Home ព័ត៌មានអន្តរជាតិ រដ្ឋមន្ត្រីកា...

រដ្ឋមន្ត្រីការបរទេស​ឥណ្ឌូនេស៊ី ៖​បំណងប្រាថ្នា​របស់​ប្រជាជន​មី​យ៉ាន់​ម៉ា គួរ​ត្រូវ​បាន​គោរព​

​ប្រែ​សម្រួលៈ​វាសនា​/​ហ្សា​ការតា​៖​រដ្ឋមន្ត្រីការបរទេស​ឥណ្ឌូនេស៊ី លោកស្រី រ៉េ​តណូ ម៉ា​ស៊ូ​ឌី​បាន​និយាយ​កាលពី​ថ្ងៃ​អង្គារ​ទី​២៣​កុម្ភៈ​ថា អន្តរកាល​របស់​មី​យ៉ាន​ម៉ា​ឆ្ពោះទៅ​កាន់​លទ្ធិប្រជាធិបតេយ្យ ក្រោយ​រដ្ឋ​​ប្រហារ​នៅ​ខែ​នេះ​គួរ​ធ្វើ​តាម​បំណងប្រថ្នា​របស់​ប្រជាជន​នៃ​ប្រទេស​នេះ​។​

​ការលើកឡើង​របស់​លោក​ស្រី​កើត​ឡើង​ក្រោយ​មាន​កំហឹង​ចេញ​ពី​ពួក​អ្នក​តវ៉ា​ប្រឆាំង​រដ្ឋប្រហារ​ចំពោះ​របាយការណ៍​មួយ​ថា ឥណ្ឌូនេស៊ី​កំពុង​ជំរុញ​ផែនការ​មួយ​សំរាប់​សមាគម​អាស៊ាន​បញ្ជូន​អ្នកសង្កេតការ​​ទៅ​ពិនិត្យ​មើល​របប​យោធា​មី​យ៉ាន់​ម៉ា​រៀបចំ​ការបោះឆ្នោត​ដោយ​យុត្តិធម៌ តាម​ការសន្យា​របស់​ខ្លួន​។​

​ពួក​អ្នក​ប្រឆាំង​តវ៉ា ចង់​អោយ​ស្តារ​រដ្ឋាភិបាល​ជាប់ឆ្នោត​ឡើងវិញ​ជាបន្ទាន់ ហើយ​ខ្លះ​អំពាវនាវ​តាម​បណ្តាញ​សង្គម​អោយ​មាន​បាតុកម្ម​នៅ​ស្ថានទូត​ឥណ្ឌូនេស៊ី​នៅ​មី​យ៉ាន់​ម៉ា​ថែមទៀត​។​

​លោកស្រី រ៉េ​តណូ បាន​និយាយ​ក្នុង​សារ​មួយ​បញ្ជូន​ទៅ​កាន់​ទីភ្នាក់ងារ​សារព័ត៌មាន​រ៉​យ​ទ័​រថា «​អន្តរកាល​ប្រជាធិបតេយ្យ​គួរ​ធ្វើ​តាម​បំណងប្រថ្នា​របស់​ប្រជាជនមី​យ៉ាន​ម៉ា​។​ផ្លូវ​ណា​ទៅ​មុខ​ជា​មធ្យោបាយ​ល្អ​​ទៅ​កាន់​ទី​បញ្ចប់​នេះ​។​ឥណ្ឌូនេស៊ី​មាន​ការព្រួយបារម្ភ​ខ្លាំង​អំពី​សភាពការណ៍​នៅ​មី​យ៉ាន់​ម៉ា និង​គាំទ្រ​ប្រជាជន​មី​យ៉ាន់​ម៉ា​។​សុខមាលភាព​និង​សន្តិសុខ​របស់​ប្រជាជន​មី​យ៉ាន់​ម៉ា​ជា​អាទិភាព​ទី​១»​។​

​លោកស្រី​អំពាវនាវ​អោយ​គ្រប់​ភាគី​«​ធ្វើ​ការអត់ធ្មត់​អតិបរមា​ដើម្បី​បញ្ចៀស​ការ​បង្ហូរឈាម​»​។​

