Home ព័ត៌មានសំខាន់ៗ ​សម្តេច​តេ​ជោ...

​សម្តេច​តេ​ជោ ហ៊ុន សែន សម្រេច​លើក​ពេល​បិទ​សន្និបាត​ក្រសួងមហាផ្ទៃ និង សម្ពោធ​ដាក់ឱ្យ​ដំណើរការ​សណ្ឋាគារ «​ហៃ​យ៉ា​ត់ រី​ជិន​ស៊ី ភ្នំពេញ​»

ដោយៈ​តារា​រិ​ទ្ធ​/​ភ្នំពេញ​៖​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានសម្រេច​ឲ្យ​មានការ​លើក​ពេល​ការរៀបចំ​សន្និបាត​បូកសរុប​លទ្ធផល​ការងារ​ឆ្នាំ​២០២០និង​លើក​ទិសដៅ​ការងារ ឆ្នាំ​២០២១ របស់​ក្រសួងមហាផ្ទៃ និងលើក​ពេល​ពិធី​សម្ពោធ​ដាក់ឱ្យ​ដំណើរការ​សណ្ឋាគារ «​ហៃ​យ៉ា​ត់ រី​ជិន​ស៊ី ភ្នំពេញ (Hyatt Regency Phnom Penh)» ។​

​នេះ​បើ​យោងតាម​សម្តេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​នៅ​យប់​ថ្ងៃទី​២២ ខែកុម្ភៈ ឆ្នាំ​២០២១ នេះ​បានប្រកាស​តាមរយៈ​សារ​សំឡេង​មួយដោយ​សម្រេច​ផ្អាក​ការរៀបចំ​សន្និបាត​បូកសរុប​លទ្ធផល​ការ ងារឆ្នាំ​២០២០ និង ​លើក​ទិសដៅ​ការងារ ឆ្នាំ​២០២១​របស់​ក្រសួងមហាផ្ទៃ​ដែល​គ្រោង​នឹង​រៀបចំឡើង​នៅ​ថ្ងៃទី ២៤ -២៥ ខែកុម្ភៈ ឆ្នាំ ២០២១ ដែល​ពិធី​បិទ​សន្និបាត​សន្និបាត​បូកសរុប​លទ្ធផល​ការងារ​របស់​ក្រសួងមហាផ្ទៃ​នេះ​គ្រោង​នឹងធ្វើ​ឡើង​ក្រោម​អធិបតីភាព​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​នៅ​ល្ងាច​ថ្ងៃទី​២៥ ខែកុម្ភៈ ឆ្នាំ​២០២១ ប៉ុន្តែ​ពេលនេះ​ត្រូវបាន​ផ្អាក​វិញ​ដោយសារ​ការរីក​រាលដាល​ជំងឺ​កូ​វីដ​១៩​។

​ដោយឡែក​កម្មវិធី​សម្ភោ​ធ​សណ្ឋាគារ​«​ហៃ​យ៉ា​ត់ រី​ជិន​ស៊ី​ភ្នំពេញ​»​ដែលជា​សណ្ឋាគារ​វិនិយោគ​រវាង​ខ្មែរ​និង​សហរដ្ឋអា មេរិក​នៅ​ថ្ងៃទី​២៦​ខែកុម្ភៈ​ខាងមុខ​ដែល​សម្តេចតេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន គ្រោង​អញ្ជើញ​ជា​អធិបតី​សម្ពោធ​ដាក់​ដំណើរការ​សណ្ឋាគារ​ក៏ត្រូវ​បាន​លើក​ពេល​ផងដែរ ។ នេះ​បានបញ្ជាក់​របស់តំ ណាង​សណ្ឋាគារ​ប្រាប់​សារព័ត៌​មាននៅ​ទី​២៣ កុម្ភៈ​នេះ​ការសម្រេច​ផ្អាក​កម្មវិធី​នេះ​ដើម្បី​ចូលរួម​ទប់ស្កាត់​ការរីក​រាល ដាល​ជំងឺ​កូ​វីដ​១៩ ។​

