Home ព័ត៌មានសំខាន់ៗ ព្រឹត្តិការណ៍...

ព្រឹត្តិការណ៍​ជាតិ​សំខាន់ៗ ប្រចាំ​សប្តាហ៍​

ដោយ​: ម៉េង​ឆៃ / ភ្នំពេញ​: កាលពី​ថ្ងៃទី​១៥ ខែកុម្ភៈ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ថ្លែង​សារ​ប្រកាស​ដាក់ចេញ​នូវ​បទបញ្ជា​ជាថ្មី​ម្តងទៀត​ឲ្យ​អាជ្ញាធរ​គ្រប់លំដាប់​ថ្នាក់ នៅតាម​ព្រំដែន​កម្ពុជា​-​ថៃ ក៏ដូចជា ព្រំដែន​កម្ពុជា​-​វៀតណាម និង​ព្រំដែន​កម្ពុជា​-​ឡាវ​ត្រូវ​ពង្រឹង​អនុវត្ត​ការងារ​គ្រប់គ្រង​ពលករ​ចេញ ចូល​កម្ពុជា​ឲ្យ​បាន​ហ្មត់ចត់​។ នោះ​គឺ​តម្រូវ​ឲ្យ​ពួកគេ​ត្រូវធ្វើ​ច​ត្តា​ឡី​ស័ក​ជា​ចាំបាច់ នៅតាម​ព្រំដែន​។ សម្តេច​តេ​ជោ​ក៏បាន​បញ្ជា​ឲ្យ រដ្ឋមន្ត្រី​ក្រសួងយុត្តិធម៌ សហការ​ជាមួយ​រដ្ឋមន្ត្រី​ក្រសួងសុខាភិបាល កែប្រែ​អនុក្រឹត្យ​ចាស់ ឬ​បង្កើត​អនុ​ក្រឹ​ត្យ​ថ្មី​ពាក់ព័ន្ធ​នឹង​ការដាក់ ទោសទណ្ឌ ក៏ដូចជា​បង្កើន​ប្រាក់​ផាកពិន័យ​លើ​អ្នក​គេចវេះ មិន​ធ្វើ​ច​ត្តា​ឡី​ស័ក​។

សម្តេច​តេ​ជោហ៊ុនសែន​នាយករដ្ឋមន្ត្រី បាន​ថ្លែង​សារ​ពិសេស ទៅកាន់​ជនរួមជាតិ​។ សម្តេច បានប្រកាស​ពី​ករណី​ផ្ទុះ​ឆ្លង​កូ​វីដ​១៩ ក្នុង​សហគមន៍ ជា​លើក​ទី​៣ ដែល​សម្តេច ប្រសិទ្ធ​នាម ហៅថា «​ព្រឹត្តិការណ៍​សហគមន៍ ថ្ងៃ​២០​កុម្ភៈ​»​

​កាលពី​ថ្ងៃទី​១៥ ខែកុម្ភៈ រដ្ឋមន្ត្រី​ក្រសួងសុខាភិបាល លោក ម៉ម ប៊ុនហេង បានចេញ​លិខិត ក្រើនរំលឹក​ទៅកាន់​អភិបាល​រាជធានី​ខេត្ត ត្រូវ​ពង្រឹង​នូវ​ការ​អនុវត្តិ​វិធានការ​ច​ត្តា​ឡី​ស័ក ចំពោះ​ប្រជាពលរដ្ឋ និង​ជនបរទេស ដែល​បាន​ឆ្លងដែន ចូលមក​ប្រទេស​កម្ពុជា​។ ការណែនាំ​នេះ គឺ​បន្ទាប់ពី​ក្រសួងសុខាភិបាល សង្កេតឃើញថា មាន​ល្មើ​សនឹង​ការអនុវត្ត​វិធានការ​នេះ​។​

​កាលពី​ថ្ងៃទី​១៥ ខែកុម្ភៈ ក្រសួង​ការងារ និង​បណ្តុះបណ្តាល​វិជ្ជាជីវៈ ក៏បាន​ប្រកាស​ផាកពិន័យ លើ​ពលករ​ខ្មែរ ដែល​គេចវេះ មិន​ធ្វើ​ច​ត្តា​ឡី​ស័ក​ត្រឹមត្រូវ តាម​វិធានការ​សុខាភិបាល​។ សេចក្ដីជូនដំណឹង​រប​ស់​ក្រសួង​ការងារ ធ្វើឡើង​បន្ទាប់ពី​បាន​មើលឃើញ​មាន​ពលករ​ខ្មែរ​មួយចំនួន មិនបាន​ចូលរួម​សហការ​ធ្វើ​ច​ត្តា​ឡី​ស័ក អោយបាន​ត្រឹមត្រូវ​នោះទេ នៅពេល​ឆ្លងដែន ចូលមក​ប្រទេស​កម្ពុជា ដែល​នាំ​ឲ្យ​មាន​ហានិភ័យ​ខ្ពស់ ក្នុង​ការឆ្លង​រាលដាល​ជំងឺ​កូ​វីដ​១៩ នៅក្នុង​សហគមន៍​ប្រទេស​យើង​។​

