​ក្រសួង​ការងារ ប្រកាស​ផាកពិន័យ ចំពោះ​ពលករ​កម្ពុជា ដែល​គេចវេះ មិន​ព្រមធ្វើ​ច​ត្តា​ឡី​ស័ក​

ដោយៈ ដេប៉ូ / ភ្នំពេញៈ ដើម្បី​ទប់ស្កាត់ ក៏ដូចជា បង្ការ​ការរីក​រាលដាល នៃ​ជំងឺ​កូ​វីដ​-១៩ ក្រសួង​ការងារ និង​បណ្តុះបណ្តាល​វិជ្ជាជីវៈ នៅ​ថ្ងៃទី​២០ ខែ កុម្ភៈ ឆ្នាំ ២០២១ នេះ បានចេញ​សេចក្តីជូនដំណឹង​មួយ ដោយ​ធ្វើការ​ផាកពិន័យ ចំពោះ​បងប្អូន​ពលករ​កម្ពុជា ដែល​គេចវេះ មិនបាន​ធ្វើ​ច​ត្តា​ឡី​ស័ក ត្រឹមត្រូវ​។​

​បើ​យោងតាម​សេចក្តីជូនដំណឹង របស់​ក្រសួង​ការងារ បានបញ្ជាក់​ថាៈ យោង​អនុសាសន៍​ដ៏​ខ្ពង់ខ្ពស់​របស់ សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា នា​ព្រឹក​ថ្ងៃទី​១៥ ខែកុម្ភៈ ឆ្នាំ​២០២១ និង​អនុក្រឹត្យ​លេខ ១២៩ អនក្រ​.​បក ចុះ​ថ្ងៃទី​១៥ ខែកញ្ញា ឆ្នាំ​២០១៥ ស្តីពី​វិធានការ​សុខាភិបាល ដើម្បី​ទប់ស្កាត់ និង​ឆ្លើយតប​ការឆ្លង​រាលដាល ជា​អន្តរជាតិ នៃ​ជំងឺ នៅតាម​ច្រកចេញចូល ក្រសួង​សូម​ជម្រាបជូន បងប្អូន​ពលករ​ទាំង​អស់ មេត្តា​ជ្រាបថា ដើម្បី​ថែរក្សា​សុវត្ថិភាព សុខភាព វិធានការ​សុខាភិបាល​សាធារណៈ និង​ទប់ស្កាត់​ការរីក​រាលដាល​ជំងឺ​កូវ​ដ​-១៩ ចូលក្នុង​សហគមន៍ ជាពិសេស​ចំពោះ សុខភាព​របស់​បងប្អូន​ពលករ និង​ក្រុមគ្រួសារ​ផ្ទាល់ ដោយ​កំណត់ឱ្យ​បងប្អូន​ពលករ អនុវត្ត​ដូចខាងក្រោម​៖

១-​មិនត្រូវ​លួច​ឆ្លងដែន​ខុសច្បាប់ ចូលមក​ប្រទេស​កម្ពុជា​ឡើយ ដែល​អាចមាន​ហានិភ័យ​ខ្ពស់ ចំពោះ អាយុជីវិត​ផ្ទាល់ខ្លួន និង​ការនាំ​ជំងឺឆ្លង ចូលមក ប្រទេស​កម្ពុជា​។​

២-​ករណី​ត្រូវ​ចូលមក​ប្រទេស​កម្ពុជា ត្រូវអនុវត្ត​ការធ្វើ​ច​ត្តា​ឡី​ស័ក ឱ្យបាន​ត្រឹមត្រូវ តាម​វិធានការ​សុខាភិបាល ដោយ​មិនត្រូវ​គេចវេះ ជាដាច់ខាត​។ ករណី​គេចវេះ មិន​ព្រមធ្វើ​ច​ត្តា​ឡី​ស័ក ឱ្យបាន​ត្រឹមត្រូវ នឹងត្រូវ​ទទួលរង​ការ​ផាក ពិន័យ​ចំនួន ១ ០០០ ០០០​រៀល ឬ​ច្រើនជាង​នេះ និង​ទទួលទោស​ព្រហ្មទណ្ឌ ដូច​មានចែង នៅក្នុង​ច្បាប់ និង​បទ​ប្បញ្ញត្តិ ព្រហ្មទណ្ឌ ជា​ធរមាន​។​

៣-​សហការ​ផ្តល់ព័ត៌មាន ដល់​ស្ថានទូត ឬ​អាជ្ញា​ធរមាន​សមត្ថកិច្ច ដែល​នៅ​ជិត ពាក់ព័ន្ធ​នឹង​មេខ្យល់ ដែល​សន្យា​នាំ​បងប្អូន​ពលករ​ឆ្លងដែន ចេញ​-​ចូល​ខុសច្បាប់ ប្រទេស​កម្ពុជា​។​

​សេចក្តី​ដូច​បាន​ជម្រាបជូន ខាងលើ សូម​បងប្អូន​ពលករ មេត្តា​រក្សា​ភាពនឹងនរ និង​ចូលរួម​អនុវត្ត​ឱ្យ​ត្រឹមត្រូវ និង​មាន​ប្រសិទ្ធភាព​ខ្ពស់​។​

​គួរ​បញ្ជាក់ថា សម្តេច​តេ​ជោ ហ៊ុន សែន នាយករដ្ឋមន្ត្រី បានប្រកាសថា ការឆ្លង​ជំងឺ​កូ​វីដ​១៩ នៅ​ថ្ងៃទី​២០ កុម្ភៈ គឺជា​ការឆ្លង​សហគម​ន៍ទី​៣ បន្ទាប់ពី​ការឆ្លង ចូល​សហគមន៍ ចំនួន ៣២ នាក់ ។ ព្រឹត្តិការណ៍​សហគមន៍​លើក​ទី​១ គឺ​ថ្ងៃ ៣ វិច្ឆិកា ឆ្នាំ​២០២០ និង​លើក​ទី​២ ថ្ងៃទី​២៨ វិច្ឆិកា ឆ្នាំ​២០២០៕/V


ទីតាំងផ្សាយពាណិជ្ជកម្ម

- Advertisment -

Most Popular