Home ព័ត៌មានសំខាន់ៗ សារ​ពិសេស​របស...

សារ​ពិសេស​របស់​សម្ដេច​តេ​ជោ​ហ៊ុនសែន​ទៅកាន់​ជនរួមជាតិ​ពាក់ព័ន្ធ​នឹង​ព្រឹត្តិការណ៍​សហគមន៍ ២០ កុម្ភៈ

ដោយ​៖​តារា​រិ​ទ្ធ​/​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជានាចក្រ​កម្ពុជា​បានចេញ​បទបញ្ជា​និង​អំពាវនាវ​ទៅកាន់​រួម​ជាតិ​អំពី​ការផ្ទុះ​ឡើង នៃ​ការឆ្លង​រាលដាល​នៃ​កូ​វីដ​១៩ជា​សហគមន៍​ថ្មី​ទៀត​ដែល​បាន​កើតឡើង​កាលពី​ថ្ងៃទី ១៩​ខែកុម្ភៈ​ដែល​បាន​បង្ក​ឲ្យ​មនុស្ស​ចំនួន​៣២​នាក់​បាន​ឆ្លង​កូ​វីដ​១៩តែ​ក្នុង​រយៈពេល ប្រមាណ​ជាង ១០​ម៉ោង​តែប៉ុណ្ណោះ ។ អ្នក​ដែល​ឆ្លង​កុ​វីដ​១៩​នេះ​គឺជា​ជនជាតិ​ចិន​ដែល​ប្រភព​ត្រូវ​បានដឹងថា​ឆ្លង​ចេញពី​អ្នក​ដែល​ទៅ​កំសាន្ត​នៅ​ក្លឹប N8 ដែលមាន​ទីតាំងនៅ ក្នុង​សង្កាត់​ទួល​ស្វាយព្រៃ​ទី​២ ខណ្ឌ​បឹង​កេងកង​រាជធានី​ភ្នំពេញ ។សម្តេច​តេ​ជោ ហ៊ុន សែន បាន​ហៅ​ការឆ្លង​នេះ​ថា​ជា​ព្រឹត្តិការណ៍​សហគមន៍​«២០​កុម្ភៈ​»​ដោយ​សម្តេច​ចាត់ ទុកជា​ស្ថានភាព​ដ៏​អាក្រក់​សម្រាប់​កម្ពុជា​ក្នុងពេលដែល​កម្ពុជា​កំពុងតែធ្វើការ​ប្រយុទ្ធប្រឆាំង​ជាមួយនឹង​កូ​វីដ​១៩ ដែល​នាំចូល​ពី​ប្រទេស​ថៃ​និង​ការរីក​រាលដាល​ពី​វៀតណាម ។ តែ​ទោះបីយ៉ាងណា​សម្តេច​សង្ឃឹម​ថា​ព្រឹត្តិការណ៍​២០​កុម្ភៈ អាច​នឹងត្រូវ​បិទ​បញ្ចប់​បាន​ក្នុង​រយៈពេល​មិន​លើសពី​មួយខែ​ទេ​ព្រោះ​អាជ្ញាធរ​បាន​គ្រប់គ្រង​សភាពការណ៍​បាន​ទាន់ ពេលវេលា ។​

​ខាងក្រោម​គឺជា​ប្រសាសន៍​ទាំងស្រុង​របស់​សម្តេច​តេ​ជោ ហ៊ុន សែន ដែល​កត់ត្រា​មិន​ផ្លូវការ​ដោយ​រស្មី​កម្ពុជា​៖