​សម្ដេច​តេ​ជោ ហ៊ុន សែន បានសម្រេច​ជា​ផ្លូវការ តាមរយៈ​អនុក្រឹត្យ ចុះ​ថ្ងៃទី​១៥ កុម្ភៈ ដក​ស័ក្តិ និង​បណ្តេញ​លោក​វរសេនីយ៍ឯក គឹម ពន្លក អធិការ​ស្រុក​កំរៀង ខេត្តបាត់ដំបង ចេញពី​ក្របខណ្ឌ​មន្ត្រី​នគរបាលជាតិ នៃ​ក្រសួងមហាផ្ទៃ​។​ការបណ្ដេញ​អធិការ​ស្រុក​កំរៀង រូបនេះ ចេញពី​ក្របខ័ណ្ឌ​មន្ត្រី​នគរបាលជាតិ កើតឡើង ក្រោយ​រកឃើញថា មាន​ពាក់ព័ន្ធ​នឹង​ករណី​ដោះលែង​មេខ្យល់​នាំ​ពលរដ្ឋ ឆ្លងដែន​ខុសច្បាប់​។ មួយថ្ងៃ​ក្រោយមក គឺ​នៅ​ថ្ងៃទី​១៦ ខែកុម្ភៈ អតីត​អធិការ​ប៉ូលិស​ស្រុក​កំរៀង ត្រូវបាន​តុលាការ​ចោទប្រកាន់ និង​បញ្ជូនទៅ​ឃុំឃាំង នៅ​ពន្ធនាគារ រង់ចាំ​ការកាត់ទោស​។​ជាមួយនឹង​ការសម្រេច​នេះ សកម្មភាព​គ្រប់គ្រង​ពលករ​ឆ្លងដែន និង​ការធ្វើ​ច​ត្តា​ឡី​ស័ក នៅតាម​ព្រំដែន​កម្ពុជា​-​ថៃ ព្រំដែន​កម្ពុជា​-​វៀតណាម និង​ព្រំដែន​កម្ពុជា​-​ឡាវ ត្រូវបាន​រឹតបន្តឹង​យ៉ាងខ្លាំង​។​

សម្តេច​តេ​ជោហ៊ុនសែន​នាយករដ្ឋមន្ត្រី បាន​ថ្លែង​សារ​ពិសេស ទៅកាន់​ជនរួមជាតិ​។ សម្តេច បានប្រកាស​ពី​ករណី​ផ្ទុះ​ឆ្លង​កូ​វីដ​១៩ ក្នុង​សហគមន៍ ជា​លើក​ទី​៣ ដែល​សម្តេច ប្រសិទ្ធ​នាម ហៅថា «​ព្រឹត្តិការណ៍​សហគមន៍ ថ្ងៃ​២០​កុម្ភៈ​»​

​គិត​ចាប់​ពីថ្ងៃ​ចាប់ផ្តើម​យុទ្ធនា​ការចាក់​វ៉ាក់សាំង​បង្ការ​ជំងឺ​កូ​វីដ​១៩ កាលពី​ថ្ងៃទី​១០​កុម្ភៈ មកដល់​ថ្ងៃទី​២០ ខែកុម្ភៈ​អ្នក​ដែល​បាន​ចាក់ វ៉ាក់សាំង​កូ​វីដ​១៩​រួចហើយ​បាន​លើកឡើងថា​សុខភាព​របស់​ពួកគេ​មាន​សភាព​ធម្មតា​ដោយ​មិនមាន​ប្រតិកម្ម​ណាមួយ​កើតឡើង​នោះទេ​។

​ផ្ទុយទៅវិញ ក្រោយពី​ចាក់​វ៉ាក់សាំង​រួច បានធ្វើ​ឲ្យ​ពួកគាត់ មាន​សន្តិភាព​ផ្លូវចិត្ត និង​ទំនុក​ចិត្តខ្លាំង​ជាង​មុនពេល​មានការ​ប្រាស្រ័យ ទាក់ទង​ជាមួយ​អ្នកដទៃ ឬ​ទៅកាន់​តំបន់ ដែល​អាចមាន​មនុស្សម្នា​ច្រើន​។ ប៉ុន្តែ​អ្នក​ចាក់​វ៉ាក់សាំង​កូ​វីដ​រួច ក៏​នៅតែ​បន្ត​វិធានការ​ការពារ តាម​ការណែនាំ​របស់​ក្រសួងសុខាភិបាល ដូចជា លាងដៃ​ឲ្យ​បាន​ញឹកញាប់ ពាក់​ម៉ាស និង​រក្សា​គម្លាត​សុវត្ថិភាព ជាដើម​។​

