ប្រាសាទ​ស្រះស្រង់ សម្ពោធ​បញ្ចប់​ការជួសជុល នៅ​ព្រឹក​នេះ​

ដោយៈ ទេព មង្គល​/ សៀមរាបៈ ប្រាសាទ​ស្រះស្រង់ ត្រូវបាន​សម្ពោធ​បញ្ចប់​ការជួសជុល នៅ​ព្រឹក​ថ្ងៃទី​២២ ខែកុម្ភៈ ឆ្នាំ​២០២១ នេះ ក្រោម​អធិបតីភាព ដ៏​ខ្ពង់ខ្ពស់ របស់លោក​ស្រី កិត្តិ​សង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង​ទំនាក់ទំនង ជាមួយ​រដ្ឋសភា ព្រឹទ្ធសភា និង​អធិការកិច្ច និង​ជា​តំណាង​ដ៏​ខ្ពង់ខ្ពស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន អមដោយ​លោកស្រី បណ្ឌិតសភា​ចា​រ្យ ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ និង​ជា​ប្រធាន​ក្រុមប្រឹក្សាភិបាល អាជ្ញាធរ​ជាតិ​អប្សរា រួម​នឹង​សម្តេចព្រះសង្ឃរាជ នា​ព្រឹក​ថ្ងៃទី​២២ ខែកុម្ភៈ ឆ្នាំ​២០២១​។ នេះ​បើតាម​ការផ្សាយ​របស់​ទំ​ព័រ​ហ្វេ​ស​ប៊ុ​ក​ផ្លូវការ របស់​អាជ្ញាធរ​ជាតិ​អប្សរា នៅ​ថ្ងៃទី​២២ កុម្ភៈ នេះ​។​

​អាជ្ញាធរ​ជាតិ​អប្សរា សូម​សម្តែង​សេចក្តី​អរគុណ យ៉ាង​ជ្រាវ​ជ្រៅ ចំពោះ​វិស័យ​ឯកជន ជាពិសេស​លោកស្រី ឧកញ៉ា នាងវិសាខា អគ្គ​មហា​ឧបាសិកា ពុទ្ធ​សាសនូបត្ថម្ភក៍ កិ​តិ្ត​បណ្ឌិត សៀង ចាន់​ហេង អគ្គនាយិកា​ក្រុមហ៊ុន​ហេង​អភិវឌ្ឍន៍ ដែល​បាន​ចំណាយ​ថវិកា​ផ្ទាល់ខ្លួន ឧបត្ថម្ភ​ការជួសជុល​នេះ​។ ម្យ៉ាងវិញទៀត តាមរយៈ​នៃ​ការជួសជុល និង​រំលេច​រូបរាង ជាថ្មី​ឡើងវិញ ប្រាសាទ​ស្រះស្រង់ បានធ្វើឱ្យ​ទេសភាព​វប្បធម៌ នាពេល​អតីតកាល បាន​រស់រានមានជីវិត ជាថ្មី​ឡើងវិញ និង​អាច​ទាក់ទាញ ភ្ញៀវទេសចរ​ជាតិ​-​អន្តរជាតិ ឱ្យ​ចូលមក​ទស្សនា ប្រាសាទ​នេះ​៕/V​

ទីតាំងផ្សាយពាណិជ្ជកម្ម

- Advertisment -

Most Popular