​សណ្ឋាគារ ហៃ​យ៉ា​ត់ រី​ជិន​ស៊ី ភ្នំពេញ Hyatt Regency ដែល​ស្ថិតនៅ​កណ្តាល​រាជធានី​ភ្នំពេញ​ជាមួយ​រចនាប័ទ្ម​សម័ យ​អាណានិគមនិយម​បារាំង​ស្ថិតនៅ​លើផ្លូវ​លេខ ១៧៨ ខាងជើង​សាលា​រចនា ។ សណ្ឋាគារ ហៃ​យ៉ា​ត់ សាងសង់ឡើង​ដោយ​ការច្របាច់បញ្ចូលគ្នា​នៃ​ស្ថាបត្យកម្ម​សម័យបុរាណនិងទំនើប​លក្ខណៈ​អន្តរជាតិ​គួបផ្សំ​ជាមួយ​វប្បធម៌​ខ្មែរ​ធ្វើ ឱ្យ​អគារ​ដ៏​ប្រណីត​មួយ​នេះ​ក្លាយទៅជា​មជ្ឈមណ្ឌល​ដ៏​ទំនើប​និង​ផ្តល់នូវ​បទពិសោធ​ដ៏​អស្ចារ្យផ្តល់ជូន​នូវ​អ្វីដែល​ប្លែក​ជាមួយនឹង​គំនិត​ថ្មី​សម្រាប់​ទីផ្សារ​បច្ចុប្បន្ន​។

​សណ្ឋាគារ ហៃ​យ៉ា​ត់ រី​ជិន​ស៊ី ភ្នំពេញ មាន​បន្ទប់​ចំនួន២៤៧បន្ទប់ ភោជនីយដ្ឋាន​ប្រណីត​សាលប្រជុំ​ដ៏​ទំនើបបន្ទប់​ស្ប៉ា ស្កា​យ​បា​រ៍ព្រមទាំង​សេវាកម្ម​ជាច្រើន​ទៀត​។ Market Café & Lounge ត្រូវបាន​រចនា​ឡើង​ដោយ​អនុ ញ្ញាត​ឲ្យ​ពន្លឺព្រះអាទិត្យ​ចាំង​ចូលមក​យ៉ាង​គ្រប់គ្រាន់​និង​មាន​បម្រើ​អាហារ​ដ៏​ឆ្ងាញ់​ពិសា ។ The Attic បា​រ៍​ដែល​ស្ថិតនៅ​ជា​ន់ទី​២​នៃ​វីឡា​សម័យ​អាណានិគម​បារាំង​ក៏ត្រូវ​បាន​រចនា​យ៉ាង​ល្អ​ឯក​ដោយ​ផ្តល់ជូន​បរិយាកាសនៃ​ការច្របាច់បញ្ចូលគ្នា​នៃ​ស្ថាបត្យកម្ម​សម័យ​ទំនើប​និង​សម័យ​អាណានិគម​បារាំង​។ភោជនីយដ្ឋាន FiveFive Rooftop & Bar ដែល  ​ស្ថិតនៅ​ជាន់​ទី​១៤ អាច​មើលឃើញ​ទេសភាព​ដ៏​ត្រកាល​នៃ​ទន្លេចតុមុខ ។ Metropole Underground គឺជា​បា​រ៍​ដែល​ស្ថិតនៅ​ជាន់​ក្រោម​ដី​។​

​ក្រៅពីនេះ សណ្ឋាគារ ហៃ​យ៉ា​ត់ រី​ជិន​ស៊ី ភ្នំពេញ ក៏មាន​អាង​ហែល​ទឹក​កន្លែង​ហាត់ប្រាណ​២៤​ម៉ោង​និង​ស្បា​លំដាប់ថ្នាក់​ពិភពលោក Jivapita ។ សណ្ឋាគា ហៃ​យ៉ា​ត់ រី​ជិន​ស៊ី ភ្នំពេញ​បាន​អភិរក្ស​វី​ទ្បា​សម័យ​អាណានិគម​បារាំង​ដោយបាន​កែលម្អ​ឲ្យ​មាន​ភាពរឹងមាំ​ដោយ​រក្សា​ទម្រង់​និង​រចនាបថ​ដើម​ទាំងស្រុង​ដែល​នេះ​គឺជា​ផ្នែក​មួយ​នៃ​ក​រក្សា​អត្ត សញ្ញា ណ​ក្នុង​តំបន់​។​

