Home ព័ត៌មានសំខាន់ៗ យុទ្ធនា​ការចា...

យុទ្ធនា​ការចាក់​វ៉ាក់សាំង​បង្ការជំងឺ​កូ​វីដ​១៩​នៅ​ខេត្តបន្ទាយមានជ័យ​ដំណើរការ​រ​ដោយ​លូន​

ដោយៈ​ភ្នំ​ស្វាយ​/​បន្ទាយ​មាន​ជ័​យៈយុទ្ធនា​ការចាក់​វ៉ាក់សាំង​បង្ការ​កូ​វីដ​១៩​នៅ​ខេត្តបន្ទាយមានជ័យ​ដែលជា​ខេត្ត​មាន​ព្រំប្រទល់់​ជាប់​នឹង​ប្រទេស​ថៃ​បាន​ដំណើរការ​រ​ដោយ​លូន​ពេល​ចាប់ផ្តើម​នៅ​ព្រឹក​ថ្ងៃទី​២៤​ខែកុម្ភៈ​នៅ​បួន​ទីតាំង​។​អាទិភាព​នៃ​ការចាក់​គឺ​មន្ត្រី​សុខាភិបាល គ្រូពេទ្យ កម្លាំង​នគរបាល អភិបាលរង​ខេត្ត អភិបាល អភិបាលរង​ស្រុក​ក្រុង ប្រធាន អនុប្រធាន​មណ្ឌល​ច​ត្តា​ឡី​ស័ក​ក​ម្រិត​១,​ក​ម្រិត​២ ដែល​បំពេញការងារ​ប្រចាំ​មណ្ឌល​ច​ត្តា​ឡី​ស័ក​នានា​តែប៉ុណ្ណោះ​។​លោក​អ៊ុំ​រាត្រី​អភិបាលខេត្ត​,​លោក​ខេង​ស៊ុម​ប្រធាន​ក្រុមប្រឹក្សា​ខេត្តបន្ទាយមានជ័យ​និង​មន្ត្រី​ក្រុមការងារ​បាន​ចូលរួម​ក្នុង​យុទ្ធនាការ​មុនគេ​។​

យុទ្ធនា​ការចាក់​វ៉ាក់សាំង​បង្ការជំងឺ​កូ​វីដ​១៩​នៅ​ខេត្តបន្ទាយមានជ័យ​ដំណើរការ​រ​ដោយ​លូន​(រូបថត ភ្នំស្វាយ)

​លោក​វេជ្ជបណ្ឌិត​ឡេ ច័ន្ទ​សង្វាត ប្រធាន​មន្ទីរ​សុខាភិបាល​ខេត្តបន្ទាយមានជ័យ​ដែល​បាន​ចាក់​វ៉ាក់សាំង​ខ្លួន​លោក​ដែរនោះ អោយដឹង​ថ្ងៃទី​២៤​ខែកុម្ភៈ ថា ដំណើរការ​ដំបូង​នៃ​យុទ្ធនាការ​នេះ បាន​ប្រព្រឹត្ត​ទៅដោយ​រលូន ។​ចំណែក​លោក​វេជ្ជបណ្ឌិត ចន្ទ​វិ​ឌ្ឍី ណា​វុ​ឌ្ឍ ប្រធាន​មន្ទីរពេទ្យ​ខេត្ត​មិត្តភាព​ខេត្ត​មិត្តភាព​កម្ពុជា ជប៉ុន បាន​ឲ្យ​ដឹងថា​ទីតាំង បុគ្គលិក​បម្រើការ និង​ទីតាំង​បានរៀបចំ ហើយ​ដំណើរការ​ប្រព្រឹត្តទៅ​ដូច​គ្រោងទុក ។​

​សូមបញ្ជាក់ថា ទីតាំង​ដែល​បើក​ផ្តល់​ការចាក់​វ៉ាក់សាំង​ចិន​ស៊ី​ណូ​ហ្វា​ម​(SinoFarm) បង្ការ​ជំងឺ​កូ​វីដ​១៩ លើកដំបូង​នៅ​ខេត្តបន្ទាយមានជ័យ​នោះ​មាន​បួន​ទីតាំង​គឺ ១.​មន្ទីរពេទ្យ​ខេត្ត​មិត្តភាព កម្ពុជា ជប៉ុន មង្គល​បូរី ,
២.​នៅ​មន្ទីរពេទ្យបង្អែក​ស្រុក​ថ្មពួក ,៣.​មន្ទីរពេទ្យបង្អែក​ក្រុង​ប៉ោយប៉ែត​និង​៤.​មន្ទីរពេទ្យបង្អែក​ស្រុក​ព្រះនេត្រព្រះ ៕​សរន​

យុទ្ធនា​ការចាក់​វ៉ាក់សាំង​បង្ការជំងឺ​កូ​វីដ​១៩​នៅ​ខេត្តបន្ទាយមានជ័យ​ដំណើរការ​រ​ដោយ​លូន​(រូបថត ភ្នំស្វាយ) យុទ្ធនា​ការចាក់​វ៉ាក់សាំង​បង្ការជំងឺ​កូ​វីដ​១៩​នៅ​ខេត្តបន្ទាយមានជ័យ​ដំណើរការ​រ​ដោយ​លូន​(រូបថត ភ្នំស្វាយ)

ទីតាំងផ្សាយពាណិជ្ជកម្ម

- Advertisment -

Most Popular