​ខ្ញុំព្រះករុណាខ្ញុំ​សូម​ក្រាបថ្វាយបង្គំ ព្រះ​ថេរៈ​នុ​ថេរៈ​ទាំងពីរ​ព្រះអង្គ ជនរួមជាតិ​ជាទី​ស្រា​ឡាញ់ ថ្ងៃនេះ​ខ្ញុំ​មាន​កិច្ចការ​បន្ទាន់​ប្រកាសជូន​ជនរួមជាតិ​នៅ​ទូទាំងប្រទេស​ជាពិសេស នៅ​រាជធានី​ភ្នំពេញ​តែម្ដង​មុននេះ​បន្តិច​ខ្ញុំ​មាន​កិច្ចប្រជុំ​ពិសេស​មួយ​របស់​មន្ត្រី​ថ្នាក់ដឹកនាំ​ដែលជា​ប់​ពាក់ព័ន្ធ​ទៅនឹង​ការប្រយុទ្ធប្រឆាំង​ជាមួយនឹង​កូ​វីដ​19​។ ឥឡូវ​សភាពការណ៍ បាន​ឈានដល់​ដំណាក់កាល​ថ្មី​មួយ ដែល​ខ្ញុំព្រះករុណាខ្ញុំ​ក៏ដូចជា​មន្ត្រី​ពាក់ព័ន្ធ​បានធ្វើការ​សន្និដ្ឋាន​ច្បាស់​ថា នេះ​គឺជា​ការឆ្លង​ជា​សហគមន៍​សហគមន៍​លើក​ទី​៣​បន្ទាប់ពី​សហ គម​ន៍​៣ វិច្ឆិកា​ការដែល​ផ្ដើម​ដោយ​រដ្ឋមន្ត្រីការបរទេស​ហុង​គ្រី​បន្ទាប់​ទៅ​ព្រឹត្តិការណ៍ ២៨ វិច្ឆិកា និង​ថ្ងៃនេះ​ខ្ញុំ​បាន​ប្រសិទ្ធ​នាម​ថា​ជា​ព្រឹត្តិការណ៍​ស្គម​ន៍ ២០ កុម្ភៈ​ពិតមែន​ដែល ព្រឹត្តិការណ៍​នេះ​វា​បានចាប់ផ្ដើម​ពីថ្ងៃ​ទី ១៨ និង ១៩ កុម្ភៈ ប៉ុន្តែ​ដោយសារតែ​វិធានការ​ប្រកាន់យក​និង​ការប្រជុំ​បន្ទាន់​នេះ​ធ្វើ​នៅ​ថ្ងៃទី ២០ កុម្ភៈ ខ្ញុំ​ព្រះ​កា​រណា​ខ្ញុំ​សម្រេច​ដាក់ ឈ្មោះថា​ព្រឹត្តិការណ៍​សហគមន៍ ២០ កុម្ភៈ ។ ការចាប់ផ្តើម​របស់​យើង​សូមបញ្ជាក់​ជូន​ថា​ត្រឹមតែ​ជាង ១០ ម៉ោង​ប៉ុណ្ណោះ​យើង​បាន​រកឃើញ​ការឆ្លង​សហគមន៍​ជា​ទ្រង់ទ្រាយ ធំ​មាន​រហូតដល់ ៣២ ករណី​ដែល​នេះ​ជា​ករណី​មិន​ធ្លាប់មាន​នៅក្នុង​ប្រទេសរ​បស់​យើង​នោះទេ​ឥឡូវ​វិទ្យាស្ថាន​ប៉ាស្ទ័រ​ក៏ដូចជា​អង្គភាព​ដែល​ត្រូវធ្វើ​សំណាក់​នៅ​មជ្ឈមណ្ឌល សុខភាព​សាធារណៈ​កំពុងតែ​ដំណើរការ​ធ្វើតេស្ត​ជា​បន្តទៀត​។​រឿងរ៉ាវ​ចាប់ផ្ដើម​ពី​មិនមែន​ជាការ​លាក់បាំង​ទេ ដែល​បងប្អូន​យើង​បាន​ទៅសុំ​ធ្វើតេស្ត​ធ្វើដំណើរ​ទៅ​ក្រៅប្រទេស តែ​គាត់​ជួន​នៅពេលនោះ​យើង​ក៏បាន​រកឃើញ​អ្នក​ដែល​សុំ​ការបញ្ជាក់​ពី​ក្រសួងសុខាភិបាល​កម្ពុជា​គឺមាន​វិជ្ជមាន​តែម្ដង​។​ការចាប់ផ្ដើម​សង្ស័យ​កាលពី​ម្សិលមិញ​នេះហើយ​យប់មិញ​នេះ​យើង​បានធ្វើ​តេស្ត​ទៅ​យប់​ឃើញ​មាន​មាន ២៨​ករណី​,​ប៉ុន្តែ​អម្បាញ់មិញ​នេះ​យើង​បាន​រកឃើញ ៤ ករណី​ផ្សេងទៀត​ដូច្នេះ​មិនដឹង​ការវិវត្ត​នេះ​វា​ទៅដល់​ណា​។​ចំណុច ចេញដំណើរ​គេ​អាច​ដឹងបាន​ថា​ចេញពី​ក្លឹប​N8 ដែល​ខ្ញុំព្រះករុណា​សុំ​មិន​បញ្ជាក់ថា​នៅ​ទីកន្លែង​ណា​ទេ​,​នេះ​ជា​ស្ថានភាព​ដ៏​អាក្រក់​សម្រាប់​យើង​ក្នុងពេលដែល​យើង​កំពុងតែ​ធ្វើ ការប្រយុទ្ធប្រឆាំង​ជាមួយនឹង​កូ​វីដ​១៩ ដែល​នាំចូល​ពី​ប្រជា​រាជាណាចក្រ​ថៃ​និង​ការរីក​រាលដាល​ពី​សាធារណ​រដ្ឋ​សង្គមនិយម​វៀតណាម ។ នៅតាម​ព្រំដែន​កម្ពុជា​ថៃ​នៅតាម ព្រំដែន​កម្ពុជា​វៀតណាម​យើង​ធ្វើ​បានល្អ ហើយ​ប៉ុន្មាន​ថ្ងៃនេះ​យើង​ក៏បាន​ចាប់​មេខ្យល់​ដែល​រកស៊ី​រត់ពន្ធ​មនុស្ស​និង​នាំ​មនុស្ស​ឆ្លងដែន​បាន​ចំនួន ៣១ នាក់ យើង​នឹង​បន្ត​ចាប់ ខ្លួន​ជន​ណាក៏ដោយ​ដែល​ចូលរួម​សកម្មភាព​នាំ​មនុស្ស​ឆ្លងដែន​ខុសច្បាប់​ទាំង​ឆ្លងទៅ​និង​ឆ្លង​មកជា​បន្ត​ទៀតហើយ​នេះ​ជា​បទបញ្ជា​ដ៏​មឺ​ង​ម៉ាត់​,​ដែល​ពេលនេះ​កិច្ចប្រជុំ​នៅទីនេះ​មាន​អគ្គមេបញ្ជាការ​កងទ័ព​,​មាន​អគ្គស្នងការ​នគរបាល​ជាតិ​នឹងមាន​ផ្នែក​ពាក់ព័ន្ធ​ដែល​ចូលរួម​នៅទីនេះ​ផងដែរ​។​ទន្ទឹម​និង​ការខិតខំ​របស់​យើង​ក្នុងការ​ទប់ស្កាត់​តាម​ព្រំដែន​កម្ពុជា​ថៃ​នៅ​ព្រំដែន​កម្ពុជា​វៀតណាម​ហើយ​ដែល​នៅ​ប៉ុន្មាន​ថ្ងៃនេះ​មិនមាន​ការឆ្លង​សម្រាប់​អ្នកធ្វើ​ចិ​ត្តា​ឡី​ស័ក​នៅតាម​ព្រំដែន​កម្ពុជា​ថៃ​ជាង​ម៉ឺន​នាក់​នោះទេ​។ ប៉ុន្តែ​អកុសល ការឆ្លង​ក្នុង​សហគមន៍​នៅ​ទីក្រុង​ភ្នំពេញ​បានចាប់ផ្ដើម ជាមួយនឹង​ចំនួន​ដែល​យើង​ទើបបាន​ពិនិត្យ​រហូតដល់ ៣២ ករណី​រួចស្រេច​ទៅហើយ​ក្នុង​សភាព​បែបនេះ​ខ្ញុំព្រះករុណា សុំ​ចេញ​បទបញ្ជា​ក៏ដូចជា​អំពាវនាវ​ចំពោះ​បងប្អូន​ជនរួមជាតិ​របស់​យើង​មាន​មួយចំនួន​ដូច​ត​៖

