Home ព័ត៌មានសំខាន់ៗ ថ្នាក់ដឹកនាំ​...

ថ្នាក់ដឹកនាំ​ក្រសួងមហាផ្ទៃ អគ្គស្នងការដ្ឋាន​នគ​របាល​ជាតិ រួមគ្នា​ទប់ស្កាត់​ឲ្យ​ខាន​តែ​បាន​នៃ​ការរីក​រាលដាល​នៃ​វីរុស​កូ​វីដ​១៩

ដោយៈ មុនី​រ័ត្ន​/ភ្នំពេញៈ នាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ អគ្គ​ស្នងការរង​នគរបាលជាតិ បាន​បញ្ជាក់ថា នៅក្នុង​ព្រឹត្តិការណ៍​សហគមន៍ ២០​កុម្ភៈ ក្រោម​បញ្ជា​ដឹកនាំ​ផ្ទា​ល់ពី​សំណាក់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី គឺ​ថ្នាក់ដឹកនាំ​ក្រសួងមហាផ្ទៃ អគ្គស្នងការដ្ឋាន​នគ​របាល​ជាតិ​បាន​យកចិត្តទុកដាក់​ខិតខំ​ជម្រុញ​ធ្វើយ៉ាងណា​រួមគ្នា​ទប់ស្កាត់​ឲ្យ​ខាន​តែ​បាន​នៃ​ការរីក​រាលដាល​នៃ​វីរុស​កូ​វីដ​១៩ កុំ​ឲ្យ​ចូលក្នុង​សហគមន៍ និង​រួមគ្នា​ការពារ​ប្រុងប្រយ័ត្ន​ទាំងអស់គ្នា​កុំ​ឲ្យ​កូ​វីដ​១៩​បន្ត​កើតមាន​តទៅទៀត​។​

រូបថតៈនាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ អគ្គ​ស្នងការរង​នគរបាលជាតិ 

ការបញ្ជាក់​នេះ​បាន​ធ្វើឡើង​នៅក្នុង​ឱកាស​ដែល​លោក​បាន​ដឹកនាំ​មន្ត្រីនគរបាល​នៃ​អគ្គស្នងការដ្ឋាន​នគរ​បាល​ជាតិ ជាង​១០០​នាក់ ទៅ​ចាក់​វ៉ាក់សាំង​ការពារ​ជំងឺ​កូ​វីដ​៩ នៅ​មន្ទីរពេទ្យ​មិត្តភាព​ខ្មែរ​សូ​វៀត នា​ព្រឹក​ថ្ងៃទី​២៣ ខែកុម្ភៈ នេះ​។​

​នាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ បន្តថា នៅក្នុង​សហគមន៍ នៅក្នុង​រាជធានី​ភ្នំពេញ និង​ខេត្តកណ្តាល និង​តាម​បណ្តា​ព្រំដែន គឺ​សមត្ថ​កិច្ចខិតខំ​ទប់ស្កាត់​នៅក្នុង​ការ​លួច​ឆ្លងដែន​ខុសច្បាប់ ដែល​គេចវេស​ពី​ការធ្វើ​ច​ត្តា​ឡី​ស័ក​។​
អគ្គ​ស្នងការរង​នគរបាលជាតិ បាន​បញ្ជាក់ថា “​វ៉ាក់សាំង​ស៊ី​ណូ​ហ្វា​ម​របស់​សាធារណរដ្ឋ​ប្រជាមានិត​ចិន មាន​ប្រសិទ្ធភាព មិន​ថា​នៅក្នុង​ប្រទេស​កម្ពុជា​យើង ក៏ដូចជា​បណ្តា​ប្រទេស​មួយចំនួន​នៅក្នុង​ពិភពលោក ក៏​គេ​បាន​ប្រើប្រាស់​វ៉ាក់សាំង​នេះដែរ មិន​ដូច​ជាការ​ភូតកុហក​បំផ្លើស​អំពី​បញ្ហា​ណា​ដែល​ធ្វើ​ឲ្យ​មានការ​ភ័យខ្លាច​អំពី​ការចាក់​វ៉ាក់សាំង​នេះ​ទេ ពីព្រោះ​យើង​ទទួលបាន​ការចាក់​វ៉ាក់សាំង គឺ​ទទួលបាន​ការការពារ​មួយ​ការពារ​កុំ​ឲ្យ​ឆ្លង​មេរោគ​កូ​វីដ​១៩”៕​សរន

ទីតាំងផ្សាយពាណិជ្ជកម្ម

- Advertisment -

Most Popular