Home ព័ត៌មានជាតិ សង្គម យោធិន​ជាង ២​ព...

យោធិន​ជាង ២​ពាន់​នាក់ បាន​ចាក់​វ៉ាក់សាំង​ស៊ី​ណូ​ហ្វា​ម នៅ​ទីបញ្ជាការ​កងពលតូច​លេខ​៧០

ដោយ​: មុនី​រ័ត្ន / ភ្នំពេញ​: យោធិន​ជាង ២​ពាន់​នាក់ បាន​ចាក់​វ៉ាក់សាំង​ស៊ី​ណូ​ហ្វា​ម នៅ​ទីបញ្ជាការ​កងពលតូច​លេខ​៧០ កាលពី​ថ្ងៃទី​២២-២៣ ខែកុម្ភៈ ឆ្នាំ​២០២១​។ យោធិន​ដែល​ចាក់​វ៉ា​ក់ គឺ​អង្គភាព​ចំណុះ​បញ្ជាការដ្ឋាន​កងទ័ពជើងគោក មានដូចជា កងពលតូច​លេខ​៧០ កងពលតូច​លេខ​១៤ បញ្ជាការដ្ឋាន​វិស្វកម្ម បញ្ជាការដ្ឋាន​ការពារ​អាកាស យោធភូមិភាគ​១ យោធភូមិភាគ​២​។​

​នៅ​ថ្ងៃទី​២៣ ខែកុម្ភៈ ឆ្នាំ​២០២១ នេះ កងពលតូច​លេខ​៧០ បានរៀបចំ​ចាក់​វ៉ាក់សាំង​ការពារ​កូ​វីដ​-១៩ ជូន​យោធិន សរុប​ចំនួន ១,០៥០​នាក់ ដែលមាន​អង្គភាព​ចំណុះ​បញ្ជាការដ្ឋាន​កងទ័ពជើងគោក ចំនួន​៥​អង្គភាព​មានដូចជា​៖ កងពលតូច​លេខ​៧០ កងពលតូច​លេខ​១៤ បញ្ជាការដ្ឋាន​វិស្វកម្ម កងទ័ព​ជើ​គោក បញ្ជាការដ្ឋាន​ការពារ​អាកាស​។ កាលពី​ថ្ងៃទី​២២ ខែកុម្ភៈ ឆ្នាំ​២០២១ បាន​ចាក់​វ៉ាក់សាំង​ជូន​យោធិន​ចំនួន ១១៩៩​នាក់​។ សរុប​ទាំងពីរ​ថ្ងៃ គឺមាន​ចំនួន ២២៤៩​នាក់​។​

​ការចាក់​វ៉ាក់សាំង​ការពារ​ជំងឺ​កូ​វីដ​-១៩​នេះ ក្រោម​ការដឹកនាំ​ដោយ​ឧ​ត្ត​ម​សេនីយ៍​ឯក ម៉ៅ សុផាន់ មេបញ្ជាការរង​កងទ័ព​ជើងគោក មេបញ្ជាការ​កងពលតូច​លេខ​៧០ និង​មានការ​ចូលរួម​ដោយ មេបញ្ជាការរង នាយទាហាន នាយទាហានរង និង​ពលទាហាន​ទាំងអស់ កងពលតូច​លេខ​៧០ ដើម្បី​ចាក់​វ៉ាក់សាំង​ស៉ី​ណូ​ហ្វា​ម ប្រឆាំង​ជំងឺ​កូ​វីដ​-១៩ ដែលជា​ជំនួយ​របស់​រដ្ឋាភិបាល​សាធារណៈរដ្ឋ​ប្រជាមានិត​ចិន​។​

​ឧ​ត្ត​ម​សេនីយ៍​ឯក ម៉ៅ សុផាន់ បាន​មានប្រសាសន៍​ទៅកាន់​នាយទាហាន ពលទាហាន​ទាំងអស់​ថា ត្រូវ​ជឿជាក់​លើ​វ៉ាក់សាំង​ស៊ី​ណូ​ហ្វា​ម​នេះ ព្រោះ​ទម្រាំ​ផលិត​បាន​វ៉ាក់សាំង​មួយ គឺមាន​ការគិតគូរ និង​សិក្សា​ល្អិតល្អន់​ជាទីបំផុត ដូច្នេះ​កុំ​មានការ​ព្រួយបារម្ភ​នៅពេល​ចាក់ ដោយ​គ្រាន់តែ​អនុវត្តតាម​ការណែនាំរ​បស់​គ្រូពេទ្យ​ជំនាញ​ឲ្យ​បាន​ត្រឹមត្រូវ​។ មួយវិញទៀត ត្រូវ​ជឿជាក់​លើ​ការសម្រេចចិត្ត​ដ៏​ត្រឹមត្រូវ និង​ខ្ពង់ខ្ពស់​បំផុត​របស់​ស​ម្ដេច​តេ​ជោ ហ៊ុន សែន ដែល​ទទួលយក​វ៉ាក់សាំង​ស៉ី​ណូ​ហ្វា​ម​នេះ មកចាក់​ជូន​ប្រជាពលរដ្ឋ​កម្ពុជា​ដោយ​ឥតគិតថ្លៃ ពី​សំណាក់​សាធារណៈរដ្ឋ​ប្រជាមានិត​ចិន​។​

​វ៉ាក់សាំង​បង្ការ​ជំងឺ​កូ​វីដ​-១៩ របស់​ចិន ចំនួន​៦០​ម៉ឺន​ដូ​ស​នេះ ជា​ប្រភេទ​វ៉ាក់សាំង​ស៉ី​ណូ​ហ្វា​ម ដែល​ផលិត​ដោយ​រដ្ឋាភិបាល​ចិន បាន​បញ្ជូន​មកដល់​ប្រទេស​កម្ពុជា កាលពី​រសៀល​ថ្ងៃទី​៧ ខែកុម្ភៈ​។ ក្រោយ​មកដល់​ប្រទេស​កម្ពុជា វ៉ាក់សាំង​ស៉ី​ណូ​ហ្វា​ម​ទាំងនេះ បាន​ត្រូវ​ប្រគល់ជូន​ក្រសួងការពារជាតិ​ចំនួន ៣០​ម៉ឺន​ដូ​ស និង​ប្រគល់ជូន​ក្រសួងសុខាភិបាល​ចាត់ចែង​ចំនួន ៣០​ម៉ឺន​ដូ​ស​៕​

ទីតាំងផ្សាយពាណិជ្ជកម្ម

- Advertisment -

Most Popular