​សណ្ឋាគារ ហៃ​យ៉ា​ត់ រី​ជិន​ស៊ី ភ្នំពេញ មាន​ទីតាំង​ស្ថិតនៅ​ចំ​កណ្តាល​សង្កាត់​ពាណិជ្ជក​ម្ម​និង​វប្បធម៌​នៃ​ទីក្រុង​ភ្នំពេញ​នៅក្បែរ​សារមន្ទីរ​ជាតិ ព្រះបរមរាជវាំង សាកលវិទ្យាល័យ​ភូមិន្ទ​វិចិត្រសិល្បៈ សាល​វិចិត្រសិល្បៈ វាល​ព្រះមេរុ ផ្សារ​រាត្រី វត្ត​អារាម​និង​ទន្លេចតុមុខ ដែល​ផ្តល់​ភាពងាយស្រួល​ដល់​ភ្ញៀវ​ជាតិ​និង​អន្តរជាតិ​ក្នុង​ដំណើរ​ទស្សនកិច្ច​នៅ​ទីក្រុង ភ្នំពេញ​ ។

កាលពីយប់ថ្ងៃទី ២២ ខែ កុម្ភៈ ប្រមុខរាជរដ្ឋាភិបាលបានថ្លែងសារពិសេសទៅកាន់ជនរួមជាតិពាក់ព័ន្ធព្រឹត្តិការណ៍សហគមន៍ ២០ខែកុម្ភៈដែលនៅក្នុងសារនោះសម្តេចតេជោ ហ៊ុន សែន បានថ្លែងថាសម្តេចនឹងពិគ្រោះយោបល់​ជា មួយនឹង​សម្ដេច​ក្រឡាហោម ស ខេង ក៏ដូចជា​ពិគ្រោះ​ជាមួយនឹង​កម្មវិធី​សម្ពោធ​សណ្ឋាគារ​នៅ​ទីក្រុង​ភ្នំពេញ​ដើម្បី​នឹង​លុបចោល​កម្មវិធី​នោះឬពន្យាពេលព្រោះថា​សភាពការណ៍​ស្ថិតនៅក្នុង​រង្វង់​នៃ​បញ្ហា​ដែល​ត្រូវ​ពិចារណា​ដើម្បី​រៀប ចំ​សណ្ដាប់ធ្នាប់​ឱ្យបាន​ល្អព្រោះ​ចំណុច​នេះ​គឺជា​ចំណុច​ងាយ ​រងគ្រោះ​ដោយសារ​នេះ​នៅ​ចំរាជធានី​ដែលជា​បេះដូង​របស់​ប្រទេស ៕

 

ទីតាំងផ្សាយពាណិជ្ជកម្ម

Previous articleឯកអគ្គរដ្ឋទូត​អ៊ីតាលី​ប្រចាំ​សាធារណរដ្ឋ​ប្រជាធិបតេយ្យ​កុង​ហ្គោ​ស្ថិតក្នុង​ចំណោម​មនុស្ស ៣​នាក់​ដែល​ត្រូវបាន​សម្លាប់​កាលពី​ថ្ងៃ​ចន្ទ​ទី​២២​កុម្ភៈ​នៅ​ពេល​ក្បួន​រថយន្ត​របស់​​អង្គការសហប្រជាជាតិ​មួយ​ត្រូវបាន​ស្ទាក់​វាយប្រហារ​នៅ​ភាគ​ខាងកើត​ប្រទេស​ដែល​មាន​បញ្ហា​ហិង្សា​របស់​ប្រទេស​នេះ ហើយ​ប្រធានាធិបតី​កុង​ហ្គោ​បាន​ហៅ​វា​ជា “​ការវាយប្រហារ​ភេរវកម្ម​”​និង​បន្ទោស​​ទៅលើ​ក្រុម​ឧទ្ទាមរ​វ៉ាន់ដា​ហ៊ូ​ទូ​។​
Next articleលោកស្រី ឱ វណ្ណឌីនៈ ជោគជ័យឬបរាជ័យនៃការទប់ស្កាត់កការចម្លងវីរុសកូវីដ១៩ គឺអាស្រ័យលើការអនុវត្ត ការចូលរួមរបស់យើងគ្រប់គ្នា៕
- Advertisment -

Most Popular