Home ព័ត៌មានសំខាន់ៗ លោកបៃ​ដិន​ប្រ...

លោកបៃ​ដិន​ប្រកាសថា​អាម៉េរិកនិង​សម្ព័ន្ធមិត្ត​ឆ្លង​សមុទ្រអាត្ល​ង់​ទិក​ត្រឡប់​មក​វិញ​ហើយ​

​ប្រែ​សម្រួល : កញ្ញា​ដា​លី​ស​៖​នៅក្នុង​សុន្ទរកថា​ដ៏​មាន​ឥទ្ធិពល​មួយ​កាលពី​ថ្ងៃ​សុក្រ​ដើម្បី​ស្វះស្វែង​ធ្វើឱ្យ​សហរដ្ឋ​អាម៉េរិក​ក្លាយជា​មេដឹកនាំ​លោកខាងលិច​ឡើងវិញ​ប្រឆាំង​នឹង​អ្វី​ដែល​លោក​ហៅថា​ជា​ការរំលោភ​​ជា​សកល​លើ​លទ្ធិប្រជាធិបតេយ្យ ប្រធានាធិបតី​ចូ បៃ​ដិនបាន​ប្រកាសថា “​សម្ព័ន្ធមិត្ត​ឆ្លង​សមុទ្រ​អា​ត្លង់​ទិក​ត្រឡប់មកវិញ​” ។​

​សុន្ទរកថា​នៅ​ក្នុង​សន្និសីទ​សន្តិសុខ​ក្រុង​មុយ​និច​ប្រចាំឆ្នាំ ដែល​ធ្វើឡើង​តាម​វីដេអូ​ដោយសារ​តែ​ជំងឺ​រាតត្បាត​កូវី​ដ​១៩ បាន​ធ្វើឡើង​ស្រប​ពេល​អធិការបតី​អាល្លឺម៉ង់ អេន​ជេឡា មឺ​គែល​ស្វាគមន៍​ការ​​វិលត្រឡប់​ទៅរក “​ពហុភាគី​និយម​” ឡើងវិញ បន្ទាប់​ពី​ការប្រឈមមុខគ្នា​ជាច្រើន​ឆ្នាំ​ជាមួយ​លោក​ប្រធានាធិបតី​ដូណាល់ ត្រាំ​។​

​ថ្លែង​សុន្ទរកថា​អន្ដរជាតិ​ដ៏​សំខាន់​លើកដំបូង​របស់​គាត់​ស្តី​ពី​នយោបាយ​ការបរទេស​ចាប់តាំងពី​បាន​ក្លាយ​ជា​ប្រធានាធិបតី​កាលពី​ខែ​មករា​លោកបៃ​ដិ​ននិយាយថា​សម្ព័ន្ធមិ​ត្ត​ជា​ប្រពៃណី​របស់​សហរដ្ឋ​​អាម៉េរិក​គួរតែមាន​ទំនុកចិត្ត​លើ​ការដឹកនាំ​របស់​ទីក្រុង​វ៉ាស៊ីនតោន​។​

​លោក​បាន​និយាយ​ពី​សេត​វិមាន​ថា “​ខ្ញុំ​សូម​ផ្ញើ​សារ​យ៉ាងច្បាស់​ទៅកាន់​ពិភពលោក​ថា អាម៉េរិក​ត្រឡប់​មក​វិញ​ហើយ​។ សម្ព័ន្ធមិត្ត​ឆ្លង​សមុទ្រ​អា​ត្លង់​ទិក​ត្រឡប់​មក​វិញ​ហើយ​”​។​

​លោក​បាន​និយាយថា “​សហរដ្ឋ​អាម៉េរិក​ប្តេជ្ញា​ភ្ជាប់​ទំនាក់ទំនង​ជាមួយ​អឺរ៉ុប​ដើម្បី​ពិគ្រោះ​ជាមួយ​អ្នក និង​ទទួលបាន​ជំហរ​របស់​យើង​ជា​អ្នកដឹកនាំ​ប្រកប​ដោយ​ទំនុកចិត្ត​ត្រឡប់មកវិញ​”​។​

