Home ព័ត៌មានជាតិ សន្តិសុខ ​ប្តី​ប្រពន្ធ...

​ប្តី​ប្រពន្ធ បាន​ស្លាប់​ជាមួយគ្នា បន្ទាប់ពី​រថយន្ត បុក ពេល​កំពុង​ជិះ​ម៉ូតូ​

ដោយៈ បូកគោ / កំពត​: គូ​ស្វាមីភរិយា បាន​ស្លាប់​ជា​បន្តបន្ទាប់ ដោយសារ​រថយន្តបុក ពេល​កំពុង​ជិះ​ម៉ូតូឌុប​គ្នា នៅលើ​កំណាត់​ផ្លូវជាតិ​លេខ​៣១ កាលពី​ព្រឹក ថ្ងៃទី​២០ ខែកុម្ភៈ ឆ្នាំ​២០២១ នៅ​ភូមិ​ព្រៃ​ផ្តៅ ឃុំ​ភ្នំ​កុង ស្រុក​អង្គរជ័យ​។​

​លោក ទូច ច​ន្ធី អធិការរង​នគរបាល ស្រុក​អង្គរជ័យ បាន​ប្រាប់​ឱ្យដឹងថាៈ ជនរងគ្រោះ ជា​ប្តី​ឈ្មោះ ស្វាយ ចំរើន អាយុ ៣២​ឆ្នាំ​។ ចំណែក​ប្រពន្ធ ឈ្មោះ ង៉ែត កប អាយុ ២៨​ឆ្នាំ​។ ទាំងពីរ​នាក់ មាន​លំនៅ នៅ​ភូមិ​ភ្នំ​ត្នោត ឃុំ​ភ្នំ​កុង ស្រុក​អង្គរជ័យ ខេត្តកំពត​។​

​ដោយ​ស្រង់​ប្រភព ពី​កន្លែងកើតហេតុ លោក​អធិការរង បាន​រៀបរាប់ថាៈ មុន​គ្រោះថ្នាក់​កើតឡើង គេ​ឃើញ​ជនរងគ្រោះ ជិះ​ម៉ូតូឌុប​គ្នា លើផ្លូវ​ជាតិ​លេខ​៣១ ក្នុងទិសដៅ​ពី​ខាងជើង ទៅខាង​ត្បូង​។ លុះដល់​ចំណុចកើតហេតុ ស្រាប់​តែមាន​រថយន្ត មួយគ្រឿង បើក​មកពី​មុខ ដោយ​ល្បឿន​យ៉ាង​លឿន ហើយ​បុក​ម៉ូតូ ពេញទំហឹង បណ្តាលឱ្យ​ម៉ូតូ​ដួល និង​អ្នកជិះ ខ្ទាត​រដូករណែល លើ​ដងផ្លូវ​។​

​លោក ទូច ច​ន្ធី បានបញ្ជាក់​ថាៈ ក្នុងស្ថានភាព​បែប​នោះ រថយន្ត មិនបាន​ឈប់​ទេ ដោយ​បន្ថែម​ល្បឿន បើក​គេច​បាត់​ភ្លាមៗ​។ លុះ​អ្នកជិតខាង ចូលទៅ​ជួយ ស្រាប់តែ​ឃើញ​អ្នក​ទាំងពីរ បាន​ស្លាប់ ជា​បន្តបន្ទាប់ នៅនឹងកន្លែង​កើតហេតុ​តែម្តង​៕/V​

ទីតាំងផ្សាយពាណិជ្ជកម្ម

- Advertisment -

Most Popular