.​ទីមួយ​.​សុំ​ការយោគយល់​អំពី​ធុរកិច្ច​ក៏ដូចជា​ការ​ស្នាក់នៅ​រប​ស់​ប្រជាពលរដ្ឋ​ដោយ​តម្រូវ​ឲ្យ​យើង​បិទ​អាគារ​បិទ​ក្លឹប​កំសាន្ត​និង​បិទ​តំបន់​មួយចំនួន​ជា​ចាំបាច់​ហើយ​ដែល​អភិបាល​រាជធានី​ភ្នំពេញ​បានធ្វើ​ការបិទ​តាំងពី​យប់​ម៉ោង​២​នៅ​តំបន់​ខ្លះ​រួចទៅហើយ​ហើយនឹង​បន្ត​ឃុំគ្រង​នៅ​តំបន់​នេះ​តទៅទៀត​ហើយ​អ្នក​នៅក្នុង​តំបន់​នោះ​គឺអាច​មាន​ផលប៉ះពាល់​តែ​យើង​គ្មាន​ជម្រើស​ទេ​ក្រៅតែពី​ការបិទ មាន​ទាំង​ក្លឹប​កំសាន្ត​ដូចជា​ក្លឹប N8 ដែលជា​ក្លឹប​កំសាន្ត បិទ​អាគា​ស្នាក់នៅ និង បិទ​តំបន់​ខ្លះ​ដែលមាន​ផ្ទះ​ច្រើន​មាន​ហានិភ័យ ខ្ពស់​នៃ​ការឆ្លង​រីក​រាលដាល​ពី​តំបន់​នោះ​គឺ​ត្រូវ​បិទ​ជា​បណ្ដោះអាសន្ន​។​មនុស្ស​នៅក្នុង​តំបន់​នោះ​មិនត្រូវ​អនុញ្ញាត​ឲ្យ​មាន​ការចូល​ប៉ុន្តែ​បើ​មនុស្ស​នោះ​ជា​ម្ចាស់​យើង​អនុញ្ញាត​ឲ្យ ចូល​តែ​យើង​មិន​អនុញ្ញាត​ឲ្យ​ចេញមក​វិញ​ទេ​។​គាត់​មានផ្ទះ​នៅក្នុង​នោះ​គឺ​អនុញ្ញាតឱ្យ​គាត់​ចូល​ប៉ុន្តែ​មិនអាច​ឲ្យ​គាត់​ចេញមក​វិញ​បានទេ​នេះ​ជា​វិធានការ​មួយ​ដែល​ត្រូវ​ប្រកាន់ យក​ដើម្បី​ជៀសវាង​ការរីក​រាលដាល​នៃ​កូ​វីដ​១៩ ដែល​ឆ្លង​ជា​សហគមន៍​នាទី​ក្រុងភ្នំពេញ​ដែល​ខ្ញុំព្រះករុណា​ហៅថា​គឺ​ការឆ្លង​សហគមន៍ ២០ កុម្ភៈ ។​

.​ទី​ពីរ​.​ត្រូវយក​សំណាក់​ដើម្បី​ធ្វើតេស្ត​សម្រាប់​អ្នក​នៅក្នុង​តំបន់​ទាំងនេះ បន្ទាប់ពី​ធ្វើតេស្ត​ហើយ​ត្រូវតែ​ធ្វើ​ច​ត្តា​ឡី​ស័ក​១៤ ថ្ងៃ​ដើម្បី​រងចាំ​ការធ្វើ​តេស្ដ​លើក​ទី​២​ដូច្នេះ​ចំនួន​នៃ​ការ ធ្វើតេស្ត​អាចមាន​ចំនួន​ច្រើន​សូម្បីតែ​យប់មិញ​នេះ​ខ្ញុំ​បានស្នើ​ឲ្យ​វិទ្យាស្ថាន​ប៉ាស្ទ័រ​ក៏ដូចជា​មជ្ឈមណ្ឌល​សុខភាព​សាធារណៈ​ធ្វើការ​ទាំងយប់​ដូច​ច្នេះ​យើង​ត្រូ​ធ្វើ​ដោយមាន​ល្បឿន​លឿន​ហើយ​សូមឱ្យ​បងប្អូន​ដែល​រស់នៅក្នុង​តំបន់​ដែល​បាន​បិទ​នេះ​ធ្វើការ​សហការ​ដើម្បី​ឲ្យ​ក្រុម​គ្រួ​ពេទ្យ​ចូល​ទៅយក​សំណាប​ដើម្បី​ធ្វើតេស្ត​ហើយ​បន្ទាប់ពី​ការ​ហើយ​ត្រូវតែ​ឃើញ​ច​ត្តា​ឡី​ស័ក​រយៈពេល ១៤​ថ្ងៃ​ដើម្បី​ធ្វើតេស្ត​លើក​ទី ២ ។

