ដោយ: ប.ខុន / ភ្នំពេញ: ការងារអ៊ុតបេទីមីន័រ (AC) លើគម្រោងផ្លូវទាំង៣៤ខ្សែនៅក្នុងខេត្តព្រះសីហនុ អនុវត្តបានប្រមាណ៩១,២០ភាគរយនៃផ្ទៃសរុប ១.២៨៥.៣១១ ម៉ែត្រ ក្រឡាក្នុងពេលជាមួយគ្នានេះ ការងារគូសគំនូសចរាចរណ៍លើផ្លូវទាំង៣៤ខ្សែអនុ វត្តបានប្រមាណជា ៣៨.២២ភាគរយ នៃផ្ទៃដែលត្រូវគូស៧០.៩៣៧ម៉ែត្រក្រឡា។
សមិទ្ធផលផ្លូវទាំង៣៤ខ្សែនេះ នឹងសម្ពោធដាក់ឱ្យប្រើប្រាស់ជាផ្លូវការ នៅថ្ងៃទី៩ខែមេសាឆ្នាំ២០២១។
លោក គួច ចំរើន អភិបាលខេត្តព្រះសីហនុ បានប្រាប់ឱ្យដឹងនៅថ្ងៃទី២២ខែ កុម្ភៈឆ្នាំ២០២១ថា ការងារអ៊ុតបេទីមីន័រ (AC) លើគម្រោងផ្លូវទាំង៣៤ខ្សែនៅក្នុង ខេត្តព្រះសីហនុ គិតដល់ត្រឹមថ្ងៃទី២០ខែកុម្ភៈ អនុវត្តបានប្រមាណ ១.១៧២.២២៦ម៉ែត្រក្រឡា ស្មើ៩១.២០ភាគរយ នៃផ្ទៃសរុប ១.២៨៥.៣១១ម៉ែត្រក្រឡា។
ចំណែកឯការងារគូសគំនូសចរាចរណ៍លើផ្លូវទាំង៣៤ខ្សែនេះ លោក គួច ចំរើន បញ្ជាក់ថា អនុវត្តបានប្រមាណជា ២៧.១១០ម៉ែត្រក្រឡា គឺស្មើប្រមាណជា ៣៨.២២ភាគរយ នៃផ្ទៃដែលត្រូវគូស៧០.៩៣៧ម៉ែត្រក្រឡា។
គួររំលឹកឱ្យដឹងថាការអ៊ុតកៅស៊ូបេទីមីន័រលើផ្លូវទាំង៣៤ខ្សែនៅខេត្តព្រះសី ហនុបានចាប់ផ្តើមអនុវត្តជាផ្លូវការនៅថ្ងៃទី២ខែឆ្នូឆ្នាំ២០២០ ដោយក្រុមហ៊ុនឯក ចំនួនបីគឺក្រុមហ៊ុន CCES Engineering Services Co., LTD ទទួល បានផ្លូវ ចំនួន០៥ ខ្សែ, ក្រុមហ៊ុន TCM Engineering Co., LTD ទទួលចំនួន១២ខ្សែ, ក្រុម ហ៊ុន LS Construction (Lee Service Cambodia) PTC., LTD ផ្លូវចំនួន១៧ខ្សែ។
តាមគម្រោងផ្លូវទាំង៣៤ខ្សែនៅខេត្តព្រះសីហនុ ដែលមានប្រវែងជាង៨០គីឡូ ម៉ែត្របានចាក់បេតុងកម្រាស់០.២៥ម៉ែត្ររួចរាល់ជាស្ថាបពរ និងកំពុងដំណើរការអ៊ុតកៅស៊ូបេទីមីន័របន្ថែម ពីលើកម្រាស់០.០៧ម៉ែត្រ គ្រោងធ្វើឱ្យហើយនៅថ្ងៃទី១៥ខែមីនាឆ្នាំ២០២១។
គម្រោងសាងសង់ផ្លូវខាងលើនេះបានបើកការដ្ឋានជាផ្លូវការ ក្រោមអធិបតីភាពដ៏ខ្ពង់ខ្ពស់របស់សម្តេចអគ្កមហាសេនាបតីតេជោ ហ៊ុន សែន នាយករដ្ឋមន្ត្រី កាលពីថ្ងៃទី១៦ខែ វិច្ឆិកាឆ្នាំ២០១៩ ដែលជាគម្រោងបានលើកឡើងដោយគណៈកម្មាធិការជាតិគ្រប់គ្រងនិងអភិវឌ្ឍន៍តំបន់ឆ្នេរសមុទ្រកម្ពុជា ដែលមានលោក ឧប នាយករដ្ឋមន្ត្រីជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ជាប្រធានតាំងពីឆ្នាំ២០១៨មកម្ល៉េះ។
សមិទ្ធផលផ្លូវទាំង៣៤ខ្សែនេះ ត្រូវបានគេគ្រោងសម្ពោធដាក់ឱ្យប្រើប្រាស់ ជាផ្លូវការក្រោមអធិបតីភាពដ៏ ខ្ពង់ខ្ពស់របស់អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី៩ខែមេ សាឆ្នាំ២០២១ខាងមុខ នេះ៕
