Home ព័ត៌មានសំខាន់ៗ ខេត្តកណ្តាលមន...

ខេត្តកណ្តាលមនុស្ស ៦៥០នាក់ត្រូវបានធ្វើចត្តាឡីស័កនិងម្នាក់ឆ្លងកូវីដ១៩ ក្នុងព្រឹត្តិការណ៍សហគមន៍ ២០ កុម្ភៈ

ដោយ៖តារារិទ្ធ/ភ្នំពេញ៖ព្រឹត្តិការណ៍សហគមន៍ «២០កុម្ភៈ»បានរកឃើញអ្នកឆ្លងកូវីដ១៩ ក្នុងសហគមន៍កើនដល់៧៦នាក់ក្នុងរយៈពេលតែ ៣ ថ្ងៃប៉ុណ្ណោះ ។ ក្នុងនោះអ្នកខេត្តកណ្តាលម្នាក់ក៏បានឆ្លងកូវីដ១៩​ និង មនុស្សចំនួន៦៥០នាក់ត្រូវបានដាក់ឲ្យធ្វើចត្តាឡីស័ក ។ នេះបើយោងតាមលោក ម៉ៅ ភិរុណ ប្រធានក្រុមប្រឹក្សាខេត្តកណ្តាលឲ្យដឹងនាព្រឹកថ្ងៃទី ២២​ខែកុម្ភៈ២០២១ ។

​នៅក្នុង​សន្និសីទ​សារព័ត៌មាន​ស្តិ​ពី​«​វឌ្ឍនភាព​មូលដ្ឋាន ឃុំ សង្កាត់ និង​ទិសដៅ​ការងារ​បន្ដ​របស់​ខេត្តកណ្ដាល​»​ដែល​រៀបចំ​ដោយ​អង្គភាព​អ្នកនាំពាក្យ​រាជរដ្ឋាភិបាល​នៅ​ព្រឹក​ថ្ងៃទី ២២ ខែកុម្ភៈ​ឆ្នាំ ២០២១ លោក ម៉ៅ ភិ​រុណ ប្រធាន​ក្រុមប្រឹក្សា​ខេត្តកណ្តាល​បានបង្ហាញ​ថា ក្នុង​ព្រឹត្តិការណ៍​សហគមន៍ ២០ កុម្ភៈ គិត​មកដល់ពេលនេះ​យើង​បានធ្វើ ច​ត្តា​ឡី​ស័ក​អ្នកពាក់ព័ន្ធ​ដោយផ្ទាល់​និង​ប្រយោល ៦៥០ នាក់ ។​

​លោក ម៉ៅ ភិ​រុណ បាន​ឲ្យ​ដឹងថា​៖​ខេត្តកណ្តាល​មាន​មនុស្ស​ចំនួន​១​នាក់​ដែល​ធ្វើការ​នៅ​ក្លឹប N8 ហើយ​រស់នៅ​ខេត្តកណ្ដាល​មាន​ឆ្លង​កូ​វីត​១៩​ហើយ​បាន​នឹង​កំពុង​សម្រាក​ព្យា បាល​នៅ​មន្ទីរពេទ្យ​,​ហើយ​យើង​បានធ្វើ​ច​ត្តា​ឡី​ស័ក​មនុស្ស​ចំនួន ៦៥០ នាក់​ក្នុងនោះ​ធ្វើ​ច​ត្តា​ឡី​ស័ក​នៅតាម​ផ្ទះ​ចំនួន ៥១១ នាក់​និង​នៅ​មណ្ឌល​ច​ត្តា​ឡី​ស័ក ១៣៩ នាក់​នៅ មណ្ឌល​ចិ​ត្តា​ឡី​ស័ក​ព្រែ​កតា​ពៅ​សង្កាត់​ដើម​មៀន​មាន​៧៧ នាក់ ។ នៅ​កៀនស្វាយ​ព័ត៌មាន​ទាក់ទង​នឹង​ទៅ​ព្រឹត្តិការណ៍​សហគមន៍ ២០​កុម្ភៈ​ក្រសួង​អប់រំ​អនុវិទ្យាល័យ​ឫស្សី ជ្រោយ​សាលាបឋមសិក្សា ហ៊ុន សែន ឫស្សី​ជ្រោយ​ស្រុក​ស្អាង ,​អនុវិទ្យាល័យ​ឫស្សីស្រុក​ស្រុក​កៀនស្វាយ ខេត្តកណ្ដាល​។

