Home ព័ត៌មានជាតិ សន្តិសុខ ​នគរបាល បញ្ជូ...

​នគរបាល បញ្ជូន​មេខ្យល់ ៣​នាក់ ទៅ​តុលាការ ករណី​នាំ​ពលករ ឆ្លងដែន​ទៅធ្វើ​ការ​នៅ​ស្រុកថៃ ដោយ​ខុសច្បាប់

​ដោយៈ ប​.​ជ័យ / បន្ទាយ​មាន​ជ័​យៈ នគរបាល​នគរបាល ការិយាល័យ​ប្រឆាំង​ការជួញដូរ​មនុស្ស និង​ការពារ​អនីតិជន នៃ​ស្នងការដ្ឋាន​នគរបាល ខេត្តបន្ទាយមានជ័យ បាន​ចុះ​ឃាត់ខ្លួន​មេខ្យល់ ៣ នាក់ ប្រុស ស្រី ហើយ​បញ្ជូនទៅ​តុលាការ ពាក់ព័ន្ធ​នឹង​ករណី​នាំ​ពលករ ឆ្លងដែន​ទៅធ្វើ​ការ​នៅ​ស្រុកថៃ ដោយ​ខុសច្បាប់ កាលពី​ថ្ងៃទី​១៩ ខែកុម្ភៈ ឆ្នាំ​២០២១ ។​

​លោកស្រី ឧ​ត្ត​ម​សេនីយ៍​ត្រី ឌី សុជាតិ ស្នងការរង ទទួល​ផែន​ការងារ ប្រឆាំង​ការជួញដូរ​មនុស្ស និង​ការពារ​អនីតិជន បាន​ឲ្យ​ដឹងថាៈ ក្រោម​ការបញ្ជា​ផ្ទាល់​របស់ លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ កម្លាំង​សម្ថ​កិច្ច បាន​ទប់ស្កាត់​ពលករ​ឆ្លងដែន​ខុសច្បាប់ ជាច្រើន​នាក់ ក្នុងនោះ ចុះ​ស្រាវជ្រាវ ឃាត់​មេខ្យល់​ប្រុស ស្រី ចំនួន ៣ នាក់ មានៈ ១.​ឈ្មោះ ប៉ោ​ច គឹម​ស៊ឹង ភេទ​ប្រុស អាយុ ២៤​ឆ្នាំ នៅ​ភូមិ​ស្រះ​លិច ឃុំ​ព្រះនេត្រព្រះ ស្រុក​ព្រះនេត្រព្រះ ខេត្តបន្ទាយមានជ័យ , ២.​ឈ្មោះ សេន សា​វី អាយុ ៣៨ ឆ្នាំ ជា​ប្តី និង​៣. ឈ្មោះ វ៉ាន់ សាលី អាយុ ៣៧ ឆ្នាំ ជា​ប្រពន្ធ​របស់​ឈ្មោះ សេន សា​វី រស់នៅ​ភូមិ​ក្បាល ស្ពាន​១ សង្កាត់​ប៉ោយប៉ែត ក្រុង​ប៉ោយប៉ែត ។​

​លោកស្រី បាន​បន្តថាៈ ឈ្មោះ ប៉ោ​ច គឹម​ស៊ឹង នេះ ពាក់ព័ន្ធ​នឹង​ការដឹកជញ្ជូន​ពលករ​ខ្មែរ ចំនួន ៩ នាក់ ជា​អ្នកលក់ដូរ នៅ​ផ្សារ​រុង​ឃ្លឿ ប្រទេស​ថៃ ដែល​បម្រុង​ចូល តាម​ច្រក​អូរ​បី​ជាន់ ប៉ុន្តែ​គេ​បាន​ប្រាប់​ចម្លើយ មុន​អោយ​ពលករ​ទាំងនោះ​ថា បើ​សមត្ថកិច្ច សួរនាំ ត្រូវ​ឆ្លើយថា ទៅ​បន្ទាយឆ្មារ ព្រោះ​ដើម្បី​រួច​ផុតពី​ការឃាត់ខ្លួន​។​
​ប៉ុន្តែ​ពេល​សមត្ថកិច្ច ឃាត់​រថយន្ត​សួរនាំ ពលករ​ទាំងនោះ បាន​និយាយថា ទៅ​លក់​ឥ​វ៉ាន់ នៅ​ផ្សារ​រុង​គឿ ដោយ​គេ​យក​ថ្លៃ​ជូន​ផ្លូវ ចំនួន ៣.០០០ បាត / ម្នាក់ ៗ

​ជនសង្ស័យ ប៉ោ​ច គឹម​ស៊ឹង បាន​ឆ្លើយ​សារភាពថាៈ ខ្លួន​បាន​យក​ថ្លៃ​ដឹកជញ្ជូន ទៅ​ច្រក​អូរ​បី​ជាន់ ចំនួន ១០០.០០០ រៀល / ម្នាក់ៗ ប៉ុណ្ណោះ ។​

​សមត្ថកិច្ច បាន​បន្តថាៈ ជនសង្ស័យ​ទាំង ៣ នាក់ ត្រូវបាន​បញ្ជូន ទៅ​សាលាដំបូង​ខេត្ត ចាត់ការ​តាម​នីតិវិធី​៕/V​

ទីតាំងផ្សាយពាណិជ្ជកម្ម

- Advertisment -

Most Popular