​ទី​៣.​ស្វែងរក​អ្នកពាក់ព័ន្ធ​ជាមួយ​ក្លឹប N8 និង​អ្នកពាក់ព័ន្ធ​ដែលជា​ភារកិច្ច​របស់​អាជ្ញាធរ ដែល​ថ្ងៃនេះ​ក៏មាន​រដ្ឋមន្ត្រីក្រសួង​ប្រៃសណីយ៍​និង​ផ្នែក​ពាក់ព័ន្ធ​ការស្រាវជ្រាវ​មក​ទីនេះ ផងដែរ ដើម្បី​ស្រាវជ្រាវ​រក​ឲ្យ​ឃើញថា​ពួកគេ​បាន​ទៅដល់​ទីណា​ខ្លះ តើ​អ្នកពាក់ព័ន្ធ​ក្លឹប N8 នេះ​ទៅដល់​ទីណា​ខ្លះ ត្រូវ​ស្រាវជ្រាវ​រក​ឲ្យ​ឃើញ ទៅដល់​ទីណា​ស្រាវជ្រាវ​ទៅដល់ ទីនោះ បណ្តា​ខេត្ត​បើទោះបី​មិន​ទាំ​ន់​ទៅដល់​ទីនោះ​ក៏ត្រូវ​តែមាន​ការប្រុងប្រយ័ត្ន ព្រោះ​ជាធម្មតា​ការឆ្លង​បែបនេះ​តែងតែ​រាលដាល​ទៅគ្រប់​ខេត្ត ដែល​ការឆ្លង​រាលដាល​ពេល មុន ៣ វិច្ឆិកា បាន​រាលដាល​ដល់​ទៅ ១០ ខេត្ត​រាជធានី​,២៨ វិច្ឆិកា ទាក់ទង​២០ ខេត្ត​រាជធានី​ដើម្បី​រក​អ្នកពាក់ព័ន្ធ N8 និង​អ្នកពាក់ព័ន្ធ​និង​អ្នក​ឆ្លង​កូ​វីដ​១៩ ទាំង​អ្នកពាក់ព័ន្ធ ក្លឹប N8 ខុន​ដូ​ចំនួន​២ និង​តំបន់​ដែល​ត្រូវ​បិទ ។​

.​ទី​៤.​ត្រូវធ្វើ​ច​ត្តា​ឡី​ស័ក​ចំពោះ​អ្នកពាក់ព័ន្ធ​ទាំងអស់ រាប់ទាំង​អ្នកធ្វើ​តេស្ត​នៅតាម​ផ្ទះសំណាក់ ស្វែងរក​អ្ន​ជិះ​តាក់ស៊ី​ជាមួយ រាប់ទាំង​អ្នកបើក​តាក់ស៊ី ។ ក្រុមគ្រូពេទ្យ​ត្រូវខិតខំ យក​សំណាក​អ្នកពាក់ព័ន្ធ​ទាំងអស់​។​ការលំបាក​របស់​យើង​គឺ​ដើម្បី​សេចក្តីសុខ​របស់​ប្រជាជន​ចំពោះ​ការធ្វើ​ច​ត្តា​ឡី​ស័ក​អ្នក​ដែល​រស់នៅ​ខុន​ដូ​និង​ផ្ទះ​ត្រូវធ្វើ​ទៅតាម​ទីកន្លែង​រៀងៗ​ខ្លួន​ហើយ​អាជ្ញាធរ​ត្រូវ​ទទួលខុសត្រូវ​ទៅលើ​ការចេញចូល​របស់​អ្នកធ្វើ​ច​ត្តា​ឡី​ស័ក​,​សុំ​កុំ​បណ្ដោយឱ្យ​ដូច​កើតឡើង​ប៉ុន្មាន​ថ្ងៃមុន​ដែលមាន​ស្ត្រី​បួន​នាក់​បាន​លួច​ចេញពី​សណ្ឋាគារ​ធ្វើ​ច​ត្តា​ឡី​ស័ក​មក​កម្សាន្ត​នៅ​ក្លឹប​រាត្រី​រួចហើយ​ទើប​ចូល​ត្រឡប់​ទៅវិញ ហើយ​ស្ត្រី​២​ក្នុងចំណោម​ស្ត្រី ៤ នាក់​ដែល​លួច​ចេញពី​សណ្ឋាគារ​នោះបាន​រកឃើញថា​មាន​វិ​ជ្ជ មាន​ពីរ​នាក់ ហើយ​ខ្ញុំ​ជឿជាក់ថា​ពីរ​នាក់​ទៀត​ក៏​នឹង​កើត​ដូចគ្នា​ដែរ ,​ដោយសារតែ​សន្តិសុខ​សណ្ឋាគារ​ជា​អ្នក​ជន្លៀស​ស្ត្រី​ទាំង ៤​នាក់​នេះ​ឲ្យ​ចេញទៅ​ខាងក្រៅ ។ ឥឡូវនេះ​អនុ ក្រឹត្យ​ពាក់ព័ន្ធ​ជាមួយនឹង​ការធ្វើ​ច​ត្តា​ឡី​ស័ក​ចំពោះ​ការផាកពិន័យ​ត្រូវ​បានចេញ​រួចហើយ​សម្រាប់​កូ​វីដ​១៩​តែម្ដង​។ បន្ថែម​លើ​អនុក្រឹត្យ​ស្ដីពី​ការធ្វើ​ច​ត្តា​ឡី​ស័ក​ដែលមាន​ពី​ពេល មុន​គឺ​យើង​បានធ្វើ​វិសោធនកម្ម​មាត្រាមួយ​ពាក់ព័ន្ធ​នឹង​ការដាក់ទណ្ឌកម្ម​។ សម្រាប់​អ្នក​ដែល​មិនមាន​ផ្ទះសម្បែង​សាលាក្រុង​ត្រូវ​រៀបចំ​កន្លែង​ធ្វើ​ច​ត្តា​ឡី​ស័ក​ដើម្បី​បង្កលក្ខណៈ ឲ្យ​ពួកគាត់​បានទទួល​កន្លែង​ធ្វើ​ច​ត្តា​ឡី​ស័ក​បាន​ត្រឹមត្រូវ ។​

