Home ព័ត៌មានជាតិ សន្តិសុខ បុរស​ជនជាតិ​ច...

បុរស​ជនជាតិ​ចិន​៣​នាក់​ដែល​ប្លន់​ជនជាតិ​ចិន​ដូចគ្នា ត្រូវ​នគរបាល​ខេត្ត​ព្រះសីហនុ​ចាប់ខ្លួន

ដោយៈ​ស​រិ​ទ្ធ​/​ព្រះសីហនុ​៖ បុរស​ជនជាតិ​ចិន​៣​នាក់​ត្រូវបាន​កម្លាំង​ជំនាញ​នៃ​ស្នងការដ្ឋាន នគរបាល​ខេត្ត​ព្រះសីហនុ ស្រាវជ្រាវ​ចាប់ខ្លួនបាន នៅវេលា​ម៉ោង​១២ និង​៣០​នាទី​ថ្ងៃត្រង់ ថ្ងៃទី​១៩ ខែកុម្ភៈ ឆ្នាំ​២០២១​ក្រោយ​ធ្វើ​សកម្មភាព​ប្រមាណ​៤​ម៉ោង ។

​លោក​ឧ​ត្ត​ម​សេនីយ៍​ទោ ជួន ណា​រិន្ទ ស្នងការ​នគរបាល​ខេត្ត​ព្រះសីហនុ បាន​ឲ្យ​ដឹង​នៅ ព្រឹក​ថ្ងៃទី​២០ ខែកុម្ភៈ ឆ្នាំ​២០២១​នេះ​ថា បន្ទាប់ពី​ទទួលបាន​ព័ត៌មាន​ថា មាន​ករណី​ជន ជាតិចិន​មួយក្រុម ប្រដាប់​ដោយ​កាំភ្លើង និង​កាំបិត ធ្វើ​សកម្មភាព​ប្លន់​ជនជាតិ​ចិន​ដូចគ្នា ក្នុង​ម៉ា​ត​មួយកន្លែង​ស្ថិតក្នុង​ក្រុមទី​១៧ ភូមិ​២ សង្កាត់​លេខ​៣ ក្រុងព្រះសីហនុ នៅ​ព្រឹក ថ្ងៃទី​១៩ ខែកុម្ភៈ ឆ្នាំ​២០២១ បណ្ដាល​ឲ្យ​ជនរងគ្រោះ​រងរ​បួ​សប៉ុ​ន្តែ​ករណីនេះ​មិនមាន​ការបាត់ បង់​សម្ភារ ឬ​ទ្រព្យសម្បត្តិ​អ្វី​នោះឡើយ​។​

​លោក​ឧ​ត្ត​ម​សេនីយ៍​ទោ ជួន ណា​រិន្ទ បន្តថា លោក​បាន​បញ្ជា​កម្លាំង​ជំនាញ​បើក​ការ ស្រាវជ្រាវ​បន្ទាន់​ភ្លាមៗ ដើម្បី​កំណត់​មុខសញ្ញា​ជនសង្ស័យ​ដែល​ធ្វើ​សកម្មភាព​ដោយ​ប្រើ ប្រាស់​វិធាន​ការជំនាញ ជនដៃដល់​៣​នាក់​ត្រូវបាន​កម្លាំង​ជំនាញ​នៃ​ស្នងការដ្ឋាន​នគរបាល ខេត្ត​ព្រះសីហនុ ស្រាវជ្រាវ​ចាប់ខ្លួនបាន ក្រោយ​ធ្វើ​សកម្មភាព​ប្រមាណ​៤​ម៉ោង ។​

