Home ព័ត៌មានសំខាន់ៗ របប​យោធា​មី​យ...

របប​យោធា​មី​យ៉ាន់​ម៉ា​ព្រមាន​”​ងាប់​” នៅ​ពេល​ពួក​ប្រឆាំង​រដ្ឋប្រហារ​អំពាវនាវ​អោយ​ប្រជាជន​ធ្វើ​កូដកម្ម​បាតុកម្ម​បន្ត​

ប្រែ​សម្រួល​៖​វាសនា​/​យ៉ាងហ្គោន​៖ របប​យោធា​មី​យ៉ាន់​ម៉ា បាន​ព្រមាន​ពួក​អ្នក​តវ៉ា​ប្រឆាំង​រដ្ឋប្រហារ​ថា​ពួកគេ​អាច​«​ស្លាប់​»​តែ​មនុស្ស​រាប់ពាន់​នាក់​បាននាំគ្នា​ចេញ​មក​តាម​ដងផ្លូវ​សា​ជា​ថ្មី​កាលពី​ថ្ងៃ​ចន្ទ​​ទី​២២​កុម្ភៈ ហើយ​ភាព​តានតឹង​កើនឡើង​ដោយសារ​តែ​ការស្លាប់​បាតុករ​ដល់​ទៅ​៤​នាក់​។​

​នៅ​ទូទាំង​ប្រទេស​មី​យ៉ាន់​ម៉ា​កំហឹង​សាធារណជន​កំពុង​កើនឡើង​ដោយសារ​តែ​ពួក​ឧត្តមសេនីយ៍​បណ្តេញរ​ដ្ឋា​ភិបាលស៊ី​វិលនិង​ចាប់ខ្លួន​មនុស្ស​ជាង​៥០០​នាក់​រួម​ទាំង​មេដឹកនាំ អ៊ុង​សាន ស៊ូ​ជី​កាលពី​៣​សប្តាហ៍​មុន​។​បាតុកម្ម​មហាជន​បាន​ផ្ទុះឡើង​នៅ​ទូទាំង​ប្រទេស នៅពេល​យុទ្ធនាការ​មិន​ស្តាប់​មិន​គោរព​ច្បាប់​ស៊ីវិល​បាន​និង​កំពុង​ធ្វើអោយ​គាំង​ប្រតិបត្តិការ​របស់​រដ្ឋាភិបាល ព្រមទាំង​ធុរកិច្ច​។​

​សេចក្តីថ្លែងការណ៍​មួយ​ចេញ​ដោយ​ទូរទស្សន៍​រដ្ឋ​MRTV​កាលពី​យប់​ថ្ងៃអាទិត្យ​បាន​និយាយថា « ពួក​អ្នក​ប្រឆាំង​វ៉ា​ឥឡូវ កំពុង​ញុះញង់​ប្រជាជន ជាពិសេស​ពួក​យុវជន​យុវតី​អោយ​ងាក​ទៅ​រក​ផ្លូវ​ប្រឈមមុខ​​មួយ ដែល​នឹង​នាំអោយ​បាត់បង់​ជីវិត​»​។​

​សេចក្តីថ្លែងការណ៍ បាន​ប្រាប់​អ្នក​ប្រឆាំង​តវ៉ា​កុំអោយ​ញុះញង់​បង្ក​«​កុបកម្ម​និង​ភាពអនាធិបតេយ្យ​»​។​

​ការព្រមាន​នេះ​កើត​ឡើង​ក្រោយ​ចុង​សប្តាហ៍​ដែល​មាន​បាតុករ​ស្លាប់​ច្រើន​បំផុត គឺ​អ្នកប្រឆាំង​តវ៉ា​២​នាក់​ត្រូវបាន​សម្លាប់​នៅពេល​កងកម្លាំង​សន្តិសុខ​បាញ់​នៅ​ក្រុង​ម៉ាន់​ដា​ឡេ និង​បុរស​ម្នាក់​ក៏​ត្រូវបាន​​បាញ់​សម្លាប់​នៅ​ក្រុង​យ៉ាងហ្គោន​។​

​ស្ត្រី​វ័យក្មេង​ម្នាក់​ក៏​បាន​ស្លាប់​ក្រោយ​របួស​ក្បាល​ដោយ​ត្រូវ​គ្រាប់កាំភ្លើង​ក្នុងអំឡុងពេល​តវ៉ា​ប្រឆាំង​នៅ​រដ្ឋធានី​ណៃ​ពីដោរ​។​

​ក្នុងពេល​ជាមួយគ្នា តំណាង​ពិសេស​របស់​អង្គការសហប្រជាជាតិ បាន​និយាយថា​លោក​មាន​ការព្រួយបារម្ភ​ជាខ្លាំង​អំពី​ការ​គំរាម​ថ្មី​របស់​យោធា តែ​អ្នកប្រឆាំង​តវ៉ា​ហាក់​មិន​ខ្លាចញញើត​ទេ​នៅ​ថ្ងៃ​ចន្ទ​នេះ​​ដោយ​មនុស្ស​រាប់ពាន់​នាក់​ចេញ​មក​ប្រឆាំង​រដ្ឋប្រហារ​នៅ​ក្រុង​យ៉ាងហ្គោន ៕

​បាតុកម្ម​នៅ​ទីក្រុង​ជា​ច្រើន​ចេញ​ពី​មជ្ឈដ្ឋាន​ជាច្រើន​នៃ​សង្គម​មី​យ៉ាន់​ម៉ា កាលពី​ថ្ងៃអាទិត្យ​ចំពេលបុណ្យសពយុវតីម្នាក់ដែលស្លាប់ដោយត្រូវគ្រាប់ក្នងបាតកម្មនៅក្រុងណៃពីដោរ

 

 

ទីតាំងផ្សាយពាណិជ្ជកម្ម

- Advertisment -

Most Popular