Home ព័ត៌មានជាតិ សន្តិសុខ ស្លាប់​១​នាក់...

ស្លាប់​១​នាក់ និង​របួសធ្ងន់​ស្រាល ២​នាក់ ក្នុង​គ្រោះថ្នាក់​ចរាចរណ៍ រវាង​រថយន្តបុក​ម៉ូតូ ២​គ្រឿង​

ដោយៈ គ្រញូង / បាត់ដំបង​: បុរស​ម្នាក់ បាន​ស្លាប់​នៅនឹងកន្លែង​កើតហេតុ និង ២​នាក់​ទៀត រងរបួស​ធ្ងន់​ស្រាល ២​នាក់ ដោយសារ​រថយន្ត បុក​ជាមួយ​ម៉ូតូ ២ គ្រឿង​។ ហេតុការណ៍​នេះ បានកើត​ឡើង កាលពី​រសៀល​ថ្ងៃទី​១៩ ខែកុម្ភៈ ឆ្នាំ​២០២១ នៅ​ចំណុច​ភូមិ​បួរ ឃុំ​បួរ ស្រុក​ភ្នំព្រឹក ខេត្តបាត់ដំបង​។​

​លោក ហេង បារាំង អធិការនគរបាល ស្រុក​ភ្នំព្រឹក បាន​ឲ្យ​ដឹងថាៈ ជនរងគ្រោះ​ដល់​ស្លាប់ ជា​អ្នកបើក​ម៉ូតូ មានឈ្មោះ ភោគ បញ្ញា ភេទ​ប្រុស អាយុ ១៦ ឆ្នាំ មាន​លំនៅ នៅ​ភូមិ​ភ្នំ​ប្រាំពីរ ឃុំ​បួរ ស្រុក​ភ្នំព្រឹក ខេត្តបាត់ដំបង​។ ចំណែក​អ្នករបួសធ្ងន់ ឈ្មោះ ជា សុជាតិ ភេទ​ប្រុស អាយុ ១៦ ឆ្នាំ រស់នៅ​ភូមិ​ឃុំ​ជាមួយគ្នា (​អ្នករួមដំណើរ​របួស​ធ្ងន់​មិន​ពាក់មួក​សុវត្ថិភាព ទាំង​២​នាក់​)​។ រីឯ​អ្នក​របួសស្រាល ជា​អ្នកបើក​ម៉ូតូ​១​គ្រឿង​ទៀត ឈ្មោះ វ៉ាត ឧ​ត្ត​ម ភេទ​ប្រុស អាយុ ១៥ ឆ្នាំ រស់នៅ​ភូមិ​អូរ​ដា ឃុំ​បួរ ស្រុក​ភ្នំព្រឹក ។ ដោយឡែក អ្នកបើកបរ​រថយន្ត មានឈ្មោះ ងិន ប្រុស ភេទ​ប្រុស អាយុ ២២ ឆ្នាំ រស់នៅ​ភូមិ​ថ្លុក​សង្កែ ឃុំ​សេរី​មានជ័យ ស្រុក​សំពៅ​លូន ខេត្តបាត់ដំបង​។​

​សាក្សី បាន​ប្រាប់​សមត្ថកិច្ច ដែល​ចុះទៅ​វាស់វែង​ថា មុនពេល​កើតហេតុ មាន​រថយន្ត​១​គ្រឿង ម៉ាក​នីសា​ន់ ពណ៌​ទឹកប្រាក់ គ្មាន​ស្លាក​លេខ បើក​ចេញពី​ផ្លូវលំ​ឡើង មក​ផ្លូវជាតិ​មិន​ប្រុង ប្រយ័ត្ន ក៍​ទៅបុក​ម៉ូតូ ២ គ្រឿង ដែល​ជិះ​មកពី​ទិស​ខាងជើង ទៅខាង​ត្បូង ។ ក្នុងនោះ​ម៉ូតូ ១​គ្រឿង ម៉ាក​ហុងដា ឌ្រី​ម ពណ៌​ខ្មៅ សេរី​២០២០ ពាក់​ស្លាក​លេខ បាត់ដំបង 1AM 5877 ជិះ​គ្នា ២​នាក់ បណ្តាល​ឲ្យ​ម្នាក់ ស្លាប់​នៅនឹងកន្លែង និង​អ្នករួមដំណើរ របួសធ្ងន់ និង​ម៉ូតូ​១ គ្រឿង​ទៀត ជិះ​ម្នាក់ឯង ម៉ាក​ហុងដា ឌ្រី​ម ពណ៌​ខ្មៅ សេរី​២០២១ ពាក់​ស្លាក​លេខ បាត់ដំបង 1AM 5890 ( របួសស្រាល មិន​ពាក់មួក​សុ​វត្តិភាព​)​។​

​លោក​អធិការ បាន​បន្តថាៈ អ្នករបួស​ទាំង ២​នាក់ ត្រូវ​បញ្ជូនទៅ​មន្ទីរពេទ្យបង្អែក ស្រុក សំពៅ​លូន​។ ចំណែក​អ្នកស្លាប់ ប្រគល់​ឲ្យ​ក្រុមគ្រួសារ យកទៅ​ធ្វើបុណ្យ តាម​ប្រពៃណី​។ រីឯ​អ្នកបើករថយន្ត​បង្ក និង​មធ្យោបាយ​ទាំងបី​គ្រឿង ត្រូវ​បញ្ជូនទៅ​ការិយាល័យ ចរាចរណ៍​ផ្លូវគោក​ខេត្ត ចាត់ការ​តា​ច្បាប់​៕/V-PC

រថយន្តបុក​ម៉ូតូ​២​គ្រឿង​ស្លាប់​ម្នាក់​របួសធ្ងន់​ស្រាល​២​នាក់​

រថយន្តបុក​ម៉ូតូ​២​គ្រឿង​ស្លាប់​ម្នាក់​របួសធ្ងន់​ស្រាល​២​នាក់​

ទីតាំងផ្សាយពាណិជ្ជកម្ម

- Advertisment -

Most Popular