Home ព័ត៌មានសំខាន់ៗ អភិបាល​រាជធាន...

អភិបាល​រាជធានីៈ​ម៉ាស​មួយ​លាន​របស់់​សម្តេច​តេ​ជោ ប្រៀបបាន​ផ្ដល់​អាហារ​ដល់​អ្នក​ដែល​កំពុងតែ​ឃ្លាន​

ដោយៈ​រ៉ា​ម៉ន​/​ភ្នំពេញៈបន្ទាប់ពី​ទទួលបាន​អំណោយ​ជា​ម៉ាស​ចំនួន​មួយ​លាន​ម៉ាស​ពីស​ម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា លោក ឃួ​ង ស្រេង អភិបាល​រាជធានី​ភ្នំពេញ​នៅ​ថ្ងៃទី​២៣ ខែកុម្ភៈ​នេះ បាន​គោរព​ថ្លែងអំណរគុណ​ចំពោះ​សម្ដេច​តេ​ជោ​ហ៊ុនសែន ដែល​បានផ្ដល់​ម៉ាស​សម្រាប់​ចែកជូន​បន្ត​ដល់​ប្រជាពលរដ្ឋ​ក្នុង​រាជធានី​។​

រូបថតៈលោក ឃួ​ង ស្រេង អភិបាល​រាជធានី​ភ្នំពេញ​នៅ​ថ្ងៃទី​២៣ ខែកុម្ភៈ​នេះ បាន​គោរព​ថ្លែងអំណរគុណ​ចំពោះ​សម្ដេច​តេ​ជោ​ហ៊ុនសែន ដែល​បានផ្ដល់​ម៉ាស​សម្រាប់​ចែកជូន​បន្ត​ដល់​ប្រជាពលរដ្ឋ​ក្នុង​រាជធានី​

​លោក​អភិបាល​បាន​បញ្ជាក់ថា​ការឧបត្ថម្ភ​ម៉ាស​បន្ថែម​ពី​សំណាក់​សម្ដេច​តេ​ជោ ហ៊ុន សែន នាពេលនេះ គឺ​ប្រៀបបាន​ទៅនឹង​ការផ្ដល់​អាហារ​ដល់​អ្នក​ដែល​កំពុងតែ​ស្រេកឃ្លាន មាន​សេចក្ដីត្រូវការ​ប្រចាំថ្ងៃ​។​

​សម្តេច​តេ​ជោ​នាយករដ្ឋមន្ត្រី​កម្ពុជា នៅ​ថ្ងៃទី​២៣ ខែកុម្ភៈ​នេះ បានសម្រេច​ផ្តល់​អំណោយ​ម៉ាស​ក្រណាត់​ចំនួន​មួយ​លាន ដល់​រដ្ឋបាល​រាជធានី​ភ្នំពេញ ដើម្បី​យកទៅ​ចែកជូន​ដល់​ប្រជាពលរដ្ឋ​ដោយ​ឥតគិតថ្លៃ​។ នេះ​បើតាម​ការបញ្ជាក់​របស់​លោកស្រី យក់ សម្បត្តិ រដ្ឋលេខាធិការ​ក្រសួងសុខាភិបាល ។​

​ការឧបត្ថម្ភ​អំណោយ​ម៉ាស​នេះ ធ្វើឡើង​ដើម្បី​ចូលរួម​បង្ការ​ទប់ស្កាត់​ការរីក​រាលដាល​ជំងឺ​កូ​វីដ​១៩ ចូល​សហគមន៍​ទ្រង់ទ្រាយ​ធំ ខណៈ​អ្នក​ឆ្លង​ជំងឺ​កូ​វីដ​១៩ ក្នុង “​ព្រឹត្តិការណ៍​សហគមន៍ ២០​កុម្ភៈ​” កំពុង​បន្ត​កើន​ឡើ​ន​ឡើង​គួរ​ឲ្យ​បារម្ភ​។ គិត​ត្រឹម​ម៉ោង​៧​ព្រឹក​ថ្ងៃទី​២៣ ខែកុម្ភៈ ឆ្លង​ក្នុង​សហគមន៍​នៃ​ព្រឹត្តិការណ៍​២០​កុម្ភៈ​មាន​ចំនួន ៩៩​នាក់​៕​សរន

រូបថតៈលោក ឃួ​ង ស្រេង អភិបាល​រាជធានី​ភ្នំពេញ​នៅ​ថ្ងៃទី​២៣ ខែកុម្ភៈ​នេះ បាន​គោរព​ថ្លែងអំណរគុណ​ចំពោះ​សម្ដេច​តេ​ជោ​ហ៊ុនសែន ដែល​បានផ្ដល់​ម៉ាស​សម្រាប់​ចែកជូន​បន្ត​ដល់​ប្រជាពលរដ្ឋ​ក្នុង​រាជធានី​

ទីតាំងផ្សាយពាណិជ្ជកម្ម

- Advertisment -

Most Popular