​លោកស្នងការ បន្ថែមទៀតថា ជនដៃដល់​ទាំង​៣​នាក់​នោះ​រួមមាន​៖ ទី​១៖ ឈ្មោះ យ៉ាង បាវ កាង (YANG BAO QIANG) អាយុ​២៩​ឆ្នាំ មុខរបរ​មិន​ពិតប្រាកដ ស្នាក់នៅ​សណ្ឋាគារ ហ្សុ​ង​ហ័​រ​វួ​យ ភូមិ​៤ សង្កាត់​៤ ក្រុងព្រះសីហនុ​ជា​ជនដៃដល់​ប្រើ​កាំបិត​ចាក់ទៅលើ​ជន​រង គ្រោះ​, ទី​២៖ ឈ្មោះ ស៊ូ ដុង ភីង (XU DONG PING) អាយុ​៣០​ឆ្នាំ ស្នាក់នៅ​ភូមិ​៤ សង្កាត់​៤ ក្រុងព្រះសីហនុ ជា​ជនដៃដល់​ប្រើ​អាវុធខ្លី​ភ្ជង់​គំរាម​ជនរងគ្រោះ និង​ទី​៣៖ ឈ្មោះ លី ប៉េ​ន (LI PEN) អាយុ​២៩​ឆ្នាំ ស្នាក់នៅ​ភូមិ​៤ សង្កាត់​៤ ក្រុងព្រះសីហនុ ជា​អ្នកសមគំនិត​។
​ចំណែក​ជនរងគ្រោះ​ឈ្មោះ ស៊ូ សេង​ចាង (XU SHENXIANG) អាយុ​៤០​ឆ្នាំ មុខរបរ​លក់ដូរ មាន​ទីលំនៅ​ក្រុមទី​១៧ ភូមិ​២ សង្កាត់​លេខ​៣ ក្រុងព្រះសីហនុ បាន​រងរបួស​ធ្ងន់​ត្រង់​បាត ដៃ​ខាងស្តាំ​, ម្រាមដៃ​កណ្តាល​, ចង្អុលដៃ​ខាងស្តាំ និង​របួស​ស្មងជើង​ខាងស្តាំ​កំពុង​សម្រាក ព្យាបាល​នៅ​មន្ទី​ពេទ្យ ចិន ប៉ាយ​ឈៀវ​។​

​តាម​ចម្លើយ​របស់​ជនសង្ស័យ បាន​សារភាពថា មូលហេតុ​ដែល​ពួកគេ​ធ្វើ​សកម្មភាព​ប្លន់ ព្រោះ​ខ្វះខាត​ប្រាក់​ចាយវាយ ទើប​បបួលគ្នា​រៀបចំ​គម្រោង​ចេញ​ប្លន់​តែម្តង​។ បច្ចុប្បន្ន​ជន សង្ស័យ​ទាំង​៣​នាក់​កម្លាំង​ជំនាញ​កំពុង​កសាង​សំណុំរឿង​ដើម្បី​បញ្ជូនទៅ​តុលាការ​ចាត់ការ បន្ដ​តាម​នីតិវិធី​៕​/PC

ទីតាំងផ្សាយពាណិជ្ជកម្ម

Previous articleរុស្ស៊ី​ចូលខ្លួន​ជួយ​ដល់​ដំណើរការ​សន្តិភាព​អា​ហ្វ​ហ្គានី​ស្ថានដែល​កំពុង​ជាប់​គាំង​។រុស្ស៊ី​​កំពុង​បង្កើន​កិច្ចខិតខំ​ប្រឹងប្រែង​ដើម្បី​ព្យាយាម​ស្វែងរក​វិធី​ឆ្ពោះទៅមុខ​នៅក្នុង​ដំណើរការ​សន្តិភាព​។​​អ្នកតំណាង​របស់​ទីក្រុង​មូ​ស្គូ​បាន​ធ្វើ​ទស្សនកិច្ច​ជា​ច្រើនជុំ ដោយ​បាន​ទៅ​ជួប​តួអង្គ​សំខាន់​ក្នុង​តំបន់​និង​ជួបប្រជុំ​ជាមួយ​មន្ត្រី​និង​ឥស្សរជន​តា​លី​បង់​ជាន់​ខ្ពស់។​ប្រេសិត​ពិសេស​របស់​ប្រធានាធិបតី​រុស្ស៊ី​លោក​វ្ល៉ា​ឌី​មៀរ ពូ​ទីន​សម្រាប់​អា​ហ្វ​ហ្គានី​ស្ថាន បាន​ទៅ​ប្រទេស​ប៉ា​គី​ស្ថាន​កាលពី​ថ្ងៃ​សុក្រ​ទី​១៩​កុម្ភៈ​ដើម្បី​ពិភាក្សា​ជាមួយ​ក្រុម​មន្ត្រី​។​រដ្ឋា​ភិ​​បាល​ក្រុង​អ៊ី​ស្លា​ម៉ា​បាដ​គឺជា​តួអង្គ​សំខាន់​ដែល​មាន​ឥទ្ធិពល​លើ​ពួក​តា​លី​បង់​។​
Next articleបុរស​ជនជាតិ​ចិន​៣​នាក់​ដែល​ប្លន់​ជនជាតិ​ចិន​ដូចគ្នា ត្រូវ​នគរបាល​ខេត្ត​ព្រះសីហនុ​ចាប់ខ្លួន​
- Advertisment -

Most Popular