Home ព័ត៌មានសំខាន់ៗ ថៃ​ពិចារណា​ដក...

ថៃ​ពិចារណា​ដក​ចោល​ការធ្វើ​ចត្តា​ឡីស័​ក​សំរាប់​ភ្ញៀវទេសចរណ៍​ដែលកាន់​កាតចាក់​វ៉ាក់សាំង​

​ប្រែ​សម្រួលៈ​វាសនា​/​បាងកក​៖​ថៃ​អាច​លុបចោល​ការធ្វើ​ចត្តា​ឡីស័​ក​សំរាប់​ភ្ញៀបទេសច​រណ៍ណា​ដែល​បានចាក់​វ៉ាក់សាំង​រួច​ហើយ​ប្រឆាំង​នឹង​កូ​វីដ​១៩ ដោយសារ​វា​ប្រហែល​ជា​វិធី​មួយ​ដើម្បី​ជួយ​អោយ​ឧស្សាហកម្ម​​ទេសចរណ៍​នៃ​ប្រទេស​រស់​ឡើង​វិញ នេះ​បើ​តាម​លោកនាយក​រដ្ឋមន្ត្រី ប្រា​យុទ្ធ ចាន់​អូ​ចា​។​

​ក្រោយ​កិច្ចប្រជុំ​គណៈរដ្ឋមន្ត្រី​កាលពី​ថ្ងៃ​អង្គារ លោក​ប្រា​យុទ្ធ បាន​និយាយថា ជនបរទេស​ដែល​មក​ទស្សនា​ថៃ​អាច​មិន​ធ្វើ​ចត្តា​ឡី​ស័ក​២​សប្តាហ៍​បើសិនជា​ពួកគេ​កាន់​កាត​ចាក់​វ៉ាក់សាំង​តែ​អាជ្ញាធរ​នៅ​បន្ត​​តាមដាន​ពួកគេ​។​

​សូមបញ្ជាក់​ថា ថៃ​ទើប​សំរេច​អនុញ្ញាត​អោយ​ប្រើ​វ៉ាក់សាំង​កូវី​ដ​១៩​របស់​ក្រុមហ៊ុន​ចិន ស៊ីណូ​វ៉ាក់ ប៊ីយ៉ូ​តិច និង​វ៉ាក់សាំង​អា​ស្ត្រា​ហ្សេ​នី​ការបស់​អង់គ្លេស​និង​ស៊ុយអែត​សំរាប់​ប្រើប្រាស់​ក្នុង​គ្រាអាសន្ន និង​បាន​​បញ្ជា​ទិញ​៦៣​លាន​ដូសពី​ក្រុមហ៊ុន​ទាំងពី​រ​។​

​នៅ​ថ្ងៃស្អែក​ទី​២៤​កុម្ភៈ ថៃ​គ្រោង​នឹង​ទទួល​វ៉ាក់សាំង​ចិន​ក្រុម​ដំបូង​ក្នុងចំណោម​វ៉ាក់សាំង​ចំនួន​២​លាន​ដូស ដែល​នឹង​អនុញ្ញាត​អោយ​ខ្លួន​អាច​ចាប់ផ្តើម​កម្មវិធី​ចាក់​វ៉ាក់សាំង​ទូទាំង​ប្រទេស​នៅ​យ៉ាង​ឆាប់​នៅ​​សប្តាហ៍​ក្រោយ​។​

​បើ​តាម​លោក​ប្រា​យុទ្ធ ថៃ​ក៏​នឹង​អនុញ្ញាត​អោយ​នាំចូល​វ៉ាក់សាំង​កូវី​ដ​១៩​ម៉ាក​ផ្សេងៗ​បើ​វា​បំពេញ​តាម​ច្បាប់​ក្នុងស្រុក ហើយ​មន្ទីរពេទ្យ​ឯកជន​នឹង​ត្រូវ​អនុញ្ញាត​អោយ​ចាក់​វ៉ាក់សាំង​សំរាប់​អតិថិជន​ផងដែរ​​ដោយ​រដ្ឋាភិបាល​នឹង​គ្រប់គ្រង​ការ​ចែកចាយ​វ៉ាក់សាំង​នៅ​ដំណាក់កាល​ដំបូងៗ​ប៉ុណ្ណោះ​។​លោក​ថា​«​ក្រុមហ៊ុន​ជាច្រើន​ចាប់អារម្មណ៍​ក្នុងការ​នាំចូល​វ៉ាក់សាំង​និង​ជា​ការល្អ​ដែល​មាន​វ៉ាក់សាំង​លើស​៦៥​លាន​​ដូសដែល​រដ្ឋាភិបាល​បា​ន​បញ្ជា​ទិញ​»​។​

​សូមបញ្ជាក់​ថា កាលពី​រសៀល​ថ្ងៃ​អង្គារ ថៃ​បាន​ប្រកាស​រកឃើញ​អ្នក​ឆ្លងកូវី​ដ​១៩​ចំនួន​៩៥​ករណី​បន្ថែមទៀត ក្នុងនេះ​៩៣​នាក់​ឆ្លង​នៅក្នុង​ស្រុក និង​ចូល​មក​ពី​ក្រៅ​តែ​២​នាក់​ទេ​។​ចំនួន​ឆ្លង​ថ្មី​នេះ​ធ្វើអោយ​​ថៃ​មាន​អ្នក​ឆ្លង​សរុប ២៥.៥៩៩​នាក់ តែ​២៤.៤៤៦​នាក់​បាន​ជាសះស្បើយ និង​នៅសល់តែ​១.០៧០​នាក់​កំពុង​សម្រាក​ព្យាបាល​នៅ​តាម​មន្ទីរពេទ្យ ចំណែក​អ្នកជំងឺ​កូវី​ដ​១៩​ស្លាប់​មាន​ចំនួន​៨៣​នាក់​ដដែល​។​

​ពិភពលោក​ថៃ​នេះ​មាន​អ្នក​ឆ្លង​កើន​២៨៦.១១៦​នាក់​ទៀត រហូត​ដល់​ចំនួន​សរុប​១១២,២៦​លាន​នាក់ និង​ស្លាប់​២,៤៨​លាន​នាក់ បន្ទាប់​ពី​អ្នកជំងឺ​៦.៥២២​នាក់​ទៀត​បាន​ស្លាប់​នៅ​២៤​ម៉ោង​កន្លងទៅ​៕

នាយករដ្ឋមន្ត្រី​ថៃ បានបញ្ជាក់​អះអាងថា​លោក​នឹង​ទៅ​ទទួល​វ៉ាក់សាំង​ចិន​ស៊ីណូ​វ៉ាក់នៅ​ថ្ងៃស្អែក តែរដ្ឋមន្រ្តីសុខាភិបាលអះអាងនៅថ្ងៃនេះថា លោកប្រាយុទ្ធនឹង​ចាក់​វ៉ាក់សាំង​អា​ស្ត្រា​ហ្សេ​នី​ដូសដំបូងទៅវិញ

ទីតាំងផ្សាយពាណិជ្ជកម្ម

- Advertisment -

Most Popular