៥.​ខ្ញុំ​សូម​អំពាវនាវ​អ្នកពាក់ព័ន្ធ​ទាំងអស់​ដែលមាន​ការពាក់ព័ន្ធ​ជាមួយនឹង​ក្លឹប N8 នឹង​ពាក់ព័ន្ធ​ជាមួយ​អ្នកមាន​ឆ្លង​កូ​វីដ ១៩​កន្លងទៅនេះ ត្រូវ​ម្ចាស់ការ​មក​យក​សំណាក​ដើម្បី ពិនិត្យ​សូមបញ្ជាក់ថា​នេះ​ជាការ​អំពាវនាវ​ទន្ទឹម​នឹង​ការស្វែងរក​របស់​អាជ្ញា​ធរ ។ ក្នុងនាម​រាជ​រាយ​រដ្ឋាភិបាល​ខ្ញុំ​សុំ​អំពាវនាវ​អ្នក​ដែល​ជាប់​ពាក់ព័ន្ធ​នឹង​ក្លឹប​N8​ឬ​អ្នក​ដែលមាន​ពាក់ ព័ន្ធ​ជាមួយ​អ្នក​វិជ្ជមាន​កូ​វីដ​១៩ ចំនួន ៣២ នាក់​នេះ​ម្ចាស់ការ​មក​យក​សំណាក​ដើម្បី​ធ្វើការ​ពិនិត្យ ។​ព្រោះតែ​បន្តទៅទៀត​ជំងឺ​ខ្លួនឯង​ក៏មាន​និង​បន្ត​ចម្លង​ទៅ​កន្លែង​ដទៃទៀត កាន់តែ​ធំ​ទៅ​ធំ​ទៅ​ដែល​យើង​ត្រួតត្រា​លែង​បាន អញ្ចឹង​សុំ​ស្នើ​ឲ្យ​មានការ​យកចិត្តទុកដាក់​ចូលរួម​ពី​អ្នកពាក់ព័ន្ធ​ទាំងអស់​។​

៦.​សម្រាប់​ការអំពាវនាវ​ចំពោះ​ពលរដ្ឋ​ទូទៅ​នៅក្នុង​រាជធានី​ភ្នំពេញ​នឹង​ក៏​ដូច​តំបន់​ដទៃទៀត​ជាពិសេស​នៅ​រាជធានី​ភ្នំពេញ​ត្រូវ​បង្កើន​ការប្រុងប្រយ័ត្ន ហើយ​រឹតបន្តឹង​នៅក្នុង​ការ អនុវត្ត​វិធានការ ៣​ការពារ​នឹង​បី​កុំ​។ ៣ ការពារ​គឺ​ត្រូវតែ​ពាក់​ម៉ាស​នៅ​ទីធ្លា​សាធារណៈ​ទាំងអស់​ត្រូវ​ពាក់​ម៉ាស់​,​ត្រូវ​លាងដៃ​និង​សាប៊ូ​,​ត្រូវ​រក្សា​គម្លាត​សុវត្ថិភាព ១.៥​ម៉ែត្រ​យ៉ាង តិច​។​ខ្ញុំ​មិន​ចេញ​បញ្ជា​ដើម្បី​បិទ​នូវ​ការរៀប​មិន​គោលការណ៍​ឬ​កម្មវិធី​ផ្សេងៗ​ទេ​ក្នុងករណី​ដែល​ប្រជាពលរដ្ឋ​អនុវត្តតាម​ខ្ញុំ​មាន​លក្ខខណ្ឌ​ពេលនេះ​ខ្ញុំ​អំពាវនាវ​ឱ្យ​អនុវត្ត​នូវ​វិធាន ការ ៣ ការពារ​ពាក់​ម៉ាស​លាងដៃ​នឹង​រក្សា​គម្លាត​។​ធ្វើ​យ៉ាងនេះ​គឺ​យើង​បន្ត​រក្សា​នូវ​ផែនការ​របស់​យើង​ទៅមុខទៀត​បាន​និង​ម្ខាង​ទៀត​ការពារ​កុំឱ្យ​មានការ​ឆ្លង​ជំងឺ ។​ខ្ញុំ​ក៏​មិនទាន់ អំពាវនាវ​ឬ​ចេញ​បញ្ជា​ឲ្យ​ធ្វើ​ការបិទ​សាលារៀន​ទាំង​សាលា​រដ្ឋ​និង​សាលា​ឯកជន​នោះទេ​យើង​បានធ្វើការ​ត្រួតពិនិត្យ​និង​វាយតម្លៃ​ទៅលើ​ផលប៉ះពាល់​ដែល​វា​អាច​ឆ្លង​គឺ​ប្រហែលជា​យើង​អាច​ឃុំគ្រង​នូវ​តំបន់​មួយចំនួន​រួចស្រេច​ទៅហើយ​ដូច្នេះ​ត្រូវយក​វិធានការ​ចំណេញ​គឺ​ត្រូវ​ពាក់​ម៉ាស​គ្រប់​ទីសាធារណៈ​ទាំងអស់​,​រក្សា​គម្លាត​សុវត្ថិភាព​ប្រសិនបើ​មិនអាច​ធ្វើបាន​ខ្ញុំ​នឹង​នៅ​សេសសល់​ជំរើស​ណាមួយ​ដែល​ត្រូវ​រឹតបន្តឹង​បន្ថែម​ដូចជា​ការហាមឃាត់​មិន​ឲ្យ​មានការ​ជួបជុំ​,​ការ​កូនចៅ​ដូច​ធ្លាប់​បានធ្វើ​ក្នុង​រយៈពេល​មុន​។​ខ្ញុំ​សង្ឃឹមថា​បងប្អូន​ប្រជាពលរដ្ឋ​របស់​យើង​នឹង​បន្ត​ចូលរួម ៣ ការពារ​និង​៣​កុំ ។​

