Home ព័ត៌មានជាតិ សន្តិសុខ បញ្ជូន​មនុស្ស...

បញ្ជូន​មនុស្ស​៥​នាក់​ចូល​លួច​កាប់​ឈើ​ធ្នង់​ខុសច្បាប់​ទៅ​តុលាការ​

​ដោយៈ​គ្រញូង​/​បាត់ដំបងៈ ខណ្ឌ​រដ្ឋបាល​ព្រៃឈើ​បាត់ដំបង​កាលពី​សៀ​ល​ថ្ងៃទី​២២ ខែកុម្ភៈ ឆ្នាំ​២០២១ បាន​កសាង​សំណុំរឿង​បញ្ជូន​ជនសង្ស័យ​៥​នាក់ ដែល​លួច​កាប់​ឈើ​ធ្នង់​ខុសច្បាប់ និង​វត្ថុតាង​រណារយន្ត​១​គ្រឿង​ទៅ​តុលាការ​ចាត់ការ​តាមច្បាប់​។​

​ជនសង្ស័យ​ទាំង​៥​នាក់​នេះ ត្រូវ​កម្លាំង​អធិការនគរបាល​ស្រុក​បាណន់ ចាប់ខ្លួនបាន​កាលពី​យ​ប់​ថ្ងៃទី​២០ ខែកុម្ភៈ ឆ្នាំ​២០២១ ស្ថិតនៅ​ចំណុច​ដំណាក់​ដង្កោ ភូមិ​ថ្មី ឃុំ​ក​ន្ទឺ​១ ស្រុក​បាណន់ ។​

​សមត្ថកិច្ច​បាន​ឲ្យ​ដឹងថា​ជនសង្ស័យ​ប្រុស​ទាំង​៥​នាក់​រួមមាន ១.​ឈ្មោះ វិ​ន ពិសិដ្ឋ អាយុ​២១​ឆ្នាំ​, ២.​ឈ្មោះ ប្រុស មករា អាយុ​២៦​ឆ្នាំ​, ៣.​ឈ្មោះ ត្រួយ រដ្ឋា អាយុ​២៦​ឆ្នាំ​, ៤.​ឈ្មោះ រ៉​ម បូ​រ៉ី អាយុ​២២​ឆ្នាំ និង​៥.​ឈ្មោះ សុទ្ធ ពិសី អាយុ​២៦​ឆ្នាំ​។ ជន​ទាំង​៥​មាន​ទីលំនៅ​ភូមិ​វត្ត​ក​ន្ទឺ ឃុំ​ក​ន្ទឺ​១ ស្រុក​បាណន់

​ជនសង្ស័យ ទាំង​៥​នាក់​ខាងលើ បានរួម​គ្នា​ប្រើប្រាស់​រណារយន្ត​១​គ្រឿង លួច​កាត់​ដើមឈើ​ធ្នង់​ចំនួន​២​ដើម របស់​ឈ្មោះ ភន សុខន ភេទ​ប្រុស អាយុ​៣៥​ឆ្នាំ នៅ​ភូមិ​ឆាយ​រំពាត់ ឃុំ​ក​ន្ទឺ​២ ស្រុក​បាណន់ ។​

​នៅ​ព្រឹក​ថ្ងៃទី​២១ ខែកុម្ភៈ ដោយ​អនុវត្តតាម​ការ​ណែនាំ​របស់លោក​ឧ​ត្ត​ម​សេនីយ៍​ទោ​សាត គឹម​សាន ស្នងការ​នៃ​ស្នងការ​នគរបាល​ខេត្តបាត់ដំបង និង​មានកា​មានការ​សម្របសម្រួល​នីតិវិធី​ព​លោក គឺ ប៊ុណ្ណា​រ៉ា ព្រះ​រា​អាជ្ញា​អម​សាលាដំបូង​ខេត្តបាត់ដំបង លោក​វរសេនីយ៍ឯក​ប៉ាន់ វ៉ាន់​នី អធិការនគរបាល​ស្រុក​បាណន់​បាន​ដឹកនាំ​កម្លាំង​នគរបាល​ជំនាញ នៃ​អធិការដ្ឋាន​នគរបាល​ស្រុក​បានធ្វើការ​ឃាត់ខ្លួន​ជនសង្ស័យ​ខាងលើ ព្រមទាំង​រឹបអូស​វត្ថុតាង​រណារ​យន្ត​១​គ្រឿង​ហើយ​ប​ញ្ជូ​ទៅ​ឲ្យ​ខណ្ឌ​រដ្ឋបាល​ព្រៃឈើ​ជា​អ្នកចាត់ការ​បន្ត​បញ្ជូនទៅ​តុលាការ​ផ្តន្ទាទោស​តាមច្បាប់​៕​

ទីតាំងផ្សាយពាណិជ្ជកម្ម

- Advertisment -

Most Popular