Home ព័ត៌មានអន្តរជាតិ អាម៉េរិក​អំពា...

អាម៉េរិក​អំពាវនាវ​អោយ​យោធា​មី​យ៉ាន់​ម៉ា​ប្រគល់​អំណាច ក្រោយ​អ្នកប្រឆាំង​តវ៉ា​ម្នាក់​ស្លាប់​

​ប្រែ​សម្រួលៈ​វាសនា​៖​រដ្ឋាភិបាល​ក្រុង​វ៉ាស៊ីនតោន​បាន​អំពាវនាវ​អោយ​មេដឹកនាំ​យោធា​មី​យ៉ាន់​ម៉ា​អត់ធ្មត់​កុំ​ប្រើ​អំពើហិង្សា​និង​បោះបង់​អំណាច ក្រោយ​ការស្លាប់​អ្នក​ប្រឆាំង​តវ៉ា​វ័យក្មេង​ម្នាក់ ដែល​កំពុង​បង្ក​​ជា​កំហឹង​ប្រឆាំង​របប​សឹក​នស​ប្រទេស​នេះ​។​

​ភាគច្រើន​នៃ​ប្រទេស​មី​យ៉ាន់​ម៉ា​បាន​ផ្ទុះ​ការតវ៉ា​ប្រឆាំង​រដ្ឋប្រហារ ចាប់តាំងពី​ពួក​ឧត្តមសេនីយ៍​ដណ្តើម​អំ​ណាច​ពី​រដ្ឋាភិបាល​ជាប់​ឆ្នោត​របស់​លោកស្រី​អ៊ុង​សាន ស៊ូ​ជី កាលពី​ថ្ងៃ​០១​កុម្ភៈ​។​កងកម្លាំង​សន្តិសុខ​​បាន​ឆ្លើយតប ជាមួយ​នឹង​ការបង្កើន​កម្លាំង ពង្រាយ​ទ័ព​ទប់ទល់​នឹង​បាតុកម្ម​អហិង្សា បាញ់​ឧស្ម័ន​បាញ់​ទឹក និង​ថែម​ទាំង​បាញ់កាំភ្លើង​លើ​អ្នក​ប្រឆាំង​តវ៉ា​ថែម​ទៀត​។​

​ការ​ថ្កោលទោស​អំពើហិង្សា​ខ្លាំង​ជាង​គេ​ចេញពី​អាម៉េរិក​ដោយ​រដ្ឋមន្ត្រី​ការបរទេស អ៊ែន​ថូ​នី ប្លិង​កិន បាន​ពិភាក្សា​ជាមួយ​ប្រទេស​សម្ពន្ធមិត្ត​នៅ​ប៉ុន្មាន​ថ្ងៃ​មកនេះ ដើម្បី​មាន​ចម្លើយ​តប​អន្តរជាតិ​ដ៏​មាំ​ទាំ​​មួយ​។​

​អ្នកនាំពាក្យ​ក្រសួងការបរទេស​អាម៉េរិក​បាន​និយាយថា​«​យើង​សូម​អំពាវនាវ​សាជាថ្មី​អោយ​យោធា​មី​យ៉ាន់​ម៉ា​អត់ធ្មត់​កុំ​ប្រើ​អំពើហិង្សា​លើ​អ្នក​ប្រឆាំង​តវ៉ា​ដោយ​សន្តិវិធី​។​យើង​នឹង​ធ្វើការ​ជាមួយ​ដៃគូ​និង​សម្ពន្ធមិត្ត​ដើម្បី​គាបសង្កត់​យោធា​មី​យ៉ាន់​ម៉ា​អោយ​ដូរ​ចំណាត់ការ​របស់​ខ្លួន​»​។​

​វេជ្ជបណ្ឌិត​ម្នាក់​នៅ​ក្រុង​ណៃពី​ដោ​រ កាលពី​ថ្ងៃ​សុក្រ​បានបញ្ជាក់​អះអាង​ការស្លាប់​មនុស្ស​ម្នាក់​លើក​ដំបូង​ក្រោយ​រងរបួស​ក្នុងអំឡុង​តវ៉ា​ប្រឆាំង​យោធា​កាលពី​សប្តាហ៍​មុន​។​និស្សិត មី​យ៉ា ថ្វាត ថ្វាត ឃាំង អាយុ​២០​ឆ្នាំ ត្រូវ​បាន​បាញ់​ចំ​ក្បាល​ក្នុងអំឡុងពេល​តវ៉ា​ប្រឆាំង​នៅ​ក្រុង​ណៃ​ពីដោរ​កាលពី​សប្តាហ៍​មុន​។​

​សូមបញ្ជាក់​ថា មនុស្ស​ជិត​៥៥០​នាក់​ហើយ​ត្រូវបាន​ចាប់ខ្លួន​ក្រោយ​រដ្ឋប្រហារ​នៅ​មី​យ៉ាន់​ម៉ា​។​ក្នុងចំណោម​អ្នក​ចាប់ខ្លួន​ចុងក្រោយ​រួម​មាន​កម្មករ​ផ្លូវដែក បុគ្គលិក​រដ្ឋការ​ស៊ីវិល​និង​បុគ្គលិក​ធនាគារ​ដែល​​ធ្វើ​កូដកម្ម​ការងារ ដើម្បី​ប្រឆាំង​រដ្ឋប្រហារ​៕

​និស្សិត មី​យ៉ា ថ្វាត ថ្វាត ឃាំង បាន​ក្លាយជា​និម្មិត​រូប​នៃ​ការតស៊ូ​ប្រឆាំង​ភាព​ផ្តាច់ការ​នៅ​មី​យ៉ាន់​ម៉ា

ទីតាំងផ្សាយពាណិជ្ជកម្ម

Previous articleឆ្នាំ២០២០កន្លងទៅ ទំហំពាណិជ្ជកម្មកម្ពុជា-រុស្សី មានចំនួន៦៣,៨១លានដុល្លារអាម៉េរិក កើនឡើង១៥ភាគរយ បើប្រៀបធៀបនឹងឆ្នាំ២០១៩ មាន៥៥.៣៦លានដុល្លារ។ នេះបើយោងតាមទិន្ន័យរបស់ក្រសួងពាណិជ្ជកម្មកម្ពុជា ក្នុងកិច្ចប្រជុំអន្តរក្រសួង-ស្ថាប័ន ត្រៀមរៀបចំកិច្ចប្រជុំលើកទី២ នៃក្រុមការងារជាន់ខ្ពស់ ដើម្បីជំរុញគម្រោងវិនិយោគអាទិភាពរួមកម្ពុជា-រុស្ស៊ី៕
Next articleរដ្ឋាភិបាល​ក្រុង​វ៉ាស៊ីនតោន​បាន​អំពាវនាវ​អោយ​មេដឹកនាំ​យោធា​មី​យ៉ាន់​ម៉ា​អត់ធ្មត់​កុំ​ប្រើ​អំពើហិង្សា​និង​បោះបង់​អំណាច ក្រោយ​ការស្លាប់​អ្នក​ប្រឆាំង​តវ៉ា​វ័យក្មេង​ម្នាក់ ដែល​កំពុង​បង្ក​​ជា​កំហឹង​ប្រឆាំង​របប​សឹក​នស​ប្រទេស​នេះ​។​ ​
- Advertisment -

Most Popular