​នៅទីនេះ​ខ្ញុំ​នៅតែ​បញ្ជាក់ថា​សូម​ឲ្យ​ប្រជាពលរដ្ឋ​នៅ​ទីក្រុង​ភ្នំពេញ​មានការ​ប្រុងប្រយ័ត្ន​ហើយ​សូមបញ្ជាក់​បើ​គ្មាន​ការចាំបាច់​កុំ​ចេញពីផ្ទះ​ព្រោះ​ឥឡូវ​យើង​កំពុង​រាវរក​ពិតមែន​ហើយ​យើង​ដឹង​ចំណុច​ក្លឹប​n8​និង​កន្លែង​រស់នៅ​មួយចំនួន​ត្រូវបាន​បិទ​ហើយក៏​ប៉ុន្តែ​ចរាចរណ៍​មនុស្ស​ចេញពី​តំបន់​នោះ​តើ​ទៅ​កន្លែង​ណាខ្លះ​យើង​កំពុង​រុករក​ប្រសិនបើ​សម្រាក នៅផ្ទះ​បានជា​ការល្អ ដើម្បី​ជៀសវាង​ជាមួយនឹង​ហានិភ័យ​ណា​ដែល​វា​កើតឡើង​ដែល​យើង​ជៀសវាង​បានតែ​យើង​ជា​វា​មិនកើត ។ ខ្ញុំ​អង្វរក​សុំឱ្យ​អនុវត្ត​នូវ​វិធានការ​បី​ការពារ និង បី​កុំ ។​សូម្បី​អាទិត្យ​នេះ​ខ្ញុំ​ក៏មាន​កម្មវិធី​ដែល​ត្រូវ​រក្សាទុក​កម្មវិធី​មួយ​នៅ​ក្រសួងមហាផ្ទៃ​និង​ការសម្ពោធ​នៅ​សណ្ឋាគារ​ខ្ញុំ​មិន​លុបចោល​ទេ​។​ប៉ុន្តែ​វិធានការ​ត្រូវតែ​បាន​អនុវត្ត តាមរយៈ​ការដាក់​កម្រិត​គម្លាត​ព​១ ម៉ែត្រ​កន្លះ​ពីគ្នា​ឡើងទៅ​សន្និបាត​ក្រសួងមហាផ្ទៃ​មួយ​និង​សម្ពោធ​សណ្ឋាគារ​ចាប់ដៃ​ជាមួយ​អាមេរិក​នៅ​រាជធានី​ភ្នំពេញ ។​យើង​នឹង​ពិនិត្យ មើល​សកម្មភាព​បន្ត​ទៀតហើយ​ក្រសួងសុខាភិបាល​ត្រូវ​ជូនដំណឹង​ជា​បន្តបន្ទាប់​ដើម្បី​ប្រាក់​ឲ្យ​មហាជន​បានដឹង​ពី​ការវិវត្ត​ទៅដល់​ណា​ហើយ​។​ខ្ញុំ​ក៏​សូម​យក​ឱកាស​នេះ​អំពាវនាវ​ចំពោះ​ប្រជាពលរដ្ឋ​របស់​យើង​កុំ​ឲ្យ​មានការ​រើសអើង​ចំពោះ​អ្នករស់នៅ​ទីក្រុង​ភ្នំពេញ ។ លើក​នេះ​ដោយសារតែ​យប់មិញ​កើតឡើង​ទៅលើ​ជនជាតិ​ចិន​សូមកុំ​ឲ្យ​មានការ រើសអើង​ទៅលើ​ជនជាតិ​ចិន​ដូច​កាលពីដើមឆ្នាំ ២០២០​ដែល​ពេលនោះ​មានការ​រើសអើង​នៅក្នុង​ប្រទេស​ខ្លះ​ចំពោះ​ជនជាតិ​ចិន ។​ទាំង​ជនជាតិ​ចិន​ជនជាតិខ្មែរ​គឺ​វា​ចម្រុះ​គ្នា​។ ថ្វី​ត្បិត​ការចាប់ផ្ដើម​ពី​ស្ត្រី ៤ នាក់​នៅ​សណ្ឋាគារ​សុខា​ដែលជា​ជនជាតិ​ចិន​ហើយ​ស្ត្រី​ម្នាក់​ដែល​ចាប់ផ្ដើម​រកឃើញ​ដំបូង​ក្នុងពេល​សុំ​លិខិតបញ្ជាក់​នោះ​ក៏​ជនជាតិ​ចិន​ហើយ​អ្នក ឆ្លង​ទាំង​៣២​នាក់​នេះ​ក៏​ជា​ជន​ជាតិចិន​ទាំងអស់ ។ អញ្ចឹង​សូមកុំ​ឲ្យ​មានការ​រើសអើង​ទៅលើ​បញ្ហា​នេះ​វា​កើត​គ្រប់​តែ​ជាតិ​សាសន៍​ហ្នឹង​ឥឡូវ​ឥណ្ឌូនេស៊ី​មក ១០​ឆ្លង​ប្រហែល ជា ពាក់កណ្ដាល​ហើយ​ខ្មែរ​យើង​មកពី​អាមេរិក​សឹងតែ ២០ ភាគរយ​ដែល​ឆ្លង​កូ​វី​19 ,​ជនជាតិ​ណា​ក៏មាន​នៅក្នុង​ប្រទេស​កម្ពុ​ជា​ដែរ ។ អញ្ចឹង​សូមកុំ​ឲ្យ​មាន​ដែរ​មានការ​ប្រកា​ន់ទី ១​សម្រាប់​អ្នកទីក្រុង​ភ្នំពេញ​ទៅ​ជនបទ​មិន​ត្រូវបាន​ស្វាគមន៍​,​ហើយ​ទី​ពីរ​សំរាប់​ជនជាតិ​ចិន​ឲ្យ​តែ​ចិន​គឺ​ខ្លាច​ទាំងអស់​,​មុននេះ​ពួក​ស្បែក​ស​បារាំង​ឆ្លង​មួយថ្ងៃ​៣៧ នាក់​នៅ​កំពង់ សោម​រួចហើយ​មាន​ជនជាតិ​អាមេរិក​ដែល​ឆ្លង​និង​អង់គ្លេស​តាម​កប៉ាល់​មកពី​វៀតណាម​ពេលនោះ​ខ្លាច​ពួក​ស្បែក​ស​ម្ដង​រួចទៅហើយ​។​ឥឡូវ​ខ្ញុំ​សុំ​ស្នើ​ឲ្យ​យក​ការភ័យខ្លាច​ដើម្បី​រក្សា​គម្លាត​។​នេះ​ជា​រឿង​គួរ​ឲ្យ​សោកស្ដាយ​យើង​បាន​ខិតខំ​,​ហើយ​បើសិនជា​យើង​ធ្វើ​កិច្ច​ការល្អ​ទាន់ពេលវេលា​ខ្ញុំ​សង្ឃឹមថា​យើង​នឹង​ឈានទៅ​បិទ​បញ្ចប់​នូវ​ព្រឹត្តិការណ៍​២០​កុម្ភៈ នេះ​បាន​ក្នុង​រយៈពេល​មិន​លើសពី​មួយខែ​ទេ​ព្រោះ​យើង​បាន​គ្រប់គ្រង​សភាពការណ៍​មួយចំនួន​វា​អាច​អូសបន្លាយ​ច្រើនជាង​បន្តិច​ព្រោះ​អ្នក​ដែល​មកសុំ​លិខិត​សុំ​យក​សំណាក​ដើម្បី​សុំ​លិខិតបញ្ជាក់​សម្រាប់ធ្វើ​ដំណើរ​ក្រៅបរទេស​អត់​មាន​ដឹងថា​ខ្លួន​មាន​ជំងឺ​កូ​វីដ​១៩ ទេ ។​