​ក្នុង​សន្និសីទកាសែត​មួយ​កាលពី​ថ្ងៃ​អង្គារ អ្នកនាំពាក្យ​ក្រសួងការបរទេស​ឥណ្ឌូនេស៊ី បាន​និយាយថា​ឥណ្ឌូនេស៊ី​មិនបាន​ផ្លាស់ប្តូរ​គោលជំហរ​ស្តី​ពី​មី​យ៉ាន់​ម៉ា​ដោយ​ងាក​ទៅ​គាំទ្រ​ការបោះឆ្នោត​ថ្មី​ណាមួយ​​ក្រោយ​យោធា​ធ្វើ​រដ្ឋប្រហារ​បណ្តេញ​រដ្ឋាភិបាល​ជាប់​ឆ្នោត​ទេ​៕

រដ្ឋមន្ត្រីការបរទេស​ឥណ្ឌូនេស៊ី លោកស្រី រ៉េ​តណូ ម៉ា​ស៊ូ​ឌី កំពុង​កៀរគរ​ការគាំទ្រ​អោយ​មាន​កិច្ចប្រជុំ​ពិសេស​មួយ​របស់​សមាគម​អាស៊ាន​ដើម្បី​ពិភាក្សា​អំពី​វិបត្តិ​មី​យ៉ាន់​ម៉ា ចំ​ពេល​មាន​របាយការណ៍​ថា រដ្ឋា​ភិ​​បាល​ក្រុង​ហ្សា​ការតា​គាំទ្រ​ផែនការប​ញ្ជូ​ន​អ្នកសង្កេតការ​អា​សាន​ទៅ​ពិនិត្យ​មើល​ការបោះឆ្នោត​ដែល​ក្រុម​យោធា​មី​យ៉ាន់​ម៉ា​បាន​សន្យា​ធ្វើ​

ទីតាំងផ្សាយពាណិជ្ជកម្ម

Previous articleស្ទឹង​មង្គលបុរី​ដែលជា​ស្ទឹងធំ​និង​វែង​ជាងគេ​បង្អស់​ទី​១ នៅ​ខេត្តបន្ទាយមានជ័យ ចាប់ផ្តើម​រីង​ខះ​ដូច​រាល់​ឆ្នាំ​ពី​ឆ្នាំ​២០១៦​មក​។​
Next article​រដ្ឋមន្ត្រីការបរទេស​ឥណ្ឌូនេស៊ី លោកស្រី រ៉េ​តណូ ម៉ា​ស៊ូ​ឌី​បាន​និយាយ​កាលពី​ថ្ងៃ​អង្គារ​ទី​២៣​កុម្ភៈ​ថា អន្តរកាល​របស់​មី​យ៉ាន​ម៉ា​ឆ្ពោះទៅ​កាន់​លទ្ធិប្រជាធិបតេយ្យ ក្រោយ​រដ្ឋ​​ប្រហារ​នៅ​ខែ​នេះ​គួរ​ធ្វើ​តាម​បំណងប្រថ្នា​របស់​ប្រជាជន​នៃ​ប្រទេស​នេះ​។​​ការលើកឡើង​របស់​លោក​ស្រី​កើត​ឡើង​ក្រោយ​មាន​កំហឹង​ចេញ​ពី​ពួក​អ្នក​តវ៉ា​ប្រឆាំង​រដ្ឋប្រហារ​ចំពោះ​របាយការណ៍​មួយ​ថា ឥណ្ឌូនេស៊ី​កំពុង​ជំរុញ​ផែនការ​មួយ​សំរាប់​សមាគម​អាស៊ាន​បញ្ជូន​អ្នកសង្កេតការ​​ទៅ​ពិនិត្យ​មើល​របប​យោធា​មី​យ៉ាន់​ម៉ា​រៀបចំ​ការបោះឆ្នោត​ដោយ​យុត្តិធម៌ តាម​ការសន្យា​របស់​ខ្លួន​។​
- Advertisment -

Most Popular