Home ព័ត៌មានសំខាន់ៗ ឃុំខ្លួនឆ្មាំ...

ឃុំខ្លួនឆ្មាំគុកខេត្តកណ្តាលម្នាក់ករណីស៊ីដាច់លុយអ្នកទោស

ដោយ:សរិទ្ធ/កណ្តាល: តាមប្រភពព័ត៌មានច្បាស់ការណ៍ បានបង្ហើបប្រាប់នៅថ្ងៃទី២៥ ខែកុម្ភៈ ឆ្នាំ២០២១ នេះ ថា លោក តុង ដារ៉ា មន្ត្រីពន្ធនាគារខេត្តកណ្តាល ត្រូវបានកម្លាំងព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកណ្តាល ឃាត់ខ្លួនពាក់ព័ន្ធការរត់ការដោះលែងជនជាប់ឃុំ តែមិនបានសម្រេច ហើយត្រូវអ្នកពឹងពាក់ដាក់ពាក្យបណ្តឹង​ ។

ប្រភពព័ត៌មាន ដដែលបន្តថា ក្រោយការសាកសួររួចមក លោកស្រី ពេជ ម៉ារ៉ែន ចៅក្រមស៊ើបសួរសាលាដំបូងខេត្តកណ្តាល បានសម្រេចឃុំខ្លួនលោក តុង ដារ៉ា ដាក់ពន្ធនាគារបណ្តោះអាសន្ន ។

អ្នកដឹងរឿងច្បាស់ បញ្ជាក់ថា លោក តុង ដារ៉ា តែងតែរត់ការដោះលែងជនជាប់ឃុំក្នុងពន្ធនាគារ អោយនៅក្រៅឃុំ ពេលបញ្ជូនចូលពន្ធនាគារម្តងៗ មិនថារឿងតូច ឬរឿងធំ នោះទេ ពោលគឺរឿងអ្វី ក៏រត់ការដោះលែង បានដែរ ។ ឥទ្ធិពលរបស់លោក តុង ដារ៉ា បែបនេះ មិនដឹងមានអ្នកណានៅពីក្រោយខ្នង ដើម្បីកាងនោះទេ ។

ប៉ុន្តែ ដោយសារយកលុយពីអ្នកដែលពឹងពាក់ ក្នុងមួយរឿងៗរាប់ពាន់ និង រាប់ម៉ឺនដុល្លារ ដោយអះអាងថា យកលុយនេះ ទៅអោយតុលាការ ដើម្បីសុំដោះលែងជន ជាប់ចោទអោយនៅក្រៅឃុំ តែទីបំផុតលុយទាំងអស់នោះ លោក តុង ដារ៉ា បានយកទៅចាយអស់ ហើយជនជាប់ឃុំ នៅតែជាប់ឃុំក្នុងពន្ធនាគារដដែល ទើបធ្វើអោយអ្នកពឹងពាក់ខឹង ដាក់ពាក្យបណ្តឹងអោយតុលាការចាត់ ការតាមផ្លូវច្បាប់តែម្តង ។

រឿងរត់ការដោះលែងជនជាប់ឃុំអោយនៅក្រៅឃុំ នេះ មិនមែនមានតែលោក តុង ដារ៉ា នោះទេ ពោលគឺ នៅមានមន្ត្រីពន្ធនាគារផ្សេងទៀតក្នុងពន្ធនាគារខេត្តកណ្តាល ក៏ចេះរកស៊ី រត់ការដោះលែង នេះដែរ ៕

ទីតាំងផ្សាយពាណិជ្ជកម្ម

- Advertisment -

Most Popular