Home កម្សាន្ត មាន សូ​នី​តា ...

មាន សូ​នី​តា ៖ ដំណើរ​កម្សាន្ត​ទៅ​កំពត ពិតជា​ទទួលបាន​បទពិសោធន៍ មិនធ្លាប់ជួប

ដោយៈ​បញ្ញា​សាស្ត្រ​/ ភ្នំពេញៈ ក្រោយពី​ទទួលបាន​បទពិសោធន៍ ជាច្រើន​ក្នុង​ដំណើរ​កម្សាន្ត បែប​ផ្សងព្រេង តារា​សម្តែង​ឆ្នើម មាន សូ​នី​តា ត្រូវបាន​កម្មវិធី​កម្សាន្ត មួយ ឈ្មោះថា «​សាក​ថ្ម​ជីវិត​» អញ្ជើញ​នាង អោយធ្វើជា​វាគ្មិន​តែម្តង​។​

​ប្រាប់​ពីបទ​ពិសោធន៍ ក្នុង​ដំណើរ​កម្សាន្ត កញ្ញា ថ្ពាល់ខួច រូប​នោះបាន​ប្រាប់ថា “​និយាយ ដោយ​ឥត​លាក់បាំង​បង​គ្រាន់តែ​លឺឈ្មោះ និង​ដឹង​ពី​ខ្លឹមសារ​កម្មវិធី​ហ្នឹង​ខ្ញុំ​ឆ្លើយ​អូ​ខេ​ភ្លាម ៗ ហ្មង​!” ។

​ហេតុផល​មួយចំនួន​ដែល​ជំរុញ​ឲ្យ មាន សូ​នី​តា ឆ្លើយ​ភ្លាម​សម្រាប់​ដំណើរ​កម្សាន្ត​ខាងលើ​ទី ១ នាង​ជា អ្នក​ចូលចិត្ត​ការធ្វើដំណើរ​ក​ម្សា​ន្ត​ស្រាប់​។ ទី ២ នាង​ពេញចិត្ត​ខ្លឹមសារ​របស់ កម្មវិធី ដែល​នាង​មិនដែល​ជួប​សម្រាប់​ដំណើរ​កម្សាន្ត​នានា ក្នុង​អតីតកាល​របស់​នាង​ទាំង​ដំណើរ កម្សាន្ត​ក្នុង និង​ក្រៅ​ស្រុក​។​

​កម្មវិធី​ដំណើរ​កម្សាន្ត “​សាក​ថ្ម ជីវិត​” រៀបចំ​ដោយ​ក្រុម Amata-​អម​តា បានចេញ​ដំណើរ កាលពី​ចុងខែ​មករា ២០២១ នាំយក មាន សូ​នី​តា និង​បុគ្គល​សាមញ្ញ ជាង​២០​នាក់​ផ្សេង ទៀត​ឆ្ពោះទៅកាន់​រមណីយដ្ឋាន​ល្បីៗ​មួយចំនួន​ក្នុង​ខេត្តកំពត ក្នុង​ដំណើរ​កម្សាន្ត​២​ថ្ងៃ ១​យប់​។ តាម សូ​នី​តា កម្មវិធី​នេះ ប្រមូលផ្ដុំ ដោយ​អ្នក​ដែលមាន​វិបត្តិ​ផ្លូវចិត្ត​ខូចចិត្ត ឬ​បាក់ ទឹកចិត្ត​នឹង​បញ្ហា​ជាច្រើន​នៅក្នុង​ឆាកជីវិត​។​

​សូ​នី​តា លើកឡើងថា ចំណុច​នេះ ហើយ​ដែល​នាង​មិន​ធ្លាប់​ជួប​ពីមុនមក​ក្នុង​ដំណើរ កម្សាន្ត​គឺ “​កន្លងមក​យើង​ដើរ​កម្សាន្ត​គ្រាន់តែ ដើម្បី​លេង​កម្សាន្ត​នឹង​ទេសភាព ឬ​កន្លែង កម្សាន្ត​ផ្សេង ៗ​និយាយ​រួម គឺ គ្រាន់តែ​ផ្លាស់ប្ដូរ​បរិយាកាស​តែ​លើក​នេះ គឺ​ខ្ញុំ​បាន​រាប់អាន​មិត្ត បាន​ចែករំលែក​រឿងរ៉ាវ​ផ្សេងៗ​ជាមួយគ្នា​…​ចូលរួម កម្មវិធី​ហ្នឹង ខ្ញុំ​ដូច​រៀន​បាន​ច្រើន ទៀត ពី រឿងរ៉ាវ​ជីវិត​ដឹង​ពី​របៀប​រស់នៅ​ប្រឈម​នឹង​បញ្ហា​រឹងមាំ​!”​។​

​រាជិនី ក្រមា​រូបនេះ បាន​បន្តថា នៅក្នុង​ដំណើរ​កម្សាន្ត​ខាងលើ​មាន​សកម្មភាព​លេងល្បែង កម្សាន្ត​វគ្គ​ចែករំលែក​បទពិសោធន៍​ជីវិត​ដែល​ជួប​បញ្ហា និង​មាន​វគ្គ​ពង្រឹងស្មារតី ជា ដើម ជា បច្ច័យ​ឲ្យ​នាង​ក៏ដូចជា​ប្រិយមិត្ត​ផ្សេងទៀត​រៀន​បាន​ច្រើន​ពី​ការពង្រឹង​ខ្លួន​ទប់ទល់​នឹង​បញ្ហា យល់ដឹង​ពី​បំ​ណិ​ន​ជីវិត​ជាដើម​៕​/PC

ទីតាំងផ្សាយពាណិជ្ជកម្ម

- Advertisment -

Most Popular