Home ព័ត៌មានជាតិ សន្តិសុខ ម៉ូតូ​បុក​ម៉ូ...

ម៉ូតូ​បុក​ម៉ូតូ ពេញទំហឹង បណ្តាល​ឲ្យ​បុរស​ម្នាក់​ស្លាប់ និង​បុរស​ម្នាក់ទៀត រងរបួស​

ដោយៈ ស​រិ​ទ្ធ / ស្វាយរៀងៈ បុរស​ជា​សន្តិសុខ​ឯកជន​ម្នាក់ បាន​ស្លាប់ និង​ម្នាក់ទៀត រងរបួស​ធ្ងន់ ដោយសារ​ម៉ូតូ​បុក​ម៉ូតូ ពេញទំហឹង កាលពី​វេលា​ម៉ោង ៩​និង​៥០​នាទី យប់​ថ្ងៃទី​១៩ ខែកុម្ភៈ ឆ្នាំ​២០២១ នៅលើ​ផ្លូវជាតិ​លេខ​១ ចន្លោះ​គីឡូម៉ែត្រ​លេខ ១៣៩ និង ១៤០ ស្ថិតក្នុង​ភូមិ​លៀប ឃុំ​កណ្តៀង​រាយ ស្រុក​ស្វាយទាប ខេត្តស្វាយរៀង​។​

​សមត្ថកិច្ច បានអោយដឹងថាៈ បុរស​ដែល​ស្លាប់មាន ឈ្មោះ កូវ រិទ្ធី អាយុ ៣២ ឆ្នាំ មុខរបរ សន្តិសុខ រស់នៅ​ភូមិ​អង្គ​ស្វាយ ឃុំ​ប្រសូត្រ ស្រុក​ស្វាយទាប ខេត្តស្វាយរៀង ជិះ​ម៉ូតូ ម៉ាក​ហុងដា ឌ្រី​ម ស៊េរី​ឆ្នាំ​២០១៧ ពណ៌​ខ្មៅ ស្លាក​លេខ កណ្តាល 1V 6472 ខូចខាត យ៉ាងដំណំ​។ ចំណែក​ភាគី​បង្កហេតុ​មានឈ្មោះ ប៉ាង វាសនា អាយុ​២៥​ឆ្នាំ មុខរបរ​កម្មករ រស់នៅ​ភូមិ​ទួល​អង្គប់ ឃុំ​សំបួរ ស្រុក​ស្វាយទាប ខេត្តស្វាយរៀង ជិះ​ម៉ូតូ​មួយគ្រឿង ម៉ាក​ហុងដា ឌ្រី​ម ស៊េរី​ឆ្នាំ​២០១៩ ពណ៌​ខ្មៅ ពាក់​ផ្លាកលេខ ស្វាយរៀង 1N-2523 ។​

​អ្នកភូមិ បានអោយដឹងថាៈ មុន​កើតហេតុ មាន​បុរស​ម្នាក់ បាន​ជិះ​ម៉ូតូ​មួយគ្រឿង ម៉ាក ហុងដា ឌ្រី​ម ស៊េរី​ឆ្នាំ​២០១៩ ពណ៌​ខ្មៅ ពាក់​ផ្លាកលេខ ស្វាយរៀង 1N-2523 នៅលើ​ផ្លូវជាតិ​លេខ​១ ក្នុងទិសដៅ​ពី​ខាងកើត ទៅខាង​លិច មិន​ប្រកាន់​ស្ដាំ ស្រាប់តែ​ទៅបុក​ម៉ូតូ​ម៉ាក​ហុងដា ឌ្រី​ម ស៊េរី​ឆ្នាំ​២០១៧ ពណ៌​ខ្មៅ ស្លាក​លេខ កណ្តាល 1V 6472 ជិះ​ម្នាក់ឯង​យ៉ាង​ពេញទំហឹង បង្ក​ការភ្ញាក់ផ្អើល ដល់​អ្នកភូមិ​ទាំងយប់​។​

​ក្រោយ​កើតហេតុ អ្នករងរបួស​ធ្ងន់ ត្រូវបាន​សមត្ថកិច្ច បញ្ចូនទៅ​ព្យាបាល​នៅ​មន្ទីរពេទ្យ បង្អែក ស្រុក​ស្វាយទាប​។ ចំណែក​សាកសព បាន​ប្រគល់ឱ្យ​ក្រុមគ្រួសារ យកទៅ​ធ្វើបុណ្យ តាម​ប្រពៃណី​។ រីឯ​មធ្យោបាយ ធ្វើដំណើរ​ម៉ូតូ​ទាំងពីរ​គ្រឿង សមត្ថកិច្ច​វាស់វែង និង​អូស យកមក​រក្សាទុក នៅ​អធិការដ្ឋាន​នគរបាល ស្រុក​ស្វាយទាប ដើម្បី​ដោះស្រាយ ពេល​ក្រោយ​តាមច្បាប់​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular