Home ព័ត៌មានអន្តរជាតិ ចិន​ទទួលស្គាល...

ចិន​ទទួលស្គាល់ថា​ខ្លួន​បាត់បង់​ទាហាន​៤ នាក់​ក្នុង​ការប៉ះទង្គិច​ជាមួយ​ឥណ្ឌា​កាលពី ៦ ខែ​មុន​

​ប្រែ​សម្រួល : កញ្ញា​ដា​លី​ស ៖ យោធា​ចិន​បាន​និយាយ​កាលពី​ថ្ងៃ​សុក្រ​ទី​១៩​កុម្ភៈ​ថា​ទាហាន​របស់​ខ្លួន​បួន​នាក់​ត្រូវបាន​សម្លាប់​នៅក្នុង​ការ​ប៉ះទង្គិច​គ្នា​នៅ​ព្រំដែន​ភ្នំ​ខ្ពស់​មួយ​ជាមួយ​កងកម្លាំង​ឥណ្ឌា​កាលពី​​ឆ្នាំមុន ដែល​នេះ​ជា​លើកដំបូង​ហើយ​ដែល​ទីក្រុង​ប៉េកាំង​ទទួល​ស្គាល់​ជា​សាធារណៈ​ថា​ភាគី​របស់​ខ្លួន​មាន​អ្នករបួស​និង​ស្លាប់​នៅក្នុង​ឧបទ្ទវហេតុ​ដ៏​សាហាវ​បំផុត​រវាង​ប្រទេស​យក្ស​អាស៊ី​ទាំង​ពីរ​ក្នុង​រយៈពេល​ជិត ៤៥ ឆ្នាំ​។​

​អ្នកនាំពាក្យ​ក្រសួងការបរទេស​ចិន​លោកស្រី​ហួ ឈុន​យី​ង​និយាយថា ការប្រកាស​ដែល​ធ្វើឡើង​ក្នុង​រយៈពេល​ជាង ៦ ខែ​បន្ទាប់​ពី​ការប្រយុទ្ធ​គ្នា​បង្ហូរឈាម​ដោយ​កណ្តាប់ដៃ​ទល់​កណ្តាប់​ដៃ​គួរតែ​ជួយ​ដល់​​សាធារណជន​ទូទាំង​ពិភពលោក​បាន​យល់​ពី​ការពិត​និង​អ្វី​ដែល​ត្រូវ​អ្វី​ដែល​ខុស​នៃ​ឧបទ្ទវហេតុ​នេះ​។​

​ប៉ុន្តែ​ការពន្យារពេល​ប្រកាស​នេះ​ក៏​ហាក់​ឆ្លុះបញ្ចាំង​ផងដែរ​ពី​វប្បធម៌​ដ៏​ជ្រាលជ្រៅ​នៃ​ការរក្សា​ភាព​សម្ងាត់​របស់​យោធា​ក៏ដូចជា​ការព្រួយបារម្ភ​អំពី​លទ្ធភាព​ផ្ទុះ​វិវាទ​ក្នុងស្រុក​និង​អន្តរជាតិ​ពី​ការ​បង្ហូរឈាម​នេះ​។​

​ភ្លាមៗ​បន្ទាប់​ពី​ការប៉ះទង្គិច​គ្នា​កាលពី​មិថុនា​ឆ្នាំ ២០២០ នៅលើ​ជួរ​ភ្នំ​ខ្ពស់​មួយ​នៅ​ជ្រលង​ភ្នំ​ហ្គាល់​វ៉ា​ន់ក្នុង​តំបន់​ឡា​ដាក់ ឥណ្ឌា​បាន​ប្រកាសថា​ខ្លួន​បាន​បាត់បង់​ទាហាន​ចំនួន ២០ នាក់​នៅក្នុង​សមរភូមិ ដែល​ប្រើ​តែ​កណ្តាប់ដៃ ដំបង ដុំថ្ម និង​អាវុធ​កែច្នៃ​កំប៉ិកកំប៉ុក​ផ្សេងទៀត ដើម្បី​បញ្ចៀស​ការ​បាញ់កាំភ្លើង​។​

