្ជកម្ម

- Advertisment -

Most Popular