Home ព័ត៌មានជាតិ វប្បធម៌ ​ភរិយា​ទូត​ម៉...

​ភរិយា​ទូត​ម៉ាឡេស៊ី​ផ្សព្វផ្សាយ​វិធី​ធ្វើ​ម្ហូប​ម៉ាឡេស៊ី​ចែករម្លែក​វប្បធម៌​និង​អាហារ​របស់​ម៉ាឡេស៊ី​ជូន​ប្រជាពលរដ្ឋ​កម្ពុជា​

ដោយៈ​សុផល​/​ភ្នំពេញ​៖ស្ថានទូត​ម៉ាឡេស៊ី​ប្រចាំ​នៅ​កម្ពុជា​,​ក្រុមប្រឹក្សា​ផ្សព្វផ្សាយ​ទេសចរណ៍​ម៉ា​ឡេស៊ី​,​សមាគម​ស្ត្រី​ម៉ាឡេស៊ី​PERWAKILAN​ នាពេល​ថ្មីៗ​នេះ​បានសហការ​រៀប​ចំ​​កម្ម​ធី​ធ្វើ​ម្ហូប​ម៉ាឡេស៊ី ក្នុង​គោលបំណង​ផ្សព្វផ្សាយ​ពី​ម្ហូប​ និង វប្បធម៌​របស់​ម៉ាឡេស៊ី​ជូន​ប្រជា​ពលរដ្ឋ​កម្ពុជា​និង​ពង្រឹង​ទំនាក់ ទំនង​រវាង​ប្រទេស​ទាំងពីរ​។​

​កម្មវិធី​ដែល​ផ្សាយ​បន្ត​ផ្ទាល់​តាមរយៈ​ហ្វេ​ស​ប៊ុ​ក​ផេ​ក Tourism Malaysia KH​ នេះ​ក៏​ធ្វើឡើង​ដើម្បី​ចែករម្លែក​ដល់​ភ្ញៀវ​ទស្សនា​ទាំងអស់​បាន​ស្គាល់​ បានដឹង​ ក៏ដូចជា​ចង់​រម្លឹកដល់​ភ្ញៀវ​ទេស​ចរ​ទាំងអស់​ដែល​ធ្លាប់បាន​ទៅ​កំសាន្ត​និង​ទស្សនា​នៅ​ប្រទេស​ម៉ាឡេស៊ី​និង​ធ្លាប់បាន​ភ្លក់​រស​ជាតិ​​ម្ហូបអាហារ​ម៉ាឡេស៊ី​នាពេល​កន្លងមក​មុន​ការរីក​រាលដាល​នូវ​ជំងឺ​កូ​វីដ​១៩ មុន​ឆ្នាំ​២០២០​មកនេះ​។

​​កម្មវិធី​នេះ​មានការ​ចូលរួម​ជាពិសេស​ផងដែរ​ពី​ចុងភៅ​ជំនាញ​ធ្វើ​ម្ហូប​គឺ​លោកស្រី Masdiana Mohamad ប្រធាន​សមាគម​ស្រី្ត​ម៉ាឡេស៊ី​PERWAKILAN និង​ជា​ភរិយា​របស់ លោក​Eldeen Husaini Mohd Hashim ឯកអគរាជទូត​ម៉ាឡេស៊ី​ប្រចាំ​ព្រះរាជណាចក្រ​កម្ពុជា​, លោកស្រី Yuhiza Md. Yusop ជា​អនុប្រធាន PERWAKILAN សមាគមន៍​ស្រី​ម៉ាឡេស៊ី និង​លោកស្រី ពត រ៉ានី ជា​ប្រធាន​ផ្នែក​ទីផ្សារ​មកពី​ក្រុមប្រឹក្សា​ផ្សព្វផ្សាយ​ទេសចរណ៍​ម៉ាឡេស៊ី​ប្រចាំ​ព្រះរាជា​ណាចក្រ​កម្ពុជា​។

​មុខម្ហូប​ដែល​យកមក​បង្ហាញ​នេះ​រួមមាន ការី​សាច់មាន់ និង​នំ​រ៉ូ​ទី​ចា​ឡា ដែលជា​ម្ហូប​ប្រចាំថ្ងៃ​។​លោកអ្នក​អាច​ញាំ​បាន​គ្រប់ពេល មិន​ថា​អាហារ​ពេលព្រឹក ថ្ងៃត្រង់ ពេល​ល្ងាច និង​អាចជា​អាហារ សម្រន់​ផងដែរ​។​

​សូមបញ្ជាក់ថា​៖​កម្មវិធី​នេះ​ធ្វើឡើង​ដោយ​អនុវត្តតាម​គោលការណ៍​សុវត្ថិភាព​របស់​ក្រសួង​សុខា​ភិបាល​នៃ​ព្រះរាជាណាចក្រ​កម្ពុជា​។​

​លោកស្រី ពត រ៉ានី ប្រធាន​ផ្នែក​ទីផ្សារ​ក្រុមប្រឹក្សា​ផ្សព្វផ្សាយ​ទេសចរណ៍​ម៉ាឡេស៊ី​ប្រចាំ​ព្រះ​រាជាណាចក្រ​កម្ពុជា​បាន​ថ្លែង អំណរគុណ​ដល់​ភ្ញៀវទេសចរ​ទាំងអស់​ដែល​តែងតែ ជួយ​គាំទ្រ ស្រលាញ់​និង​ជ្រើសរើស​ប្រទេស​ម៉ាឡេស៊ី​ជា​គោលដៅ​ដំណើរ​កំសាន្ត​ទេសចរណ៍​ជា​លើក​ដំបូង និង​ក៏​ជា​ដំណើរ​កំសាន្ត​ទៅ​ពេលអនាគត បន្ទាប់ពី​ជំងឺ​កូ​វិដ​១៩ ត្រូវបាន​ស្ងប់ស្ងាត់ និង​បញ្ចប់​ផុត​បាត់​ពី​លោក​យើង​នេះ​៕ph

សូមទស្សនាវីដេអូបង្ហាញពីវិធីធ្វើម្ហូបម៉ាឡេស៊ី៖

https://fb.watch/3MKoP6kSY-/

ទីតាំងផ្សាយពាណិជ្ជកម្ម

- Advertisment -

Most Popular