​នៅ​ខេត្តកណ្តាល​មាន​យើង​មាន​មណ្ឌល​ច​ត្តា​ឡី​ស័ក ១៨​កន្លែង​ក្នុងនោះ​កំរិត​១ មាន​១២​កន្លែង​និង កំរិត ២​មាន​៦​កន្លែង​។​បច្ចុប្បន្ន​មាន​មនុស្ស​ទៅធ្វើ​ច​ត្តា​ឡី​ស័ក​នៅ​ពញ្ញាឮ មាន​១​នាក់​នៅ​មន្ទីរពេទ្យបង្អែក​ស្រុក ,​នៅ​មណ្ឌល​ច​ត្តា​ឡី​ស័ក​កណ្តាលស្ទឹង​១​នាក់​នៅ​មន្ទីរពេទ្យបង្អែក​ស្រុក​,​នៅ​ខ្សាច់កណ្តាល​មាន​ចំនួន ១១ នាក់​នៅ​មន្ទីរពេទ្យបង្អែក​និង នៅតាម​ផ្ទះ​ចំនួន ៣១៧ នាក់ ,​នៅ​ស្រុក​ល្វាឯម​មាន​២១ នៅ​មណ្ឌល​ច​ត្តា​ឡី​ស័ក​នៅ​វិទ្យាល័យ​ពាម​ឧ​កញ្ញា​អ៊ុង និង ១៨៣ នាក់​នៅតាម​ផ្ទះ ,​នៅ​ស្រុក​កៀនស្វាយ​មាន​ចំនួន ២៨ នាក់​នៅ​មណ្ឌល​ច​ត្តា​ឡី​ស័ក​ក្នុង​សាលាបឋមសិក្សា​គគីរ និង នៅ​ក្រុង​តាខ្មៅ​មាន​៧៧ នាក់​កំពុង​ធ្វើ​ច​ត្តា​ឡី​ស័ក​នៅ​សាលាបឋមសិក្សា​ព្រែក​តា​ពៅ ។

​នៅ​ព្រឹក​ថ្ងៃទី ២២ ខែកុម្ភៈ​នេះ​ក្រសួងសុខាភិបាល​បានប្រកាស​ពី​ការរកឃើញ​ករណី​វិជ្ជមាន​កូ​វីដ​១៩ ចំនួន​៣៥​ករណី​ថ្មី​ដោយ​ក្នុងនោះ​មាន​៣១​នាក់​ជា​អ្នក​ឆ្លង​ក្នុង​សហគមន៍ ដែល​ធ្វើឱ្យ​ចំនួន​អ្នក​ឆ្លង​កូ​វីដ​១៩​ក្នុង​ព្រឹត្តិការណ៍​សហគមន៍​២០​កុម្ភៈ​កើន​ដល់​៧៦​នាក់​។ សេចក្តីប្រកាស​ព័ត៌មាន​របស់​ក្រសួងសុខាភិបាល​ដែល​ចេញ​នៅ​ព្រឹក​នេះ​បានឱ្យដឹង ថា​អ្នក​ឆ្លង​កូ​វីដ​១៩ ពាក់ព័ន្ធ​នឹង​ព្រឹត្តិការណ៍​សហគមន៍​២០​កុម្ភៈ ទាំង​៣១​ករណី​នោះ​មាន​ជនជាតិ​ចិន ១៩​នាក់​,​កូ​រ៉​ខាងត្បូង​ម្នាក់​ដែល​ពួកគេ​ស្នាក់នៅ​រាជធានី​ភ្នំពេញ​ខណៈ ១១​នាក់​ទៀត​ត្រូវបាន​រកឃើញ​លើ​ជនជាតិខ្មែរ​ដែល​ក្នុងនោះ​១០​នាក់​នៅ​រាជធានី​ភ្នំពេញ​និង​ម្នាក់ទៀត​នៅ​ក្រុង​តាខ្មៅ​ខេត្តកណ្តាល ។ ដោយឡែក ៤ កណី​ថ្មី​ទៀត​ជា​ករណី នាំចូល​ដែល​ក្នុងនោះ​ត្រូវបាន​រកឃើញ​លើ​បុរស​ជនជាតិខ្មែរ​វ័យ ៤៣ ដែល​មកពី​ប្រទេស​ហ្គា​ណា​មកដល់​កម្ពុ​ជានា​ថ្ងៃទី​៨ ខែកុម្ភៈ ខណៈ​៣​ករណី​ទៀត​ត្រូវបាន​រកឃើញ​លើ ជនជាតិ​ចិន​៣​នាក់​ដែល​ធ្វើដំណើរ​មកពី​ចិន​ហើយ​មកដល់​កម្ពុ​ជានា​ថ្ងៃទី​១១​ខែ​កម្ភៈ​។​

​តាម​ក្រសួងសុខាភិបាល​បច្ចុប្បន្ន​អ្នកជំងឺ​ត្រូវបាន​ដាក់ឱ្យ​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត មជ្ឈមណ្ឌល​ជាតិ​កំចាត់​រោគរបេង​និង​ហង់​សិន និង​មណ្ឌល​សុខ ភាព​ចាក់អង្រែ​។ ក្រៅពី​ករណី​វិជ្ជមាន​ចំនួន​៣៥​នាក់​ថ្មី ក្រសួង​ក៏បាន​ប្រកាស​ឱ្យដឹងពី​ការព្យាបាល​ជាសះស្បើយ​នូវ​បុរស​និង​ស្ត្រី​ជនជាតិ​ឥណ្ឌា​២​នាក់​ផងដែរ​។​

​គិត​ត្រឹម​ព្រឹក​ថ្ងៃទី​២២​ខែកុម្ភៈ​នេះ​កម្ពុជា​រកឃើញ​អ្នកមាន​កូ​វីដ​១៩​ចំនួន​៥៦៨​នាក់​ដែល​ក្នុងនោះ​ព្យាបាល​ជាសះស្បើយ​៤៧៥​នាក់​និង​កំពុង​សម្រាក​ព្យាបាល​មាន​៨៣​នាក់​៕

ទីតាំងផ្សាយពាណិជ្ជកម្ម

- Advertisment -

Most Popular