​សូមបញ្ជាក់​មិនមាន​ការហាមឃាត់​ការរៀបចំ​វ៉ៃ​បុក​ដូច​ពីមុន​ទេ ដូចនេះ​ចេះតែ​បន្ត​អនុវត្ត​ទៅ ទូរទស្សន៍​គ្នា​រកស៊ី​និង​ផ្សាយពាណិជ្ជកម្ម​បើ​អត់​ផ្សាយពាណិជ្ជកម្ម​ធ្វើ​ម៉េច​គ្នា​បាន ចំណូល ។​អំពាវនាវ​ឲ្យ​ប្រជាជន​វា​គាត់​នៅផ្ទះ​ឲ្យ​នៅផ្ទះ​ហើយ​ទូរទស្សន៍​អត់​មានអី​មើល​ទៀត​អញ្ចឹង​វា​មិនកើត​ជំងឺ​អផ្សុក​អញ្ចឹងទេ​សុំ​ឲ្យ​ទូរទស្សន៍​នានា​បន្ត​ការ​វ៉ៃ​បុក​ទៅ​តែ​មិន ឲ្យ​មនុស្ស​ចូល​មើល​ទេ​។​បាល់ទាត់​ចង់​មើល​ប៉ុន្មាន​ក៏​មើលទៅ​ប៉ុន្តែ​សុំ​រក្សា​គម្លាត​មួយ​ម៉ែត្រ​កន្លះ​ពីគ្នា​ព្រោះ​ស្តា​តវា​ធំ​ណាស់​… ។​