​លោកបៃ​ដិន ដែល​មុននេះ​បាន​និយាយ​ទៅ​កាន់​មេដឹកនាំ​មកពី​ក្រុម​ប្រទេស​ប្រជាធិបតេយ្យ​មាន​ស្តុកស្តម្ភ G7 បាន​និយាយថា រដ្ឋបាល​របស់​លោក​សង្កត់ធ្ងន់​លើ​ការកសា​ង​សម្ព័ន្ធភាព​ជាថ្មី​ម្តងទៀត ដែល​ផ្ទុយ​ពី​គោលនយោបាយ​ឯកោ​និយម​និង​ការប្រព្រឹត្ត​មិន​សមរម្យ​របស់លោក​ត្រាំ​ចំពោះ​ដៃគូ​អាម៉េរិក​។​

​លោកបៃ​ដិននិយាយ​ថាកម្លាំងស​មូហភាព​គឺជា​មធ្យោបាយ​តែ​មួយគត់​ដើម្បី​ទទួល​ជោគជ័យ​នៅពេល​ការប្រកួតប្រជែង​ទូទាំង​ពិភពលោក​រវាង​លទ្ធិប្រជាធិបតេយ្យ​និង​អត្ថា​ធិបតេយ្យ​កំពុង​ស្ថិត​ក្នុង “​ចំណុច​ឆ្លុះបញ្ចាំង​”​។​

​លោកបៃ​ដិ​ននិយាយថា “​នៅក្នុង​កន្លែង​ជាច្រើន​រួម​ទាំង​នៅ​អឺរ៉ុប​និង​សហរដ្ឋ​អាម៉េរិក វឌ្ឍនភាព​ប្រជាធិបតេយ្យ​កំពុង​រង​ការវាយប្រហារ​។ ប្រវត្តិវិទូ​នឹង​ពិនិត្យ​និង​សរសេរ​អំពី​ពេលវេលា​នេះ​។​វា​ជា​ចំណុច​ឆ្លុះ​​បញ្ចាំង​មួយ​។ ហើយ​ខ្ញុំ​ជឿ​ថា​ជាមួយ​រាល់​វត្តមាន​របស់ខ្ញុំ លទ្ធិប្រជាធិបតេយ្យ​ត្រូវតែ​ឈ្នះ​”៕

​លោកបៃ​ដិនថា​សម្ព័ន្ធមិត្ត​ឆ្លង​សមុទ្រអាត្ល​ង់​ទិក​ត្រឡប់មកវិញ​

ទីតាំងផ្សាយពាណិជ្ជកម្ម

Previous articleនៅម៉ោង ៩.០០ព្រឹកនេះ សម្ដេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញថ្លែងសារពិសេសទៅកាន់បងប្អូនប្រជាពលរដ្ឋទូទាំងប្រទេស តាមរយៈការផ្សាយផ្ទាល់របស់ ទូរទស្សន៍ជាតិកម្ពុជា គេហទំព័រហ្វេសប៊ុកផ្លូវការរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ទូរទស្សន៍បាយ័ន និងប្រព័ន្ធផ្សព្វផ្សាយជាច្រើនផ្សេងទៀត៕
Next article​សុន្ទរកថា​នៅ​ក្នុង​សន្និសីទ​សន្តិសុខ​ក្រុង​មុយ​និច​ប្រចាំឆ្នាំកាលពីថ្ងៃសុក្រ ដែល​ធ្វើឡើង​តាម​វីដេអូ​ដោយសារ​តែ​ជំងឺ​រាតត្បាត​កូវី​ដ​១៩ ប្រធានាធិបតី​ចូ បៃ​ដិនបាន​ប្រកាសថា “​សម្ព័ន្ធមិត្ត​ឆ្លង​សមុទ្រ​អា​ត្លង់​ទិក​ត្រឡប់មកវិញ​” ។​
- Advertisment -

Most Popular