​កាលពី​ថ្ងៃទី​១៨ ខែកុម្ភៈ សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា បានចេញ​អនុក្រឹត្យ ២ ដាច់ដោយឡែក​ពីគ្នា ស្តីពី​ការពង្រឹង​វិធានការ​ច​ត្តា​ឡី​ស័ក ដើម្បី​ទប់ស្កាត់​ការឆ្លង​រាលដាល​កូ​វីដ​-១៩ និង​ការកែសម្រួល​មាត្រា​៨ នៃ​អនុក្រឹត្យ ស្តីពី វិធានការ​សុខាភិបាល ដើម្បី​ទប់ស្កាត់ និង​ឆ្លើយតប​ការឆ្លង​រាលដាល​ជា​អន្តរជាតិ​នៃ​ជំងឺ​នៅតាម​ច្រកចេញចូល​របស់​ប្រទេស​កម្ពុជា​។

​យោងតាម​អនុក្រឹត្យ​ទាំងពីរ​នេះ រាជរដ្ឋាភិបាល​កម្ពុជា បានកំណត់​បង្កើន​ប្រាក់​ផាកពិន័យ​លើ​អ្នក​គេចវេះ ពី​ការធ្វើ​ច​ត្តា​ឡី​ស័ក ពី ១​លាន​រៀល​ដល់​៥​លាន​រៀល​និង​ផាកពិន័យ​មេខ្យល់​ពី​១០​លាន​រៀល​ទៅ​៥០​លាន​រៀល​។​ក្រៅពី​ការបង្កើន​ប្រាក់​ផាកពិន័យ​លើ​អ្នក​គេចវេះ​ពី​ការធ្វើ​ច​ត្តា​ឡី​ស័ក និង​មេខ្យល់ នៅក្នុង​អនុក្រឹត្យ​ថ្មី ក៏បាន​កំណត់​ទោសពិន័យ​លើ​អាជ្ញាធរ​សមត្ថកិច្ច រហូតដល់ ១០​លាន​រៀល ទៅ ៥០​លាន​រៀល ហើយក៏​ត្រូវ​បញ្ជូនទៅ​តុលាការ កាត់ទោស​តាមច្បាប់​ព្រហ្មទណ្ឌ​ថែមទៀត​ផងដែរ​។​

​កាលពី​ថ្ងៃទី​១៨ ខែកុម្ភៈ រដ្ឋមន្ត្រីការបរទេស​កម្ពុ​លោក​ឧបនាយករដ្ឋមន្ត្រី ប្រាក់ សុខុន បានដាក់​សំណើរ​ផ្ទាល់មាត់ ទៅកាន់​រដ្ឋមន្ត្រីការបរទេស​ឥណ្ឌា ស្នើ​ទិញ​វ៉ាក់សាំង​ការពារ​ជំងឺ​កូ​វីដ​១៩ ចំនួន ៥​លាន​ដូ​ស​។ សំណើរ​នេះ បានធ្វើ​ឡើង ក្នុង​កិច្ចសន្ទនា​តាម​ទូរ​សព្ទ​រវាង​ប្រមុខ​ការទូត​នៃ​ប្រទេស​ទាំងពីរ ដែល​ក្រសួងការបរទេស ប្រកាស​កាលពី​ថ្ងៃ​សុក្រ ទី​១៩ ខែកុម្ភៈ​។​

​ដំណើរ​ការចាក់​វ៉ាក់សាំង​បង្ការ​ជំងឺ​កូ​វីដ​១៩ បាន​បន្ត​ធ្វើជា​រៀងរាល់ថ្ងៃ ចាប់តាំងពី​ចាប់​ផ្តើមដំបូង កាលពី​ថ្ងៃទី​១០ ខែកុម្ភៈ​។​ទាំង​ក្រសួង សុខាភិបាល ក៏ដូចជា ក្រសួងការពារជាតិ បាន​បន្ត​ចាក់​វ៉ាក់សាំង​កូ​វីដ ជូន​ដល់​ក្រុមការងារ​អាទិភាព​ដំបូង ដែល​រួមមាន​៖ ឥស្សរជន ថ្នាក់ដឹកនាំ​ជាន់ខ្ពស់​ក្នុង​ជួរ​រាជរដ្ឋាភិបាល គ្រូពេទ្យ ប៉ូលិស ទាហាន អ្នកកាសែត ព្រមទាំង​មន្ត្រីរាជការ​និង​មន្ត្រី​ក្រុមប្រឹក្សាឃុំ សង្កាត់ នៅ​រាជធានី​ភ្នំពេញ​។​

