Home ព័ត៌មានអន្តរជាតិ ចិន​អំពាវនាវ​...

ចិន​អំពាវនាវ​ឱ្យ​កំណត់​ទំនាក់ទំនង​ចិន​-​អាម៉េរិក​ឡើងវិញ​ជាមួយ​រដ្ឋបាលបៃដិ​ន​

​ប្រែ​សម្រួល : កញ្ញា​ដា​លី​ស ៖ អ្នកការទូត​ជាន់ខ្ពស់​ចិន​លោក​វ៉ាង យី​បាន​អំពាវនាវ​ឱ្យ​រដ្ឋបាល​ប្រធានាធិបតី​អាម៉េរិក ចូ បៃ​ដិន​ធ្វើការ​ជាមួយ​រដ្ឋាភិបាល​ក្រុង​ប៉េកាំង​ដើម្បី​បើក​ការសន្ទនា​គ្នា​​ឡើងវិញ​រវាង​ប្រទេស​ទាំង​ពីរ​ដើម្បី​ស្តារឡើងវិញ​នូវ​ទំនាក់ទំនង​ទ្វេភាគី​ដែល​រង​ការខូចខាត​ក្រោម​ការដឹកនាំ​របស់​លោក​ដូណាល់ ត្រាំ​។​

​លោក​វ៉ាង ជា​សមាជិក​ទីប្រឹក្សា​រដ្ឋ​ចិន​និង​ជា​រដ្ឋមន្ត្រី​ក្រសួង​ការបរទេស បាន​និយាយថា សកម្មភាព​របស់​រដ្ឋ​បាល​ត្រាំ​ក្នុងការ​គាបសង្កត់​និង​ទប់ទល់​នឹង​ចិន បាន​បង្ក​ផលប៉ះពាល់​មិន​អាច​វាស់វែង​បាន និង អំពាវនាវ​ឱ្យ​រដ្ឋាភិបាល​ក្រុង​វ៉ាស៊ីនតោន​ដក​ពន្ធគយ​លើ​ទំនិញ​ចិន​និង​បោះបង់​ចោល​នូវ​អ្វី​ដែល​លោក​និយាយថា​ជា​ការគាបសង្កត់​ដោយ​មិន​សម​ហេតុផល​លើ​វិស័យ​បច្ចេកវិជ្ជា​ចិន​។​

​លោក​វ៉ាង​ក៏​បាន​ទទូច​ដល់​ទីក្រុង​វ៉ាស៊ីនតោន​ឱ្យ​គោរព​ផលប្រយោជន៍​ស្នូល​របស់​ចិន បញ្ឈប់​ការជ្រៀតជ្រែក​ចូល​កិច្ចការ​ផ្ទៃក្នុង​របស់​ទីក្រុង​ប៉េកាំង និង បញ្ឈប់ “​ទំនាក់ទំនង​”​ជាមួយ​កងកម្លាំង​បំបែក​ខ្លួន​​ដើម្បី​ឯករាជ្យ​តៃវ៉ាន់​។​

​លោក​វ៉ាង​បាន​និយាយ​នៅក្នុង​សុន្ទរកថា​បក​ប្រែជា​ភាសា​អង់គ្លេស​រួចជាស្រេច​ថា “​ក្នុង​រយៈពេល​ប៉ុន្មាន​ឆ្នាំ​កន្លងមកនេះ សហរដ្ឋ​អាម៉េរិក​បាន​កាត់​ផ្តាច់កា​រ​សន្ទនា​ទ្វេភាគី​នៅ​គ្រប់​កម្រិត​ទាំងអស់​។ យើង​បាន​ត្រៀម​ខ្លួន​រួច​ជា​ស្រេច​ដើម្បី​មាន​ការប្រាស្រ័យ​ទាក់ទង​ដោយ​ត្រង់​ជាមួយ​ភាគី​អាម៉េរិក ហើយ​ចូលរួម​ក្នុងការ​សន្ទនា​គ្នា​ដើម្បី​ដោះស្រាយ​បញ្ហា​”​។​

​លោក​វ៉ាង​បានចង្អុលបង្ហាញ​ថា​ការសន្ទនា​តាម​ទូរស័ព្ទ​នាពេល​ថ្មីៗ​នេះ​រវាង​ប្រធានាធិបតី​ចិន​លោក​ស៊ី ជីន​ភីង​និង​លោកចូ បៃ​ដិនថា​ជា​ជំហាន​វិជ្ជមាន​៕

​រដ្ឋមន្ត្រី​ក្រសួង​ការបរទេស​ចិន​លោក វ៉ាង យី នៅ​ថ្ងៃ​ចន្ទ​នេះ​បាន​អំពាវនាវ​អោយ​អាម៉េរិក​ដកចេញ​ការ​រឹតត្បិត​ពាណិជ្ជកម្ម​និង​ការទាក់ទង​រវាង​មនុស្ស​ហើយ​បញ្ឈប់​អ្វី​ដែល​រដ្ឋាភិបាល​ក្រុង​ប៉េកាំង​គិត​​ថា​ជា​ជ្រៀតជ្រែក​មិន​ត្រឹមត្រូវ​នៅ​តំបន់​ទី​បេតិ៍ កោះ​តៃវ៉ាន់ ក្រុង​ហុងកុង និង​តំបន់​ស៊ីន​ជាង

ទីតាំងផ្សាយពាណិជ្ជកម្ម

- Advertisment -

Most Popular