Home ព័ត៌មានអន្តរជាតិ ប៉ូលិស​មី​យ៉ា...

ប៉ូលិស​មី​យ៉ាន់​ម៉ា ចាប់ខ្លួន​តារា​សម្តែង​ម្នាក់​ក្រោយ​បាញ់សម្លាប់​បាតុករ​២​នាក់​

​ប្រែ​សម្រួលៈ​វាសនា​/​ម៉ាន់​ដា​ឡេ​៖​ប៉ូលិស​មី​យ៉ាន់​ម៉ា​បាន​ចាប់ខ្លួន​តារា​សម្តែង​ល្បីឈ្មោះ​មួយរូប ដោយសារតែ​គាត់​គាំទ្រ​ក្រុម​ប្រឆាំង​នឹង​រដ្ឋប្រហារ​យោធា នេះ​បើ​តាម​ការបញ្ជាក់​អះអាង​ពី​ភរិយា​របស់​លោក​​កាលពី​ថ្ងៃ​អាទិត្យ​នៅ​ពេល​ប៉ុន្មាន​ម៉ោង​បន្ទាប់ពី​មាន​សេចក្តីរាយការណ៍​ថា មនុស្ស​២​នាក់​បាន​ស្លាប់​ដោយ​ការបង្ក្រាប​របស់​ប៉ូលិស និង​ទាហាន​បាញ់​បំបែកហ្វូង​បាតុកម្ម​នៅ​ក្រុង​ម៉ាន់​ដា​ឡេ​។​

​អំពើ​ហិង្សា​នៅ​ក្រុង​ម៉ាន់​ដា​ឡេ ដែល​ជា​ទីក្រុង​ធំ​បំផុត​ទី​២​នៅ​មី​យ៉ាន់​ម៉ា​កាលពី​ថ្ងៃ​សៅរ៍ ជាការ​បង្ហូរឈាម​ធំ​បំផុត​ចាប់តាំងពី​យោធា​ធ្វើ​រដ្ឋប្រហារ​កាលពី​ថ្ងៃ​០១​កុម្ភៈ ដែល​បង្ក​អោយមាន​បាតុកម្ម​មហាជន​​នៅ​ទីក្រុង​នានា​ទូទាំង​ប្រទេស ដើម្បី​ទាមទារ​ការបញ្ចប់​ការគ្រប់គ្រង​យោធា​និង​ដោះលែង​អ្នក​ត្រូវបាន​ចាប់ខ្លួន​។​

​បាតុកម្ម​និង​យុទ្ធនាការ​មិន​គោរព​ច្បាប់​សង្គម​ដូចជា​កូដកម្ម​ការងារ​របស់​អ្នករដ្ឋការ​ស៊ីវិល​មិន​បាន​ថមថយ​ទេ ដោយ​ពួក​ប្រឆាំង​រដ្ឋប្រហារ​មិន​សូវ​ជឿ​ការសន្យា​របស់​ក្រុម​យោធា​ថា​នឹង​រៀបចំ​ការបោះឆ្នោ​​ត​មួយ​ហើយ​ប្រគល់​អំណាច​អោយ​អ្នកឈ្នះ​។​

​សិល្បករ លូ មីន ស្ថិត​ចំណោម​តារា​៦​រូប​ដែល​យោធា​មី​យ៉ាន់​ម៉ា​តាម​រក​ចាប់ខ្លួន នៅក្រោម​ច្បាប់​ប្រឆាំង​ការ​ញុះញង់​អោយ​បុគ្គលិក​រដ្ឋការ​ស៊ីវិល​ចូលរួម​ការប្រឆាំង​តវ៉ា​។​ការចោទប្រកាន់​នេះ​អាច​មាន​ទោស​​ជាប់គុក​២​ឆ្នាំ​។​

​លូ មីន បាន​ចូលរួម​ក្នុង​បាតុកម្ម​ប្រឆាំង​នឹង​រដ្ឋប្រហារ​ជាច្រើន​នៅក្នុង​យ៉ាងហ្គោន​។​

​ភរិយា​របស់​លោក បាន​និយាយ​ក្នុង​វីដេអូ​បង្ហោះ​ក្នុង​ទំព័រ​ហ្វេ​សប៊ុក​ថា ប៉ូលិស​បាន​មក​កាន់​ផ្ទះ​របស់​គេ​នៅ​យ៉ាងហ្គោន​និង​បាន​នាំ​ប្តី​របស់​នាង​យក​ទៅ​។​«​ពួកគេ​បាន​រុញ​ទ្វារ​និង​នាំ​គាត់​យកទៅ ដោយ​មិន​​ប្រាប់​ថា​យក​ទៅ​ណា​ទេ​។​ខ្ញុំ​មិន​អាច​រារាំង​ពួកគេ​បានទេ និង​ពួក​គេ​ក៏​មិន​ប្រាប់​ខ្ញុំ​ដែរ​»​។​

​ក្រុម​សកម្មជន​មួយ​ឈ្មោះ​ថា​សមាគម​ជំនួយ​សំរាប់​អ្នកទោសនយោបាយ បាន​និយាយ​កាលពី​ថ្ងៃ​សៅ​រ៍ថា មនុស្ស​៥៦៩​នាក់​ត្រូវបាន​ចាប់ខ្លួន​ចាប់តាំងពី​រដ្ឋប្រហារ​ម​ក​៕

​សិល្បករ លូ មីន ជា​អ្នកគាំទ្រ​ក្រុមប្រឆាំង​រដ្ឋប្រហារ​។​លោក​ស្ថិត​ចំណោម​តារា​៦​រូប​ដែល​យោធា​មី​យ៉ាន់​ម៉ា​តាម​រក​ចាប់ខ្លួន

ទីតាំងផ្សាយពាណិជ្ជកម្ម

- Advertisment -

Most Popular