​កាលពី​ថ្ងៃទី​១៨ ខែកុម្ភៈ ក្រសួងសុខាភិបាល បាន​បន្ថែម​កម្មវិធី​ចាក់​វ៉ាក់សាំង​ដល់​មន្ត្រីរាជការ និង​គ្រូពេទ្យ​នៅ​មន្ទីរ​សុខាភិបាល​រាជធានី ភ្នំពេញ ដែល​ការចាក់​វ៉ាក់សាំង​នេះ ធ្វើឡើង​នៅ​មន្ទីរពេទ្យបង្អែក រាជធានី​ភ្នំពេញ​។ ដោយឡែក​ក្រសួងការពារជាតិ នៅ​ចុង​សប្តាហ៍​នេះ នឹង​បន្ថែម​កម្មវិធី​ចាក់​វ៉ាក់សាំង ដល់​កងទ័ព ដែល​ឈរជើង​បំពេញការងារ​នៅ​ខេត្តកោះកុង ជាប់​ព្រំដែន​ថៃ​។​

​កាលពី​ព្រឹក​ថ្ងៃ​សៅរ៍ ទី​២០ ខែកុម្ភៈ សម្តេច​តេ​ជោ​នាយករដ្ឋមន្ត្រី បាន​ថ្លែង​សារ​ពិសេស ទៅកាន់​ជនរួមជាតិ​។ សម្តេច បានប្រកាស​ពី​ករណី​ផ្ទុះ​ឆ្លង​កូ​វីដ​១៩ ក្នុង​សហគមន៍ ជា​លើក​ទី​៣ ដែល​សម្តេច ប្រសិទ្ធ​នាម ហៅថា «​ព្រឹត្តិការណ៍​សហគមន៍ ថ្ងៃ​២០​កុម្ភៈ​»​។
​សម្តេច ហ៊ុន សែន ប្រកាសថា មកដល់​ព្រឹក​ថ្ងៃទី​២០ ខែកុម្ភៈ រកឃើញ​ឆ្លង​កូ​វីដ​១៩ ក្នុង​ព្រឹត្តិការណ៍​សហគមន៍ ថ្ងៃ​២០​កុម្ភៈ ចំនួន ៣២​នាក់​។ អ្នក​ទាំងនោះ សុទ្ធតែជា​ជនជាតិ​ចិន​។ ការឆ្លង​សហគមន៍​នេះ ដោយសារតែ​អ្នកពាក់ព័ន្ធ​នឹង​ក្លិប N8 បាន​ទៅធ្វើ​តេស្ត រក​កូ​វីដ ដើម្បី​ចេញទៅ​ក្រៅប្រទេស​។​
​ដើម្បី​ទប់ស្កាត់​ការឆ្លង​សហគមន៍​នេះ សម្តេច ហ៊ុន សែន បានប្រកាស​បិទ​តំបន់​មួយចំនួន នៅ​រាជធានី​ភ្នំពេញ ដូចជា ក្លិប​កម្សាន្ត N8 និង​អា​ផា​តិ​ន រួមទាំង​ផ្ទះមួយ​ចំនួន ដែលមាន​ការរស់នៅ​ច្រើន​។ តែ​រាជរដ្ឋាភិបាល មិន​បិទ​សាលារៀន​ឬក៏​ហាមឃាត់​ការជួបជុំ​ក្នុង​ពិធី នានា ដូចជា ការ​រៀបការ​នោះទេ​។ ប៉ុន្តែ​សម្តេច​តេ​ជោ ហ៊ុន សែន បានប្រកាស​អំពាវនាវ​ដល់​ប្រជាពលរដ្ឋ​ឲ្យ​បន្ត​វិធានការ​”៣​ការពារ និង ៣​កុំ​” ដើម្បី​ទប់ស្កាត់​ការឆ្លង​រាលដាល​ជំងឺ​កូ​វីដ​១៩ ដូចជា ពាក់​ម៉ាស លាងដៃ និង​រក្សា​គម្លាត​សុវត្ថិភាព​ពី​ម្នាក់ ទៅ​ម្នាក់ ចន្លោះ​ពី ១​ម៉ែត្រ​កន្លះ​ឡើងទៅ​ជាដើម​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular