កង​យោធា​មួក​ខៀវ​កម្ពុជា ដែល​និវត្តន៍ មកពី​បេសកកម្ម អ​.​ស​.​ប ត្រូវធ្វើ​ច​ត្តា​ឡី​ស័ក ២៨ ថ្ងៃ

ដោយៈ យោធិន/ភ្នំពេញៈ ប្រមុខ​កង​យោធា​មួក​ខៀវ​កម្ពុជា បានដាក់​ចេញ​នូវ​វិធានការ ដល់​កង​យោធា​មួក​ខៀវ​កម្ពុជា ដែល​ទើប​ធ្វើ​មាតុភូមិនិវត្តន៍ មកពី​តំបន់​បេសកកម្ម អង្គការ សហប្រជាជាតិ (​អ​.​ស​.​ប ) MINUSCA ពី​សាធារណរដ្ឋ អាហ្វ្រិក​កណ្តាល មកដល់​មាតុ ប្រទេស​វិញ ត្រូវ​បន្តធ្វើ​ច​ត្តា​ឡី​ស័ក ទ្វេដង គឺ​ចំនួន ២៨ ថ្ងៃ​។

​លោកនាយ​ឧ​ត្ត​ម​សេនីយ៍ សែម សុវណ្ណនី អនុប្រធាន​គណៈកម្មាធិកា​រ​ជាតិ និង​ជា​អគ្គ នាយក មជ្ឈមណ្ឌល​ជាតិ រក្សា​សន្តិភាព បាន​សុំ​ការអត់ធ្មត់ ក៏ដូចជា ដាក់ចេញ​នូវ​បទបញ្ជា តម្រូវ​ឲ្យ​ដល់​កង​យោធា​មួក​ខៀវ ដែល​ទើប​បញ្ចប់ បេសកកម្ម នៅ​សាធារណរដ្ឋ អាហ្វ្រិក កណ្តាល កាលពី​រសៀល ថ្ងៃទី​២១ ខែកុម្ភៈ ឆ្នាំ​២០២១ នាអាកាស​យានដ្ឋាន​អន្តរជាតិ ភ្នំពេញ បាន​ថ្លែង​បញ្ជាក់ថាៈ វិធានការ​ក្នុងការ​បង្កើន​ពេលវេលា សម្រាប់​ការធ្វើ​ច​ត្តា​ឡី​ស័ក ខណៈ​បច្ចុប្បន្ននេះ មានការ​កើតឡើង នូវ​បរិមាណ​អ្នក​ឆ្លង មេរោគ​រាតត្បាត កូ​វីដ​-១៩ ផ្ទុះឡើង​នូវ ព្រឹត្តិការណ៍​សហគមន៍ ២០ កុម្ភៈ ក្នុង​ក្រុងភ្នំពេញ នាពេល​ថ្មីៗ​នេះ​ដែលជា កង្វល់​ដល់​រាជរដ្ឋាភិបាល បាននិងកំពុង​បង្កើន​វិធានការ ការពារ​ទប់ស្កាត់​។​

​នាយ​ឧ​ត្ត​ម​សេនីយ៍ សែម សុវណ្ណនី បាន​ថ្លែងបន្តថាៈ ដើម្បី​ការពារ​សុខភាព ផ្ទាល់ខ្លួន ក្រុមគ្រួសារ ក៏ដូចជា ប្រជា​សហគមន៍ ចាំបាច់​កង​យោធា​មួក​ខៀវ​ត្រូវ​ស្នាក់នៅ​ធ្វើ​ច​ត្តា ឡី​ស័ក រយៈពេល ១៤ ថ្ងៃ នៅ​សាលា​ហ្វឹកហ្វឺន កងកម្លាំង​រក្សា សន្តិភាព​ពហុ​ជាតិ ហើយ​បើ​ក្នុង​រយៈពេល ១៤ ថ្ងៃ ត្រូវបាន​ពិនិត្យឃើញថា លទ្ធផល​អវិជ្ជមាន មេរោគ​កូ​វីដ​-១៩ និង​ទទួលបាន​ការអនុញ្ញាត ពី​ក្រសួងសុខាភិបាល បញ្ចប់​ការធ្វើ​ច​ត្តា​ឡី​ស័ក នៅ​មណ្ឌល PKO ផង​នោះ កង​យោធា​មួក​ខៀវ នឹងត្រូវ​បន្តធ្វើ​ច​ត្តា​ឡី​ស័ក ចំនួន ១៤ ថ្ងៃ​ទៀត នៅតាម​លំនៅដ្ឋាន​របស់ខ្លួន មុនពេល​ជួប​ប្រាស្រ័យ ទាក់ទង​ជាមួយ​ក្រុមគ្រួសារ​។​

​ជាមួយនឹង​ការ​ពាំនាំ​ប្រសាសន៍ សាកសួរ​សុខទុក្ខ របស់​សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ និង​ជា​ប្រធាន គណៈកម្មាធិការ​ជាតិ នាយ​ឧ​ត្ត​ម​សេនីយ៍ សែម សុវណ្ណនី ក៏បាន​លើកឡើង នូវ​អនុសាសន៍​ដ៏​ថ្លៃថ្លា​របស់ សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា សំដៅ​ទប់ស្កាត់​វីរុស កូ​វីដ​-១៩​គឺៈ ៣​ការពារ ៣​កុំ និង​វិធាន​របស់ ក្រសួងសុខាភិបាល ដោយ​តម្រូវ​ឲ្យ​ដល់ កង​យោធា​មួក​ខៀវ​កម្ពុជា ទាំង​នៅក្នុង​ប្រទេស និង​ដែល​បាននិងកំពុង​បំពេញបេសកកម្ម អ​.​ស​.​ប តាម​បណ្តា​តំបន់​បេសកកម្ម នាពេល​បច្ចុប្បន្ននេះ អនុវត្ត​ឲ្យ​បាន ជាប់​ជាប្រចាំ​។​

​សូមបញ្ជាក់ថា កង​យោធា​មួក​ខៀវ​កម្ពុជា ក្នុង​កងឯកភាព​វិស្វកម្ម​សំណង់ លេខ​៤៩៥ បានធ្វើ​មាតុភូមិនិវត្តន៍ ពី​តំបន់​បេសកកម្ម MINUSCA នៅ​សាធារណរដ្ឋ អាហ្វ្រិក​កណ្តាល មកដល់​កម្ពុជា​វិញ ដោយ​សុវត្ថិភាព តាម​ជើង​យន្ត​របស់ អ​.​ស​. ប នា​ល្ងាច​ថ្ងៃទី​២១ ខែកុម្ភៈ ឆ្នាំ​២០២១ បន្ទាប់ពី​បានបញ្ចប់​បេសកកម្ម​របស់ អង្គការសហប្រជាជាតិ​រយៈពេល មួយឆ្នាំ​៕/V-PC

ទីតាំងផ្សាយពាណិជ្ជកម្ម

- Advertisment -

Most Popular