​ខ្ញុំ​សង្ឃឹមថា​បងប្អូន​ជនរួមជាតិ​របស់​យើង​នឹង​ទទួលយក​នូវ​អ្វីដែល​ជាការ​ដាក់ចេញ​នូវ​ការអំពាវនាវ​ក៏ដូចជា​ការដាក់ចេញ​នូវ​បទបញ្ជា​សម្រាប់​ដំណើរការ​ឲ្យ​អាជ្ញាធរ​គ្រប់​ទីកន្លែង​ទាំងអស់​តែ​ធ្វើ​កិច្ចការងារ​នេះ​,​ដៃ​ម្ខាង​ទប់​ជាមួយនឹង​ការរីក​រាលដាល​ចេញពី​ប្រទេស​ថៃ​នឹង​ចេញពី​ប្រទេស​វៀតណាម​,​ហើយ​ចេញពី​វៀតណាម​ដូចជា​ការថយចុះ​ហើយ​ដូចជា​មិនមាន​បញ្ហា​ទេ​ឲ្យ​ថៃ​ក៏មាន​ការថយចុះ​ដែរ​។​ក៏ប៉ុន្តែ​ប្រជាពលរដ្ឋ​របស់​យើង​អាច​នឹង​មក​ចូលឆ្នាំ​ហើយ​សូម​ផ្ដាំ​ទៅ​ប្រជាពលរដ្ឋ​របស់​យើង​នៅឯ​ព្រះរាជាណាចក្រ​ថៃ​បាន​ជ្រាបថា​ទោះបី​មក​ក៏​មិនបាន​ចូលឆ្នាំ​ដែរ​ព្រោះ​អី​មក​ត្រូវ​នៅ​ធ្វើ​ច​ត្តា​ឡី​ស័ក​នៅ​ទល់ដែន​បើ​ថា​មក​មក​មុន​អត់​មាន​បញ្ហា​ទេ​តែ​បង​មក​ដើម្បី​តែ​ចូលឆ្នាំ​មិនបាច់​មក​ទេ​ច្បាស់​ជា​ចូលឆ្នាំ​នៅក្នុង​តំបន់​ធ្វើ​ច​ត្តា​ឡី​ស័ក​ហើយ​មិន​ឲ្យ​ចូលមកក្នុង​ទេ​,​ហើយ​នៅពេល​ត្រឡប់​ទៅ​ថៃ​វិញ​គឺត្រូវធ្វើ​ច​ត្តា​ឡី​ស័ក​នៅ​ថៃ​១៤ ថ្ងៃ​ទៀត ។ កម្មការិនី​របស់​យើង​នៅ​ប្រទេស​ថៃ​គឺ​មិន បាច់​មក​ទេ​ចូលឆ្នាំ​នៅ​ប្រទេស​ថៃ​តែម្ដង​ទៅជា​ការល្អ ដើម្បី​ជា​វាង​ចូលឆ្នាំ​តែ​បី​ថ្ងៃ​ហើយ​យើង​មក​ធ្វើ​ច​ត្តា​ឡី​ស័ក​១៤ ថ្ងៃ​នៅពេលដែល​ចូល​មកដល់​ព្រំដែន​ហើយ​បើ​គ្មាន​វិជ្ជមាន ទើប​ឲ្យ​មក​ស្រុកភូមិ ចេញមក​ដល់ផ្ទះ​ឡើងទៅ​ថៃ​វិញ​ទៅធ្វើ​ច​ត្តា​ឡី​ស័ក​នៅ​ថៃ​១៤ ថ្ងៃ​ទៀត ។ ប៉ុន្តែ​ឥឡូវ​ហាម​មិន​ឲ្យ​ចូលទៅ​ក្នុងប្រទេស​ថៃ​ទេ​ខ្ញុំ​បានបញ្ជាក់​ពី​ដើម​ហើយ ទៅ​ស្របច្បាប់​ក៏ដោយ​មិន​ស្របច្បាប់​ក៏ដោយ​គឺ​មិន​អនុញ្ញាតឱ្យ​ចូលទៅក្នុង​ប្រទេស​ថៃ​ឡើយ​គ្រប់គ្រង​នៅតាម​ព្រំដែន​កុំ​ឲ្យ​មាន​អ្នក​ចូលទៅក្នុង​ប្រទេស​ថៃ​ឯ​អ្នក​ចង់​ត្រឡប់មកវិញ​បើ​មិន​ទទួល​ពលរដ្ឋ​យើង​មិនបាន ព្រោះ​ប្រជាពលរដ្ឋ​យើង​ត្រឡប់​មកវិញហើយ អញ្ចឹង​យើង​ត្រូវតែ​ទទួល​តែ​យើង​ត្រូវធ្វើ​ច​ត្តា​ឡី​ស័ក​។​ប៉ុន្តែ​ចំពោះ​អ្នក​ដែល​ចង់​ឆ្លងដែន​ពី កម្ពុជា​ទៅ​ថៃ​,​ទៅ​វៀតណាម​,​ទៅ​ឡាវ​,​យើង​មិន​អនុញ្ញាត​ឲ្យ​ទៅ​ទេ​អញ្ចឹង​កងកម្លាំងប្រដាប់អាវុធ​នៅ​ព្រំដែន​ទាំងអស់​ត្រូវ​បិទ​មិនឱ្យ​ចេញទៅ​វៀតណាម​ក៏​មិនឱ្យ​ចេញទៅ​ឡាវ​ក៏​មិនឱ្យ​ចេញទៅ​ថៃ​ក៏​មិន​ឲ្យ​ទៅ​តែបើ​គាត់​ត្រឡប់មក​ស្រុក​វិញ​គឺ​យើង​ត្រូវតែ​ទទួល​គាត់​បើ​មិន​ទទួល​វា​មិនកើត​ព្រោះ​គាត់​ជា​ពលរដ្ឋ​របស់​យើង ៕.

 

ទីតាំងផ្សាយពាណិជ្ជកម្ម

- Advertisment -

Most Popular