Home ព័ត៌មានសំខាន់ៗ នាយទាហាន​កម្ព...

នាយទាហាន​កម្ពុជា​ទទួល​ការចាក់​វ៉ាក់សាំង​បង្ការជំងឺ​កូ​វីដ​-១៩

ដោយៈ​យោធិន​/​ភ្នំពេញៈ​សកម្មភាព​ចាក់​វ៉ាក់សាំង​បង្ការជំងឺ​កូ​វីដ​-១៩ ស៊ីណូ​ហ្វា​ម របស់​ចិន ជូន​ដល់​នាយទាហាន នាយទាហានរង និង​ពលទាហាន​ក្នុង​កងយោធពល​ខេមរភូមិន្ទ​គិត​ចាប់ពី​ថ្ងៃទី​១០ ខែកុម្ភៈ មកដល់​រសៀល​ថ្ងៃទី​២០ ខែកុម្ភៈ​ម្សិលមិញ​សម្រេច​អនុវត្តបាន​ជាង ២​ម៉ឺន​នាក់​(​ដូ​ស​) ហើយ​។​នេះ​បើតាម​ការបញ្ជាក់​ពី​នាយ​ឧ​ត្ត​ម​សេនីយ៍ នាង ផាត រដ្ឋលេខាធិការ​ប្រចាំការ​ក្រសួងការពារជាតិ និង​ជា​ប្រធាន​ក្រុមការងារ ដើម្បី​សម្របសម្រួល ទទួល ទុកដាក់ ប្រើប្រាស់ និង​ចាក់​វ៉ាក់សាំង​កូ​វីដ​-១៩ ជូន​ដល់​កងយោធពល​ខេមរភូមិន្ទ និង​គ្រួសារ​កងទ័ព​ក្នុងឱកាស​អញ្ជើញ​ទទួល​ការចាក់​វ៉ាក់សាំង​នៅ​ថ្ងៃទី​២០ ខែកុម្ភៈ នៅ​មន្ទីរពេទ្យ​ព្រះ​កេតុមាលា ។

នៅ​ថ្ងៃទី​២០ ខែកុម្ភៈ​នេះដែរ​ក៏ មាន​វត្តមាន​មន្ត្រី​យោធា​ជាន់ខ្ពស់​ក្នុង​ស្ថាប័ន​ក្រសួងការពារជាតិ និង​បណ្តាល​អង្គភាព​ផ្សេងៗ​មួយចំនួនទៀត​បាន​អញ្ជើញ​ទៅ​ចាក់​វ៉ាក់សាំង​ការពារ​ជំងឺ​កូ​វីដ​-១៩ នៅ​មន្ទីរពេទ្យ​ព្រះ​កេតុមាលា​ខាងលើ​នេះដែរ​រួមមានៈ​នាយ​ឧ​ត្ត​ម​សេនីយ៍ ស៊ុម សំណាង​, នាយ​ឧ​ត្ត​ម​សេនីយ៍ សែម សុវណ្ណនី អនុប្រធាន​អាជ្ញាធរ​មីន អនុប្រធាន​គណៈកម្មាធិកា​រ​ជាតិ និង​ជា​អគ្គនាយក​មជ្ឈមណ្ឌល​ជាតិ​រក្សា​សន្តិភាព ឧ​ត្ត​ម​សេនីយ៍​ឯក ឃឹម​ជា សា​ឃឿន មេបញ្ជាការរង​នាយសេនាធិការ កងទ័ពជើងគោក ព្រមទាំង​នាយទាហាន និង​ពលទាហាន​មួយចំនួន​ផងដែរ​។
សូមបញ្ជាក់ថាៈ ក្រសួងការពារជាតិ បានចាប់ផ្តើម​ចាក់​វ៉ាក់សាំង​បង្ការ​ជំងឺ​កូ​វីដ​-១៩ ប្រភេទ​ស៉ី​ណូ​ហ្វា​ម​របស់​ចិន លើក​ទី​១ ចាប់ពី​ថ្ងៃទី​១០ ខែកុម្ភៈ ឆ្នាំ​២០២១ នៅក្នុង​មន្ទីរពេទ្យ​កេតុមាលា ហើយក៏​នឹង​បន្ត​ចាក់​នៅតាម​អង្គភាព​សំខាន់ៗ​របស់ខ្លួន​មួយចំនួនទៀត​នាពេលខាងមុខ​។

​សូមបញ្ជាក់ថា ជំនួយ​វ៉ាក់សាំង​របស់​មិត្ត​ចិន ជំហាន​ដំបូង​ចំនួន ៦០​ម៉ឺន​ដូ​ស ក្នុងចំណោម​១​លាន​ដូ​ស ដែល​ផ្តល់ជូន​តាម​សំណើ​ក្រសួងការពារជាតិ ត្រូវបាន​ដឹក​មកដល់​ប្រទេស​កម្ពុជា កាលពី​ថ្ងៃទី​៧ ខែកុម្ភៈ ឆ្នាំ​២០២១ កន្លងទៅនេះ ។ ចំណែក​៤០​ម៉ឺន​ដូ​ស​ទៀត នឹង​មកដល់​កម្ពុជា​ជា​បន្តបន្ទាប់ ៕


ទីតាំងផ្សាយពាណិជ្ជកម្ម

Previous article​អគ្គលេខា​អង្គការសហប្រជាជាតិ​លោក​អង់​តូ​ញ៉ូ ហ្គូ​ទែ​រ៉េស នៅ​ថ្ងៃអាទិត្យ​នេះ​បាន​ថ្កោលទោស​ការប្រើ​«​អំពើហិង្សា​សម្លាប់​មនុស្ស​»​នៅមីយ៉ាន់ម៉ានិង​ថា​«​ការប្រើ​កម្លាំង​អាច​សម្លាប់​មនុស្ស ការបំភិតបំភ័យ​និង​ការ​រំ​​ខាន​ដល់​បាតុករ​អហិង្សា​ជា​ការ​មិន​អាច​ទទួលយក​បាន​»​។​
Next articleការ​ចាក់​វ៉ាក់សាំង​បង្ការ​កូ​វីដ​-១៩ ស៊ី​ណូ​ហ្វា​ម  របស់​ចិន ជូន​ដល់​នាយទាហាន នាយទាហានរង និង​ពលទាហាន​ក្នុង​កងយោធពល​ខេមរភូមិន្ទ​គិត​ចាប់ពី​ថ្ងៃទី​១០ ខែកុម្ភៈ មកដល់​រសៀល​ថ្ងៃទី​២០ ខែកុម្ភៈ​ម្សិលមិញ​សម្រេច​អនុវត្តបាន​ជាង ២​ម៉ឺន​នាក់​(​ដូ​ស​) ហើយ​៕
- Advertisment -

Most Popular