Home ព័ត៌មានសំខាន់ៗ សម្តេច​ពិជ័យ​...

សម្តេច​ពិជ័យ​សេនា ទៀ បាញ់ បញ្ជា​ឲ្យ​មន្ត្រី​ជំនាញ​ចុះទៅ​ពិនិត្យមើល​បំណែក​យន្តហោះ​ដែល​ធ្លាក់​នៅលើ​ខ្នងភ្នំ​ឱ​រ៉ា​ល់​

ដោយ​:​មុនី​រ័ត្ន​/​ភ្នំពេញៈ សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បាន​បញ្ជា​ឲ្យ​ខាង​ជំនាញ​ពាក់ព័ន្ធ​ចុះទៅពិនិត្យ​សិក្សា​មើល​បំណែក​យន្តហោះ​ដ៏​ធំ​មួយគ្រឿង ដែល​ស្ថិតនៅ​ក្នុងព្រៃ​នៃ​ភ្នំ​ឱ​រ៉ា​ល់ ខេត្តកំពង់ស្ពឺ ដើម្បី​ឲ្យ​ដឹង​ការពិត​ថា តើ​យន្តហោះ​នោះ​ធ្លាក់​នៅក្នុង​សម័យ​ណា​?

​ការបញ្ជា​ឲ្យ​ខាង​ជំនាញ​ចុះទៅ​ពិនិត្យមើល​យន្តហោះ ដែល​ធ្លាក់​នៅក្នុង​ព្រៃ​ជា​យូរ​ឆ្នាំ​មកហើយ​នេះ គឺ​បន្ទាប់ពី​ព្រះសង្ឃ​មួយក្រុម​បាន​និមន្ត​ចូលទៅក្នុង​ព្រៃ​នៃ​ភ្នំ​ឱ​រ៉ា​ល់ ហើយ​ក៏បាន​ប្រទះឃើញ​បំណែក​យន្ត​នោះ​។​

​សម្តេច​ពិជ័យ​សេនា ទៀ បាញ់ បាន​មានប្រសាសន៍ប្រាប់​រស្មី​កម្ពុជា​នៅ​យប់​ថ្ងៃទី​២៤ ខែកុម្ភៈ នេះ​ថា សម្តេច​បាន​ឲ្យ​ខាង​ជំនាញ​ពាក់ព័ន្ធ​ចុះទៅពិនិត្យ​សិក្សា​មើល​ដោយផ្ទាល់​នៅ​កន្លែង​យន្តហោះ​ដែល​ធ្លាក់​នៅក្នុង​ព្រៃ​នោះ​។ ដោយ​សម្តេច​បានបញ្ជាក់​ថា “​ខ្ញុំ​កំពុងតែ​ចាត់ការ​ហើយ ព័​ត៍​មាន​នេះ គឺជា​ព័​ត៍​មាន​មួយ​យើង​ចាំបាច់​ណាស់ គឺ​ត្រូវតែទៅ​មើល​ផ្ទាល់ ទៅ​សិក្សា​មើល ព្រោះនេះ​វា​ជា​ស្នាក​ស្នាម​មួយ​ដ៏​សំខាន់​ណាស់ ហើយ​យើង​អាច​រកឃើញ​រឿងរ៉ាវ​ដ៏​ច្រើន​ទៀត​”​។​

បើតាម​ព្រះសង្ឃ​ដែល​បានឃើញ​យន្តហោះ​បាន​មាន​ដីកា​ថា “​នេះ​ជា​យន្តហោះ​ធ្លាក់​ឡើង​បែកខ្ទេច​តែម្តង នៅ​ខ្នងភ្នំ​ឱ​រ៉ា​ល់ពី​ខាងលិច​ឆៀង​ខាងត្បូង​។ ធំ​មែនទែន ប្រហែលជា​ធ្លាក់​យូរ​ឆ្នាំ​ហើយ មិនដឹង​ជា​ធ្លាក់​នៅ​ឆ្នាំ​ណា​ទេ​…”៕​សរន​

ទីតាំងផ្សាយពាណិជ្ជកម្ម

- Advertisment -

Most Popular