Home ព័ត៌មានអន្តរជាតិ គណៈរដ្ឋមន្ត្រ...

គណៈរដ្ឋមន្ត្រី​របស់​ប្រា​យុទ្ធ​ឆ្លង​ផុត​ការបោះឆ្នោត​ទម្លាក់​នៅក្នុង​សភា​

​ប្រែ​សម្រួលៈ​វាសនា​/​បាងកក​៖​នាយករដ្ឋមន្ត្រី ប្រា​យុទ្ធ ចាន់​អូ​ចា និង​រដ្ឋមន្ត្រី​៩​រូប​ទៀត​បាន​រួចផុត​ការបោះឆ្នោត​ទម្លាក់ នៅក្នុង​ការបោះឆ្នោត​សម្តែង​ការទុកចិត្ត​ពី​សមាជិក​សភា​កាលពី​ថ្ងៃ​សៅរ៍​ទី​២០​កុម្ភៈ ក្រោយ​ការ​ជជីក​សួរ​ដេញដោល​អស់​៤​ថ្ងៃ ចំ​ពេល​អ្នក​ប្រឆាំង​តវ៉ា​នៅ​ក្រៅ​សភា​បន្ត​ទាមទារ​អោយ​លោក​ចុះចេញ​ពី​តំណែង​។​

​ញត្តិ​សម្តែង​ការមិនទុកចិត្ត​នាយករដ្ឋមន្ត្រី​ត្រូវបាន​ច្រាន​ចោល​ដោយ​សមាជិក​សភា​២៧២​រូប នៅពេល​២០៦​រូប​គាំទ្រ នេះ​បើ​តាម​សេចក្តីប្រកាស​ផ្សាយ​តាម​ទូរទស្សន៍​។​

​លោក​ឈួន លី​ក​ផៃ ប្រធាន​សភាជាតិ បា​និយាយថា​«​ការបោះឆ្នោត​នេះ​បង្ហាញថា សភា​មាន​ជំនឿ​ចិត្ត​លើ​រដ្ឋាភិបាល​»​។​

​សាស្ត្រាចារ្យ ពុន​ចា​ដា ស៊ី​រី​វុន​ណា​ប៊ូ​ត អ្នកវិភាគ​នយោបាយ​ថៃ​ម្នាក់​នៅ​សកល​វិទ្យាល័យ ម៉ា​ហ៊ី​ដូល ជិត​ក្រុង​បាងកក​បាន​និយាយថា «​ទោះ​ជា​ពួកគេ​រួចផុត​ពី​ការបោះឆ្នោត​ទម្លាក់​ក៏​រដ្ឋមន្ត្រី​ខ្លះ​ទទួល​​បាន​សន្លឹក​ឆ្នោត​គាំទ្រ​តិច​ជាង​រដ្ឋ​មន្ត្រី​ផ្សេង​ទៀត និង​វា​បង្ហាញ​សញ្ញា​ថា​អាច​នឹង​មាន​ការរុះរើ​គណៈរដ្ឋមន្ត្រី​នៅ​ប៉ុន្មាន​ខែ​ខាងមុខ​»​។​

​លោកស្រី​បាន​បន្ថែមថា ទោះជា​យ៉ាងណា ការ​ឈ្នះ​ការបោះឆ្នោត​ក្នុង​សភា​នេះ​បង្ហាញថា រដ្ឋាភិបាល​របស់​លោក​ប្រា​យុទ្ធ​នឹង​បន្ត​ការងារ​រហូត​ចប់​អាណត្តិ​។​

​នេះ​ជា​បរាជ័យ​នៃ​ការសម្តែង​ការ​មិន​ទុកចិត្ត​ពី​សភា​ជា​លើក​ទី​២​ចាប់តាំងពី​ការបោះឆ្នោត​សកល​ឆ្នាំ​២០១៩ ។​វា​នឹង​អនុញ្ញាត​អោយ អតីត​មេដឹកនាំ​រដ្ឋប្រហារ ប្រា​យុទ្ធ ចាន់​អូ​ចា​បន្ត​កិច្ច​ខិតខំ​រប​ស់​រដ្ឋា​ភិ​​បាល​លោក​ដើម្បី​កំហិត​ផល​ប៉ះពាល់​ពី​ការផ្ទុះកូ​វីដ​១៩​នៅ​រលក​ទី​២ ដែល​គំរាម​បំផ្លាញ​ការ​រើប​រើ​សេដ្ឋកិច្ច​ថៃ​ឡើងវិញ​។​

​ក្នុងពេល​ជាមួយគ្នា បណ្តា​ក្រុមគាំទ្រ​លទ្ធិប្រជាធិបតេយ្យ​ទំនងជា​នឹង​បង្កើន​យុទ្ធនាការ​តាម​ដងផ្លូវ​របស់​គេ​ដើម្បី​ទាមទារ​អោយ​លោក​ប្រា​យុទ្ធ ចុះចេញ​ពី​តំណែង សរសេរ​រដ្ឋធម្មនុញ្ញ​ថ្មី​មួយ និង​កែ​ទំរង់​របប​​រាជានិយម​៕

​នាយករដ្ឋមន្ត្រី ប្រា​យុទ្ធ ចាន់​អូ​ចា ស្វាគមន៍​ក្នុងអំឡុង​សភា​បើក​ការជជែក​សួរដេញដោល​មន្ត្រី​រដ្ឋាភិបាល​នៅ​សប្តាហ៍​នេះ​មុន​ការបោះឆ្នោត​សម្តែង​ការទុកចិត្ត​

ទីតាំងផ្សាយពាណិជ្ជកម្ម

Previous articleកម្មករ របួស ១៥ នាក់ ដោយសារ រថយន្តដឹកកម្មករ បុកគោដើឆ្លងផ្លូវ បណ្ដាលឱ្យរថយន្ត ធ្លាក់ផ្លូវ
Next articleនាយករដ្ឋមន្ត្រី ប្រា​យុទ្ធ ចាន់​អូ​ចា និង​រដ្ឋមន្ត្រី​៩​រូប​ទៀត​បាន​រួចផុត​ការបោះឆ្នោត​ទម្លាក់ នៅក្នុង​ការបោះឆ្នោត​សម្តែង​ការទុកចិត្ត​ពី​សមាជិក​សភា​កាលពី​ថ្ងៃ​សៅរ៍​ទី​២០​កុម្ភៈ ក្រោយ​ការ​ជជីក​សួរ​ដេញដោល​អស់​៤​ថ្ងៃ ។​ញត្តិ​សម្តែង​ការមិនទុកចិត្ត​នាយករដ្ឋមន្ត្រី​ត្រូវបាន​ច្រាន​ចោល​ដោយ​សមាជិក​សភា​២៧២​រូប នៅពេល​២០៦​រូប​គាំទ្រញត្តិ ។ការ​ឈ្នះ​ការបោះឆ្នោត​ក្នុង​សភា​នេះ​បង្ហាញថា រដ្ឋាភិបាល​របស់​លោក​ប្រា​យុទ្ធ​នឹង​បន្ត​ការងារ​រហូត​ចប់​អាណត្តិ​។​
- Advertisment -

Most Popular