​គេ​ក៏​ជឿ​ថា​ចិន​មាន​អ្នកស្លាប់​និង​របួស​ច្រើន​ដែរ ប៉ុន្តែ​ចិន​មិន​បាន​ផ្តល់​ព័ត៌មាន​លម្អិត​ទេ ដោយ​និយាយថា ខ្លួន​មិន​ចង់​បង្ក​ភាព​តានតឹង​បន្ថែមទៀត​។​

​ការប្រកាស​ថា​ខ្លួន​បាន​បាត់បង់​ទាហាន​នេះ​បាន​កើតឡើង​ខណៈដែល​ភាគី​ទាំងពីរ​បាន​ដកទ័ព​ចេញ​អស់​ពី​ទីតាំង​ដើម​របស់​ខ្លួន បន្ទាប់ពី​មាន​ការចរចា​ជាច្រើនលើក​៕

​ទា​ហា​ចិន​៤​នាក់​ស្លាប់​ក្នុងការ​ប៉ះទង្គិច​ជាមួយ​ទាហាន​ឥណ្ឌា​កាលពី​៦​ខែ​មុន​។​រូបភាព​ក្នុង​ទូរទស្សន៍​ចិន​កាលពី​ថ្ងៃ​សុក្រ​បង្ហាញ​ទិដ្ឋភាព​ប្រឈម​មុខ​គ្នា​រវាង​ទាហាន​ចិ​និង​ឥណ្ឌា​នៅលើ​ជួរ​ភ្នំ​ខ្ពស់​មួយ​នៅ​ជ្រលង​ភ្នំ​ហ្គាល់​វ៉ា​ន់ក្នុង​តំបន់​ឡា​ដាក់​កាលពី​ថ្ងៃ​១៥​មិថុនា ឆ្នាំ​២០២០

ទីតាំងផ្សាយពាណិជ្ជកម្ម

Previous articleកំណត់ត្រា​តុលាការ​នៅ​ទីក្រុង​ឡូ​ស​អែន​ជេ​ឡេស​កាលពី​ថ្ងៃ​សុក្រ​ទី​១៩​កុម្ភៈ​បាន​បង្ហាញថា នាង​គីម កា​ដា​សៀន​វេ​សបាន​ប្តឹង​សុំ​លែងលះ​ពី​លោក​កេន​យ៉េ វេស បន្ទាប់​ពី​រៀបការ ៧ ឆ្នាំ​។​
Next articleយោធា​ចិន​បាន​និយាយ​កាលពី​ថ្ងៃ​សុក្រ​ទី​១៩​កុម្ភៈ​ថា​ទាហាន​របស់​ខ្លួន​បួន​នាក់​ត្រូវបាន​សម្លាប់​នៅក្នុង​ការ​ប៉ះទង្គិច​គ្នា​នៅ​ព្រំដែន​ភ្នំ​ខ្ពស់​មួយ​ជាមួយ​កងកម្លាំង​ឥណ្ឌា​កាលពី​​ឆ្នាំមុន ដែល​នេះ​ជា​លើកដំបូង​ហើយ​ដែល​ទីក្រុង​ប៉េកាំង​ទទួល​ស្គាល់​ជា​សាធារណៈ​ថា​ភាគី​របស់​ខ្លួន​មាន​អ្នករបួស​និង​ស្លាប់​នៅក្នុង​ឧបទ្ទវហេតុ​ដ៏​សាហាវ​បំផុត​រវាង​ប្រទេស​យក្ស​អាស៊ី​ទាំង​ពីរ​ក្នុង​រយៈពេល​ជិត ៤៥ ឆ្នាំ​។​
- Advertisment -

Most Popular